Свет
Победа на левицата во Словачка
Словачката партија на левиот центар Смер на Роберт Фиц победи на вчерашните вонредни парламентарни избори со освоени 45 проценти од гласовите, покажаа податоците на изборната комисија објавени во недела во Братислава
Словачката партија на левиот центар Смер на Роберт Фиц победи на вчерашните вонредни парламентарни избори со освоени 45 проценти од гласовите, покажаа податоците на изборната комисија објавени во недела во Братислава.
Со 97,9 проценти преброени гласови, Смер освоил 44,8 проценти, што значи дека ќе добие 84 места во парламентот со 150 седишта. Излезноста била 58,78 проценти.
Првичните резултати покажуваат и дека Демохристијанското движење (КДХ) освоило 8,8 проценти или 16 места, колку и партијата „Обични луