Свет
НАТО ќе ги продолжи операциите и по предавањето на овластувањата на Авганистан
НАТО ќе продолжи да ги спроведува борбени операции во Авганистан и по целосното преносување на одговорноста за безбедноста во земјата врз тамошната армија и полиција, изјавија во четвртокот одвоено генералниот секретар на НАТО Андерс Фог Расмусен и Белата нуќа во Вашингтон.
НАТО ќе продолжи да ги спроведува борбени операции во Авганистан и по целосното преносување на одговорноста за безбедноста во земјата врз тамошната армија и полиција, изјавија во четвртокот одвоено генералниот секретар на НАТО Андерс Фог Расмусен и Белата нуќа во Вашингтон. „Дури и кога последните провинции и области ќе им бидат предадени на одговорност на Авганистанците, ние сѐ уште треба да ги поддржуваме авганистанските безбедносни сили, вклучувајќи го и спроведувањето борбени операции“, изјави Андрес Фог Расмусен за новинарите по првиот ден од состанокот во Брисел на 28-те министри за одбрана на земјите членки на НАТО, во четвртокот навечер. „Ако некој мисли дека мисијата на ИСАФ (Меѓународните безбедносни сили за помош во Авганистан под команда на НАТО) ќе биде завршена до 2013 година, за тоа можам да кажам дека тоа нема да се случи“, додаде првиот човек на НАТО. Генералниот секретар на НАТО потсети дека според „распоредот“ за Авганистан, усвоен на самитот на НАТО во ноември 2010 година во Лисабон, етапниот процес на предавање на овластувањата и одговорноста за безбедноста од ИСАФ под контрола на авганистанските безбедносни сили треба да биде завршен до крајот на 2014 година. Сепак, според Расмусен, овој процес „многу ќе зависи од реалната безбедносна ситуација на теренот“, пренесува AFP. „Прерано е да се предвиди во детали, кога точно последните провинции и области ќе бидат дадени во надлежност на Авганистанците, но јасно е дека ние ја следиме рамката доенсена во Лисабон“, вели Расмунсен. Генералниот секретар на НАТО дал дека во моментов авганистанската армија и полиција ја обезбедуваат безбедноста на половината од населението во Авганистан и оти на нив отпаѓаат 40 отсто од воените операции коишто сега се одвиваат на територијата на земјата.Белата куќа, пак, од своја страна соопшти дека не е донесена одлука за измена на улогата на американските единици во Авганистан, како и дека коментарите на министерот за одбран Леон Панета за американските војски коишто во 2013 година ќе ја звршат борбената мисија не претставуваат скршување од зацртаното.„Тоа беше процена на она што може да се случи во контекстот на прифаќањето на политиката на НАТО да безбедноста се префрли врз афганистанските сили до 2014 година, а во рамките на тој рок ќе се случи транзицијата. На тоа се однесуваа зборовите на министерот Панета“, изјави портпаролот на Белата куќа, Џим Карнеј, во четвртокот доцна навечер на брифинг за новинарите, пренесува Reuters.Министерот за одбрана на САД, Леон Панета, во средата изјави дека САД и НАТО ќе настојуваат својата борбена мисија во Авганистан да ја завршат идната година, и дека ќе го преместат тежиштето врз улогата на поддршка и обука на авганистанските безбедносни сили, којашто ја пренесоа светските агенции.„Се надевам дека до средината или во вториот дел од 2013 година ќе бидеме во можност да направиме премин од борбената улога во Авганистан кон обучувањето и советодавната и помошна улога“, им рекол Панета на новинарите коишто патувале заедно со него на состанокот на министрите за одбрана на земјите членки на НАТО во Брисел кој се орджува во четвртокот и петокот./крај/афп/ро/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Мачна сторија: 98-годишна Украинка пеш, во влечки побегнала од фронтот во Доњецк за да се најде со семејството
Лидија Ломиковска (98) се споила со семејството неколку дена откако избегала од украинскиот фронт, поради што пешачела 10 километри во влечки.
98-годишната жена која побегнала од територијата во Украина окупирана од Русија користејќи стап, само во влечки, и повторно се споила со своето семејство неколку дена откако биле разделени додека бегале на безбедно.
Лидија и нејзиното семејство одлучиле да го напуштат градот Очеретине, во источниот регион на Доњецк, откако руските војници влегле во него минатата недела и борбите се интензивирале.
– Се разбудив опкружен со пукотници, беше толку страшно – изјави Ломиковска во видео интервјуто што го објави полицијата во Доњецк.
Таа беше разделена од синот и снаите, од кои и едната беше повредена од шрапнел неколку дена претходно. Помладите членови на семејството тргнале по споредни патишта, но Лидија сакала да остане на главниот пат.
Со бастун во едната рака и парче дрво во другата, Ломиковска цел ден пешачела без храна и вода за да стигне до украинските линии.
