Русите во неделата (по локално врем) почнаа да гласаат на претседателските избори на коишто фаворит е актуелниот премиер Владимир Путин кој има намера да се врати на претседателската функција со нов шестгодишен мандат,

Русите во неделата (по локално врем) почнаа да гласаат на претседателските избори на коишто фаворит е актуелниот премиер Владимир Путин кој има намера да се врати на претседателската функција со нов шестгодишен мандат, традиоционално со отворањето на избирачките места во саботата навечер на далечниот руски исток. „Избирачките места се отворени на време, сѐ тече според планот“, изјави за AFP Оксана Балинина, потпретседателка на изборната комисија за обалста Чукотка, на крајниот исток на Сибир. Веднаш по граѓаните на Чукотка, започнаа да гласаат и избирачите во Камчатка и Магаданската област. Во следните часови ќе бидат отворени и избирачките места во другите области од рускиот Далечен исток и во најодалечениот сибирски регион Забајкалскиот. Изборите ќе завршат со гласањето во руската енкалва Калининград. Граѓаните коишто на денот на гласањето ќе бидат на пат, ќе можат својот галс да го дадат на специјалните избирачки места на автобуските и железничките станици како и на аеродромите. Имајќи предвид дека територијата на Руската Федерација се протега низ девете временски зони, граѓаните на Чукотка први почнаа со гласањето на претседатеслките избори коишто ќе завршат во 17 часот по локално време во Калињинград во западниот дека од земја, односно 18 часот по средноевропско време. Инаку изборите се одвиваат од 8 до 20 часот по локално време во секоја од временските зони. На изборите ќе можат да гласаат 108 милиони избирачи со право на глас, а првите резултати ќе бидат познати околу 21 часот по средноевропско време. Првпат овие избори ќе бидат следени со веб камери коишто се монтирани по две на 90 илјади од вкупно 95-те илјади избирачки места. Едната насочена директно кон гласачката кутија, а другата ги следи случувањата од поширок агол на целото избирачко место. Со ова руските власти, и тоа по иницијатива на Путин, сакаат да се обезбеди максимална транспарентност на изборниот процес.Меѓутоа набљудувачката мисија на Организацијата за европска безбедност и соработка (ОЕБСЕ) во Русија мисли дека камерите не се гаранција, бидејќи тие не го снимаат пребројувањето на ливчињата и исписот на резултатите.  За безбедноста на избирачките места и обезбедување на изборниот процес, ангажирани се повеќе од 380 илјади полицајци, од кои само во главниот град Москва – 36 илјади.На овие руски претседеателски избори учествуваат Владимир Путин предложен од владејачката партија Единствена Русија, Генадиј Зјуганов од Комунистичката партија, Сергеј Миронов од Справедлива Русија, Владимир Жириновски на Либералната партија и независниот кандидат милијардерот Михаил Прохоров, чиешто богатство е проценето на околу 16 милијарди долари. Претседател на Руската Федерација ќе стане кандидатот кој ќе освои повеќе од 50 отсто од гласовите. Доколку ниеден од кандидатите не го надмине овој лимит во првиот круг, во вториот ќе влезат двјацата кандидата коишто ќе имаат најмногу гласови. Во вториот изборен круг, победник е оној кандидат кој ќе освои повеќе гласови од противкандидатот. Централната изборна комисија што ја предводи Владимир Чуров, најдоцна до 14-ти март мора да ги соопшти конечните резултати од изборите. Избраниот претседател, пак, на функцијата ќе стапи на 7-ми мај. Поранешниот претседател и актуелен премиер Владимир Путин е главниот фаворит на овие избори, а според анкетите објавени кон крајот на февруари, тој би добил околу 60 отсто од гласовите. Од друга страна опозицијата правеше сѐ за да ги мобилизира избирачите и да го оневозможи Путин да победи уште во првиот круг, кој оваа фунцкија ја извршуваше во два четиригодишни мандата од 2000 до 2008 година.Руската опозициска коалиција којашто и не е толку хомогена уште од парламентарните избори од ланскиот декември протестира за наводна изборна измама, организарајќи ги најголемите протести во Русија во последните 12 години. Таа веќе ги прогласи однапред претседателските избори за недемократски. /крај/мф/сн