Свет
ВЦИОМ: Расте рејтингот на Путин, се намалува поддршката за неговите конкуренти
Изборниот рејтинг на еден од кандидатите за претседател на Русија, актуелниот премиер Владимир Путин се зголемил минатата седмица за 3 отсто, односно во моментов 52 проценти од Русите би гласале за него,
Изборниот рејтинг на еден од кандидатите за претседател на Русија, актуелниот премиер Владимир Путин се зголемил минатата седмица за 3 отсто, односно во моментов 52 проценти од Русите би гласале за него, додека поддршката за неговите противници за малку е опадната, покажува истражувањето спореведено од Серускиот центар за истражување на јавното мислење (ВЦИОМ).„Путин уверливо води според претседателскиот изборен рејтинг, при што поддршката за него за изминатата седмица е зголемена од 49 на 52 отсто. Намален е процентот на поддршка за Генадиј Зјуганов, од 11 на 8 отсто, кој оваа седмица го дели второто место со Владимир Жириновски кој има поддршка исто така од 8 отсто. Помалку се и оние коишто се подготвени да гласаат за Сергеј Миронов, од 6 на 4 отсто. Рејтингот на Михаил Прохоров остана стабилен – на 4 отсто’, се наведува во соопштението на Центарот што го пренесува РИА Новости. Судејќи според резултатите од претходните анкети, рејтингот на Путин варира во текот на јануари во опсегот од 48 до 52 отсто, бидејќи тој претходно порасна на 52 проценти во средината на јануари, но потоа повторно се намали.„Рејтингот за одобрување на работата на претседателот Дмитриј Медведев остана стабилен, и осцилира во рок од еден месец во рамките на тесен опсег од 55 до 57 отсто. Слична е и ситуацијата и со процентот на позитивно мислење за работата на премиерот. Во последниве неколку седмици, неговиот рејтинг не надминува повеќе од 58 до 60 отсто“, се вели во соопштението на ВЦОИМ.Владејачката партија Единствена Русија, на двоецот Путин – Медведев, според оваа анкета има поддршка од 42 отсто од испитаниците, и како што забележува агенцијата, тој не се менува последните три седмици. Рејтингот, пак, на другите партии продолжил да опаѓа, па така на Комунистичката партија падна од 15 на 12 отсто за истиот период, на Либерал-демократската партија од 11 на 8, а Правична Русија исто така има намален рејтинг од 9 на 7 проценти.Анкетата на ВЦИОМ била спроведена на 28 и29 јануари, 2012 година, при што биле интервјуирани 1.600 испитаници во 138 населени места во 46 региони и републики на Русија./крај/рн/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бајден зборуваше за дебатата со Трамп, но и за детали од неговиот личен живот
Американскиот претседател Џозеф Бајден денеска изјави дека ќе учествува на дебата со Доналд Трамп, неговиот републикански противкандидат на ноемвриските избори.
„Не знам кога“, изјави Бајден во интервјуто со Хауард Стерн и додаде дека со нетрпение го очекува тоа, пренесе Ројтерс.
Бајден раскажуваше семејни приказни и рече дека пелтечењето било подготовка за тешките удари во животот. Тој рече дека пелтечењето како дете било најдоброто нешто што му се случило. Додаде дека на крајот го надминал пелтечењето, но дека повремено му се враќа кога зборува во јавност.
Интервјуто со Хауард Стерн се случи додека Бајден присуствуваше на политички настан во Њујорк.
За време на интервјуто, тој презентираше многу биографски детали, обидувајќи се да се претстави пред гласачите. Бајден, исто така, рече дека неговиот татко, Џозеф Робинет Бајден постариот, ретко покажувал љубов и раскажал приказна што напраавил кога бил нокаутиран додека играл рагби кога бил во четврто одделение.
„Татко ми излезе со нас и рече Џои стани. Само стани. Мора да станеш“, раскажал Бајден.
Свет
(Видео) Снимка од Ердоган хит на социјалните мрежи: Телохранител му подаде чешел на турскиот претседател, а потоа цела делегација мораше да застане
Видео од турскиот претседател Реџеп Таип Ердоган како се чешла стана хит на социјалните мрежи.
Ердоган, кој во четвртокот дојде на прославата на Уставниот суд во Анкара, цело време беше придружуван од телохранител кој ненадејно му подава чешел пред да влезе во салата. Турскиот лидер застана и почна да се чешла додека целата делегација, вклучително и претседателот на Уставниот суд, чекаше.
— Pluton (@Pluton45873221) April 26, 2024
Откако заврши со средувањето на косата, Ердоган му го даде чешелот на еден од своите советници, а потоа продолжи да се шета со претседателот на Уставниот суд, Кадир Озкај, насмеан.
Ердоган присуствуваше и на прославата на 62-годишнината од формирањето на Уставниот суд.
Свет
Се слушнало тропање и силни вибрации: Боинг изгубил дел за време на лет, извршил принудно слетување
Авионот на „Делта ерлајнс“ кој утрово полета од аеродромот „Џон Кенеди“ во Њујорк мораше да се сврти и да се врати на аеродромот поради дефект на опремата за итни случаи, пренесува „Индекс“.
Летот 520 на „Делта ерлајнс“ безбедно се врати на аеродромот околу 8:35 часот откако екипажот пријавил вибрации, соопшти Федералната управа за авијација (ФАА). Пилотите веднаш по полетувањето пријавиле во контролата на летање дека почувствувале чудни вибрации и слушнале звук на тропање.
Авионот летал 33 минути пред да се врати на ЏФК, пишува „ABC7 New York“.
„Откако леталото безбедно слета, беше забележано дека во одреден момент отпадот за итни случаи паднал“, рече портпаролот на „Делта“. За време на инцидентот во „Боингот 767“ имало 176 патници, двајца пилоти и пет стјуардеси. Нема извештаи за повредени.
Патниците биле префрлени во друг авион, кој полетал во 10:59 часот, околу три часа подоцна. Авионот чиј дел за итни случаи паднал е стар 33 години и нема да биде во служба додека „Делта“ не ја процени неговата соодветност. Од ФАА велат дека ќе го истражат целиот инцидент.