Иранскиот напад врз Израел го отвори патот за нова ескалација на Блискиот Исток. Директен конфликт меѓу овие две земји ќе го доведе регионот во голема војна без преседан, предупредуваат експертите, а особена опасност доаѓа од милитантните формации финансирани и поддржани од Иран. Тие заедно се дел од „оската на отпорот“, а Хамас, Хезболах и Хутите веќе подолго време нагласуваат дека се подготвени за заедничка акција со Иран.

Портпаролот на израелските одбранбени сили (ИДФ) Даниел Хагари објави дека 99 отсто од приближно 300 проектили што Иран ги истрела кон Израел во текот на ноќта биле пресретнати од воздушната одбрана.

„Иранската закана беше пресретната со воздушна и технолошка супериорност на ИДФ, во комбинација со силна коалиција со сојузниците, ние пресретнавме огромно мнозинство ракети“, вели Хагари.

Тој рече дека Иран лансирал 170 беспилотни летала кон Израел, а ниту еден не навлегол во израелскиот воздушен простор.

„Сите беа соборени надвор од границите на земјата од Израел и неговите сојузници. Беа лансирани уште 30 крстаречки ракети, од кои ниту една не влезе во израелскиот воздушен простор, рече Хагари, од кои 25 беа соборени од израелските воздухопловни сили. Хагари вели дека Иран истрелал 120 балистички ракети кон Израел. Многу од нив беа соборени од системот за противвоздушна одбрана со долг дострел Arrow, иако некои од ракетите успеаја да ја заобиколат израелската одбрана, погодувајќи ја воздухопловната база Неватим во јужен Израел.

По овој напад, постои страв дека Иран ќе ги искористи милитантите кои со години ги поддржуваше и финансираше за дополнително ескалирање на конфликтот на Блискиот Исток.

Земјотрес со јачина од 3,5 степени според Рихтеровата скала утрово ја погоди Грција.

Епицентарот на земјотресот бил на Крит на длабочина од 106 километри.

Со оглед на тоа дека станува збор за земјотрес со помал интензитет, се претпоставува дека нема жртви и материјална штета.

Џо Бајден за првпат јавно се осврна на нападот на Иран врз Израел, велејќи дека САД се „посветени на безбедноста на Израел“.

„Ние сме посветени на прекин на огнот што ќе ги врати заложниците дома и ќе спречи ширење на конфликтот надвор од она што веќе постои“, рече американскиот претседател во Белата куќа.

Тој го изјави ова за време на средбата со ирачкиот премиер Мохамед Шија ал Судани во Овалната соба.

Бајден рече дека е посветен и на „безбедноста на нашиот персонал и партнерите во регионот, вклучително и Ирак“.

Бела куќа: Тврдењата на Иран дека не предупредиле за нападот 72 часа однапред се лага

Иранскиот напад спектакуларно пропадна, соопшти Белата куќа.

„Овој напад не успеа затоа што беше поразен од Израел, Соединетите Држави и коалицијата на други партнери посветени на одбраната на Израел“, велат тие.

Тие исто така тврдат дека тврдењата на Иран дека испратил 72-часовно предупредување за нападот се лажни.