Свет
Салехи: Производството на нуклеарно оружје е грев
Иранскиот министер за надворешни работи Али Акбар Салехи кој во Женева учествува на конференцијата за разоружување по покровителство на Обединетите нации, изјави дека производството на нуклеарно оружје претставува „голем грев“.
Иранскиот министер за надворешни работи Али Акбар Салехи кој во Женева учествува на конференцијата за разоружување по покровителство на Обединетите нации, изјави дека производството на нуклеарно оружје претставува „голем грев“.„Сакам да нагласам дека ние не гледаме никаква слава, гордост ниту сила во нуклеарното оружје. Токму спротивното, во склад со религиските одредби коишто ги објави нашиот врховен лидер, производството, поседувањето и заканата со нуклеарно оружје се незаконски, опасни и забранети како голем грев“, изјавил во Женева шефот на ирaнската дипломатија Али Акбар Салех, пренесува Reuters. Иран тврди дека неговата нуклеарна програма е наменета исклучиво за истражувачки цели за цивилна употреба, за добивање електрична енергија и за употреба во медицината, одбивајќи ги тврдењата на западните земји дека под таа маска збогатува ураниум за развивање на нуклеарно оружје. Во последниот извештај на Меѓународната агенција за атомска енергија (IAEA) се тврди дека Иран значително го забрзал збогатувањето на ураниумот, и дека до 2003 година развила нуклеарно оружје што може да го прави и во моментов. Тоа предизвика проширување на санкциите од Европската унија и САД за Техеран и забрана за увоз на иранска нафта, што резултираше со пораст на цената на „црното злато“ и поради стравот од воена конфронтација во регионот.Техеран повика на продолжување на преговорите за неговата контроверзна нуклеарна програма, но досегашните контакти на IAEA и Иран не навестија дека тие преговори би можеле да резултираат со договор кој би ги ублажил стравувањата за безбедноста во регионот./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Белгија издвојува девет милиони евра за украинската енергетска инфраструктура
Белгија ќе додели дополнителна помош од девет милиони евра за да придонесе за поправка на оштетената енергетска инфраструктура во Украина, најави белгиската министерка за развојна соработка, Каролин Генез.
„Преку ОН, Белгија ќе придонесе за поправка на енергетската инфраструктура околу градот Харков, кој сега секојдневно трпи бомбардирање од руската армија. Со воена поддршка, овие средства ќе помогнат да се изгради отпорноста на Украина“, рече министерот, пренесува RTBF.
Според неа, Белгија ќе одвои средства за поддршка на проекти во рамките на Програмата за развој на Обединетите нации, која е специјализирана за економски развој.
Свет
Генералното собрание на ОН го повика Советот за безбедност да ја прими Палестина за членка
Генералното собрание на Обединетите нации ги зајакна правата на Палестина во рамките на организацијата и повика таа да биде прифатена како членка, пренесува Би-Би-Си.
Палестина има статус на земја-набљудувач не-членка од 2012 година, што дозволува некои права помалку од полноправна членка.
За членството може да одлучува само Советот за безбедност на ОН.
САД неодамна ставија вето на кандидатурата за полноправно членство, но гласањето денска може да се смета како гест на поддршка за Палестинците.
Палестинскиот претседател Махмуд Абас ја поздрави резолуцијата, велејќи дека таа ги поддржува палестинските напори за уште едно гласање за ова прашање од страна на Советот за безбедност.
Свет
Шпанија, Ирска и Словенија ќе ја признаат Палестина на 21 мај
Шпанија, Ирска и Словенија планираат симболично да ја признаат Палестинската држава на 21 мај, изјави шефот за надворешна политика на ЕУ, Жозеп Борел.
Тој го потврди датумот во интервју за шпанското јавно радио, откако ирскиот јавен радиодифузен сервис РТЕ објави дека тоа е моментот кога сите три земји планирале да дејствуваат.
Словенечката влада вчера соопшти дека донела декрет за признавање на палестинска држава, што ќе биде внесен во нејзиниот парламент до средината на јуни.
Потоа, најверојатно ќе има повеќе нации што ќе го следат примерот бидејќи и Белгија одлучи да го стори тоа, додаде Борел.