Генерален 24-часовен штрајк заеднички организиран од страна на најголемите синдикати во земјата против политиката на големи штедења почнаа во Белгија во неделата во 22 часот, јавуваат агенциите.

Генерален 24-часовен штрајк заеднички организиран од страна на најголемите синдикати во земјата против политиката на големи штедења почнаа во Белгија во неделата во 22 часот, јавуваат агенциите. Едни од првите коишто го започнаа штрајкот се работниците во транспортот. Така во текот на понеделникот работата на градскиот транспорт на триторијата на цела Белгија ќе биде речиси целосно запрен, а нема да се одвива железничкиот сообраќај, вклучувајќи ги и меѓунардоните брзи возови Талис и Еуростар, коишто Белгија ја поврзуваат со Холандија, Франција и Велика Британија. Исто така, во неделата е објавено дека е затворен аеродромот Шарлероа, вториот по големина во Белгија. Не е исклучено и дека штрајкот ќе влијае врз функционирањето на меѓународниот аеродром во Брисел. Здружението на белгиските пилоти, коешто го сочинуваат околу 800 пилоти и инженери за цивилна воздушна пловидба, ги повика своите членови да му се приклучат на протестот.Белгиските власти соопштија во врска со тековниот генерален штрајк, кој се совпаѓа со почетокот на неформалниот самит на Европската унија, дека имаат намера , доколку е потребно, да обезбедат прифаќање на авионите на воениот авион „Бовешан“ на 30 километри од Брисел за слетување и заминување на авионите на челниците на 27-те земји членки на ЕУ. На командата на белгиската воздухопловна база и’ е наредено да разгледува таква можност, во случај контролорите на летањето на аеродромот во главниот град да решат да им се приклучат на синдикатите на протестот. Меѓутоа, како што пишуваат локалните медиуми, пистата на воениот аеродром „Бовешан“ не е адаптирана за прифаќање на авионите од типовите „Боинг 747“ и „Еебас А380“. И покрај тоа што во Брисел на денот на штрајкот – понеделник, не е планирано да се спроведат масовни демонстрации на работниците на улиците, главниот град на Белгија ќе биде во своевидна „опсадна состојба“, бидејќи приодите кон градот ќе бидат блокирани со колци. Претходниот генерален штрајк во Белгија организиран заеднички од најголемите синдикати беше одржан во 1993 година./крај/афп/мф/сн