Свет
„Окупирај..“ тврди дека досега се уапсени шест илјади демонстранти
Анти-корпорациското движење „Окупирај …“ наведува дека повеќе од шест илјади демонстранти се уапсени во САД, од почетокот на кампањата во септември 2011 година.
Анти-корпорациското движење „Окупирај …“ наведува дека повеќе од шест илјади демонстранти се уапсени во САД, од почетокот на кампањата во септември 2011 година.Интернет страницата Occupyarrests.com, којашто ги следи протестите во петокот пишува дека американската полиција досега притворила најмалку 6.020 демонстранти на движењето „Окупирај …“.Во бројката што ја презентира интернет ресурсот, се вклучени и 37 лица, кои беа уапсени во четвртокот во Њујорк, коишто демонстрираа, меѓу другото, и против аукцијата на запленети куќи во Врховниот суд на Бруклин. Демонстрантите со гласни извици и негодувања почнале да го попречуваат наддавањето за куќите.Најмалку три демонстранта од движењето „Окупирај го Минеаполис“, биле уапсени во седиштето на „US Bank“ во Минеаполис во вторникот. Демонстрантите барале да се овозможат разговори меѓу претставници на банката и две лица чиишто куќи биле запленети.Протестите коишто започнаа на 17-ти септември минатата година под мотото „Окупирај го Волстрит“, брзо се проширија во речиси сите поголеми градови во САД, меѓу кои Лос Анџелес, Мајами и Вашингтон. Демонстрантите лани на 1-ви октомври го подигнаа својот камп и во близина на зградата на градската администрација на Лос Анџелес, по примерот на кампот на демонстрантите од кампот „Окупирај го Волстрит“ во њујоршкиот Зукоти парк. Претходните месеци полицијата го растури и кампот на демонстрантите од сличната акција во градот Филаделфија, во сојузната држава Пенсилванија, при што уапси шест демонстранти.Демонстрантите протестираат против безработицата, владините политики и финансиски институции, нарекувајќи ги „финансиски терористи“, а, исто така, тие бараат и повисоки даноци за богатите. Активистите веруваат дека дејствуваат во име на мнозинството од населението на САД (оттука друго име за движење е „99 отсто“). Наскоро потоа слична кампања започна и во неколку други западни земји, како Канада, Австралија, Германија, Велика Британија, Италија, Шпанија, Ирска, Португалија, како и во други земји./крај/ро/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бајден зборуваше за дебатата со Трамп, но и за детали од неговиот личен живот
Американскиот претседател Џозеф Бајден денеска изјави дека ќе учествува на дебата со Доналд Трамп, неговиот републикански противкандидат на ноемвриските избори.
„Не знам кога“, изјави Бајден во интервјуто со Хауард Стерн и додаде дека со нетрпение го очекува тоа, пренесе Ројтерс.
Бајден раскажуваше семејни приказни и рече дека пелтечењето било подготовка за тешките удари во животот. Тој рече дека пелтечењето како дете било најдоброто нешто што му се случило. Додаде дека на крајот го надминал пелтечењето, но дека повремено му се враќа кога зборува во јавност.
Интервјуто со Хауард Стерн се случи додека Бајден присуствуваше на политички настан во Њујорк.
За време на интервјуто, тој презентираше многу биографски детали, обидувајќи се да се претстави пред гласачите. Бајден, исто така, рече дека неговиот татко, Џозеф Робинет Бајден постариот, ретко покажувал љубов и раскажал приказна што напраавил кога бил нокаутиран додека играл рагби кога бил во четврто одделение.
„Татко ми излезе со нас и рече Џои стани. Само стани. Мора да станеш“, раскажал Бајден.
Свет
(Видео) Снимка од Ердоган хит на социјалните мрежи: Телохранител му подаде чешел на турскиот претседател, а потоа цела делегација мораше да застане
Видео од турскиот претседател Реџеп Таип Ердоган како се чешла стана хит на социјалните мрежи.
Ердоган, кој во четвртокот дојде на прославата на Уставниот суд во Анкара, цело време беше придружуван од телохранител кој ненадејно му подава чешел пред да влезе во салата. Турскиот лидер застана и почна да се чешла додека целата делегација, вклучително и претседателот на Уставниот суд, чекаше.
— Pluton (@Pluton45873221) April 26, 2024
Откако заврши со средувањето на косата, Ердоган му го даде чешелот на еден од своите советници, а потоа продолжи да се шета со претседателот на Уставниот суд, Кадир Озкај, насмеан.
Ердоган присуствуваше и на прославата на 62-годишнината од формирањето на Уставниот суд.
Свет
Се слушнало тропање и силни вибрации: Боинг изгубил дел за време на лет, извршил принудно слетување
Авионот на „Делта ерлајнс“ кој утрово полета од аеродромот „Џон Кенеди“ во Њујорк мораше да се сврти и да се врати на аеродромот поради дефект на опремата за итни случаи, пренесува „Индекс“.
Летот 520 на „Делта ерлајнс“ безбедно се врати на аеродромот околу 8:35 часот откако екипажот пријавил вибрации, соопшти Федералната управа за авијација (ФАА). Пилотите веднаш по полетувањето пријавиле во контролата на летање дека почувствувале чудни вибрации и слушнале звук на тропање.
Авионот летал 33 минути пред да се врати на ЏФК, пишува „ABC7 New York“.
„Откако леталото безбедно слета, беше забележано дека во одреден момент отпадот за итни случаи паднал“, рече портпаролот на „Делта“. За време на инцидентот во „Боингот 767“ имало 176 патници, двајца пилоти и пет стјуардеси. Нема извештаи за повредени.
Патниците биле префрлени во друг авион, кој полетал во 10:59 часот, околу три часа подоцна. Авионот чиј дел за итни случаи паднал е стар 33 години и нема да биде во служба додека „Делта“ не ја процени неговата соодветност. Од ФАА велат дека ќе го истражат целиот инцидент.