Свет
Медведев се сретна со лидерите на руската опозиција
Рускиот претседател Дмитриј Медведев во понеделникот се сретна со лидерите на руската опозиција, при што било разговарано за реформите на политичкиот систем по протестите за исходот од парламентарните избори од 4-ти декември, и на помалку од две седмици пред претседателските избори
Рускиот претседател Дмитриј Медведев во понеделникот се сретна со лидерите на руската опозиција, при што било разговарано за реформите на политичкиот систем по протестите за исходот од парламентарните избори од 4-ти декември, и на помалку од две седмици пред претседателските избори на коишто неговиот сопартиец од владејачката Единствена Русија, актуелниот премиер Владимир Путин е изразит фаворит.„Нашиот политички систем е далеку од идеален и повеќето од тука присутните го критизираат, понекогаш о многу жестоко. Овде има луѓе со различни политички ставови, и тоа е добро, бидејќи мораме да решиме како нашиот политички систем треба да се развива“, изјавил рускиот претседател Дмитриј Медведев на почетокот од состанокот кој во продолжението бил затворен за новинарите. Меѓу присутните претставници на опозицијата биле поранешниот вицепремиер Борис Немцов,и лидерот на движењето на крајната левица Сергеј Удалцов кој по завршувањето на состанокот на интернет страницата gazeta.ru изјавил дека противниците на актуелната руска власт можеле да ги изнесат своите ставови и забелешки, но дека немало никаков позначаен напредок.Според руските, медиуми, меѓу другото на средбата на претседателот Медведев и опозициските челници, станало збор и за политичките затвореници во Русија, околу инаку кој се согласуваат сите струи во многу разноноликиот спектар на руската опозиција. Притоа Немцов на Медведев му предал список со имињата на 37 личности за коишто опозицијата смета дека се политички затвореници и бара нивно ослободување, а меѓу кои било и името на поранешниот нафтен магнат Михаил Ходорковски./крај/афп/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Жена без искуство во летање приземјила авион откако нејзиниот сопруг – пилот доживеал срцев удар
Ивон Кинан-Велс, која немала искуство со летање, го приземјила авионот откако нејзиниот сопруг, пилотот Елиот Алпер доживеал срцев удар додека управувал со авионот од Лас Вегас до Монтереј, Калифорнија, соопшти Федералната управа за авијација.
Кога се случил инцидентот, во двомоторниот авион биле само двајцата, а Националниот одбор за безбедност на транспортот објавил дека покренал истрага за случајот, објави „УСА Тудеј“.
Кинан-Велс добила помош од контролорите на летање и принудно слетала на аеродромот Медоус Филд во Калифорнија, на повеќе од 320 километри оддалеченост од нејзината првобитна дестинација.
Алпер, кој доживеал срцев удар, бил итно пренесен во болница, а подоцна починал.
Свет
Цело семејство загина во пожар поради мобилен телефон во Шпанија, немале време да побегнат
Семејство трагично загина во пожар во Шпанија кој настанал од експлозија и горење на батерија на мобилен телефон кој се полнел на каучот.
Семејството трагично загинало откако останало заробено во пожарот во куќата. Станува збор за Хозе Антонио Рендон (47), неговата сопруга Антонио Идалго (56) и нивните двајца синови, Хозе Антонио (20) и Адријан (16).
Нивните соседи очајно се обидувале да ги спасат, но прозорците и вратите од куќата биле опремени со решетки за дополнителна безбедност. Локалните жители изјавија дека ги слушнале нивните повици за помош додека чадот ја зафатил терасата во Севиља.
Полицијата подоцна потврди дека причината за пожарот е поврзана со телефонот кој се полнел на каучот.
Како одговор на трагедијата, градското собрание прогласи тридневна жалост.
Според извештаите, соседите забележале дека нешто не е во ред веднаш по 8 часот утрото во неделата. Се претпоставува дека жртвите сè уште спиеле и немале време да избегаат поради дополнителните безбедносни мерки кои биле воведени во куќата. Телото на продавачот на овошје, Хозе Антонио, било пронајдено на катот, заедно со телото на неговата сопруга, додека нивните деца биле долу кога пожарникарите конечно успеале да влезат во куќата.
Портпаролот на Цивилната гарда во Севиља изјави: „Заклучивме дека пожарот бил предизвикан од експлозија на батеријата на мобилниот телефон што се полнел на приземјето, на каучот“.
„Секоја неочекувана смрт е драматична, но во овој случај многу повеќе поради околностите и фактот што четири члена од исто семејство ги загубија животите, двајца родители и нивните деца на возраст од 16 и 20 години“, изјави градоначалникот, Лоренцо Медина, за време на посетата на местото на трагедијата.
Еден пријател оддаде емотивна почит на Фејсбук.
„Хозе Антонио Рендон, Тони Идалго и нивните деца Хозе и Адријан. Колку е тажно што гледам како заминавте на таков трагичен начин! Нашите срца се скршени и нема зборови со кои може да се опише болката. Сигурен сум дека вашите души ќе бидат посреќни во прекрасното место каде што сите одиме на крајот од нашето прво патување, ова не е збогум, туку „се гледаме подоцна“, иако е тажно збогување“.
Неделниот пожар е втор најсмртоносен пожар во станбени простории во Шпанија оваа година. Во февруари, катастрофален пожар во два станбени блока во Валенсија уби 10 луѓе, а однесе животи на речиси 100 домашни миленици.
Во септември 2019 година, 14-годишната Алуа Асеткизи Абзалбек починала во сон, откако нејзиниот мобилен телефон, кој се полнел, и експлодирал на перницата додека спиела дома во Бастобе, Казахстан.
Свет
Бурата „Кирк“ предизвика хаос во Франција: 12 повредени, десетици евакуирани, бес струја 67.000 домови
Вкупно 12 лица се повредени како последица од ударот на бурата „Кирк“ во Франција, којашто оваа недела ја зафати целата земја, пренесоа француските медиуми,
Едно лице е тешко повредено кога неговиот автомобил бил однесен од пороен дожд во департманот Лоара-Атлантик, објави „БФМТВ“.
Црвеното предупредување или метеоаларм останува на сила во северните француски департмани Сен-Е-Марн и Ер-и-Лоар, соопшти националната метеоролошка служба Метео Франс.
Десетици луѓе се евакуирани од департманите Сена и Марна и Ер-и-Лоар, според „БФМТВ“, додавајќи дека оние кои немаат пристап до своите домови се привремено сместени во гимназии.
Според метеоролошката служба, овогодинешните врнежи во Франција веќе ја надминале нормата за 30 отсто.
Периодот од 1 јануари до 9 октомври бил највлажен од 1959 година, додека средата бил највлажниот ден во годината. Според податоците на електро операторот, поради невремето без струја останале околу 67.000 домови.
Жолтата метеоролошка тревога останува на сила во Париз, каде што е забележан најсилниот дожд од 1920 година. Кабинетот на градоначалникот на Париз соопшти дека нивото на водата во реката Сена се искачи на околу 2,7 метри и дека се очекува дополнително да се зголеми.
Бурата „Кирк“ се формираше на крајот на септември во централниот дел на Атлантскиот Океан југозападно од Кејп Верде.