Ломиковска рече дека два пати паднала и дека понекогаш морала да застане за да се одмори, а во еден момент дури и задремала пред да го продолжи патувањето.
– Еднаш изгубив рамнотежа и паднав во тревата. Заспав малку и продолжив да одам. И тогаш, по втор пат, пак паднав, но потоа станав и помислив, морам да одам, малку по малку – рече Ломиковска.
Павло Дјаченко, портпарол на полицијата, изјави дека украинските војници ја забележале Ломиковска како оди по патот во вечерните часови. Тие ја предале на „Белите ангели“, полициска група која ги евакуира граѓаните кои живеат на линијата на фронтот, кои ја однеле во прифатилиште за евакуирани и контактирале со нејзините роднини.
Ломиковска вели дека ја преживеала Втората светска војна.
– И јас морав да ја поминам оваа војна и на крајот останав без ништо – рече таа и додаде: – Таа војна не беше како оваа. Ниту една куќа не изгоре. Но, сега се гори – му рекла таа на својот спасител.
Извршниот директор на една од најголемите украински банки во вторникот на својот канал Телеграм објави дека банката ќе ѝ купи куќа за Ломиковска.
– Монобанк на Лидија Степанивна ќе и купи куќа и таа безбедно ќе живее во неа додека не заврши војната – изјави Олех Хороховски.
A story of a 98-year old Lydia Stepanivna from #Ocheretyne in Donbas who walked 10 km to escape the hell of occupation.
– I survived WWII, but this war is worse. In WWII not a single house in our village burnt – and now there’s nothing left.#StandWithUkraine pic.twitter.com/20lMAXGWYI
— olexander scherba🇺🇦 (@olex_scherba) April 29, 2024
Свет
Полјачка на миса за Меди МекКан: „Јас сум Меди. Не сум лажга. Направете ДНК тест“
Родителите на Медлин МекКен вчера вечерта не беа на бдеењето одржано по повод 17-годишнината од исчезнувањето на девојчето. Меѓутоа, на богослужбата се појавила една млада Полјачка која тврди дека таа е киднапираната Меди.
Кејт и Гери МекКен испратија порака до присутните, која ја прочита пречесниот Роберт Гладстон: „Жал ни е што не можеме да бидеме со вас вечерва. Ви благодариме што се здруживте. Поминаа 17 години откако беше киднапирана. тешко е да се поверува дека помина толку долго време“.
На бдеењето присуствувала Џулија Вендел (22), која тврди дека таа е ккиднапираната Медлин. Во рацете држела писмо кое имала намера да им го предаде на родителите на киднапираното девојче. „Јас сум Медлин МекКен. Никогаш не престанав да верувам во тоа. Дојдов овде да ги замолам Кејт и Гери да направат ДНК тест”, рекла таа по мисата, а пренесува Дејли Мејл.
„Тие не направија ништо за да докажат дека не сум нивна ќерка. Не, не сум луда. Не сум лажгоа“, додала таа. Во селото Ротли се одржа бдение. Семејството МекКен и понатаму се надева дека нивната ќерка, која сега би имала 20 години, е сè уште жива.
Германската полиција, од друга страна, смета дека Меди е убиена и има намера да го обвини Кристијан Брукнер за злосторството. На осудениот педофил моментално му се суди за пет неповрзани силувања и сексуални престапи.
Во февруари минатата година, Џулија на социјалните мрежи објави под нејзиното корисничко име „@IamMadeleineMcCann“ дека таа е исчезнатото девојче. По ДНК анализата било утврдено дека таа на никаков начин не е поврзана со Медлин. Но, Џулија вчера инсистираше дека таа е Медлин МекКен и дека тоа ќе го докаже.
Свет
Русија распиша потерница по Зеленски, се огласи Украина
Украинското Министерство за надворешни работи соопшти дека издавањето налог за апсење од страна на Русија за претседателот Володимир Зеленски е „доказ за очајот на руската државна машина и пропаганда“, пишува „Украинска правда“.
„Руските извештаи за наводното додавање на украинскиот претседател Володимир Зеленски на потерницата на руското Министерство за внатрешни работи го покажуваат очајот на руската државна машина и пропаганда. Русите не знаат што друго да измислат за да привлечат внимание“, посочија Украинците. надвор.
„Ги потсетуваме сите дека, спротивно на безвредните руски најави, налогот на Меѓународниот кривичен суд за апсење на рускиот диктатор Владимир Путин под обвинение за воени злосторства е реален и спроведлив во 123 земји“, додаваат тие.
Русите не го прецизираа написот врз основа на кој е издаден налогот за апсење на украинскиот лидер. „Володимир Александрович Зеленски, 25 јануари 1978 година. Се бара според членот од Кривичниот законик“, стои во базата на податоци на веб-страницата на руското Министерство за внатрешни работи.
Базата на податоци го наведува и местото на раѓање на бараното лице, градот Кривиј Рих во регионот Дњепропетровск. Објавена е и фотографија од Зеленски, направена пред војната.