Свет
Чак Норис го поддржа Гингрич
Американскиот актер и мајстор на боречките вештини Чак Норис го поддржа Њут Гингрич за републикански кандидат на американските претседателски избори,
Американскиот актер и мајстор на боречките вештини Чак Норис го поддржа Њут Гингрич за републикански кандидат на американските претседателски избори, непосредно пред партиските предизбори во сојузната американска држава Јужна Каролина, кои може да идат клучни во борбата за републиканската номинација.Чак Норис во својата редовна колумна на порталот WolrdNetDaily пишува дека го поддржува Њут Гингрич бидејќи верува дека може да го победи на претседателските избори актуелниот демократски претседател Барак Обама и „да ја врати Америка во деновите на нејзината најголема слава“.„Веруваме во искуството на Њут, лидерство, знаење, мудрост, вера.. и дури и во неговата понизност да учи од сопствените грешки (лични и јавни). Веруваме дека може да ја врати Америка во нејзините славни денови. Најдобриот човек остана на боиштето кој може да го надигра, надмудри и надвладее Обама и неговата изборна машинерија“, порача славниот актер.„Доколку сте подготвени за добра борба и за обновување на нашата република, тогаш ве повикувам да ни се придружите на мојата сопруга Џени и мене во поддршката и гласањето за Њут Гингрич како републикански кандидат и потоа американски претседател“, пишува Чак Норис. Норис, кој е закоравен републиканец, на претходните претседателски избори го поддржуваше и учествуваше во кампањата на поранешниот гувернер Мајк Хакаби, којшто до почетокот на март и предизборите во Тексасдобор се бореше против подоцнежниот победник за републиканска номинација Џон Меккејн. За Грингич, поранешен претседател на Претставничкиот дом на Конгресот на САД, кој во моментот заостанува зад водечкиот но умерен кандидат Мит Ромни, изборите во саботата може да бидат клучни. Јужна Каролина е држава со избирачко тело во коешто доминираат белите евангелисти – база на десното крило на Републиканската партија во која Грингич мора да оствари добар резултат доколку сака да остане во трката за номинација.Инаку Јужна Каролина ги одбра сите досегашни победници во натпреварувањето за претседателска номинација на Републиканската партија од 1980 година наваму.Инаку во март 2009 година Чак Норис ја објави колумната под наслов „Ќе се кандидирам за претседател на Тексас“, којашто предизвика големо внимание на јавноста. Во колумната Норис најави „војна“ против Барак Обама, тврдејќи дека сојузната држава Тексас ќе се отцепи од Соединетите американски држави доколку американскиот претседател не престане со неговото силно левичарење.Норис пишуваше дека Америка под водство на Обама сé повеќе се оддалечува од визијата што ја имале нејзините творци. Притоа тој го наведе Џорџ Вашингтон и неговиот совет дека е добро да се биде што помалку политички поврзан со странските нации, како и на предупредувањето на Томас Џеферсон дека на владетелите не смее да им се дозволи да ги оптоваруваат граѓаните со долгови.Норис во колумната ги постави прашањата колку долго Американците ќе го поднесуваат тоа, и дали кога ќе се прелее чашата, американските лидери ќе умеат да слушаат. Според Норис, тоа може да биде повод и почеток на уште една американска револуција, која според него би тргнала од Тексас а тој би станал негов претседател. Притоа легендарниот „тексашки ренџер Волкер“ наведува дека од 1836 до 1846 година Тексас бил засебна република./крај/хи/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бајден зборуваше за дебатата со Трамп, но и за детали од неговиот личен живот
Американскиот претседател Џозеф Бајден денеска изјави дека ќе учествува на дебата со Доналд Трамп, неговиот републикански противкандидат на ноемвриските избори.
„Не знам кога“, изјави Бајден во интервјуто со Хауард Стерн и додаде дека со нетрпение го очекува тоа, пренесе Ројтерс.
Бајден раскажуваше семејни приказни и рече дека пелтечењето било подготовка за тешките удари во животот. Тој рече дека пелтечењето како дете било најдоброто нешто што му се случило. Додаде дека на крајот го надминал пелтечењето, но дека повремено му се враќа кога зборува во јавност.
Интервјуто со Хауард Стерн се случи додека Бајден присуствуваше на политички настан во Њујорк.
За време на интервјуто, тој презентираше многу биографски детали, обидувајќи се да се претстави пред гласачите. Бајден, исто така, рече дека неговиот татко, Џозеф Робинет Бајден постариот, ретко покажувал љубов и раскажал приказна што напраавил кога бил нокаутиран додека играл рагби кога бил во четврто одделение.
„Татко ми излезе со нас и рече Џои стани. Само стани. Мора да станеш“, раскажал Бајден.
Свет
(Видео) Снимка од Ердоган хит на социјалните мрежи: Телохранител му подаде чешел на турскиот претседател, а потоа цела делегација мораше да застане
Видео од турскиот претседател Реџеп Таип Ердоган како се чешла стана хит на социјалните мрежи.
Ердоган, кој во четвртокот дојде на прославата на Уставниот суд во Анкара, цело време беше придружуван од телохранител кој ненадејно му подава чешел пред да влезе во салата. Турскиот лидер застана и почна да се чешла додека целата делегација, вклучително и претседателот на Уставниот суд, чекаше.
— Pluton (@Pluton45873221) April 26, 2024
Откако заврши со средувањето на косата, Ердоган му го даде чешелот на еден од своите советници, а потоа продолжи да се шета со претседателот на Уставниот суд, Кадир Озкај, насмеан.
Ердоган присуствуваше и на прославата на 62-годишнината од формирањето на Уставниот суд.
Свет
Се слушнало тропање и силни вибрации: Боинг изгубил дел за време на лет, извршил принудно слетување
Авионот на „Делта ерлајнс“ кој утрово полета од аеродромот „Џон Кенеди“ во Њујорк мораше да се сврти и да се врати на аеродромот поради дефект на опремата за итни случаи, пренесува „Индекс“.
Летот 520 на „Делта ерлајнс“ безбедно се врати на аеродромот околу 8:35 часот откако екипажот пријавил вибрации, соопшти Федералната управа за авијација (ФАА). Пилотите веднаш по полетувањето пријавиле во контролата на летање дека почувствувале чудни вибрации и слушнале звук на тропање.
Авионот летал 33 минути пред да се врати на ЏФК, пишува „ABC7 New York“.
„Откако леталото безбедно слета, беше забележано дека во одреден момент отпадот за итни случаи паднал“, рече портпаролот на „Делта“. За време на инцидентот во „Боингот 767“ имало 176 патници, двајца пилоти и пет стјуардеси. Нема извештаи за повредени.
Патниците биле префрлени во друг авион, кој полетал во 10:59 часот, околу три часа подоцна. Авионот чиј дел за итни случаи паднал е стар 33 години и нема да биде во служба додека „Делта“ не ја процени неговата соодветност. Од ФАА велат дека ќе го истражат целиот инцидент.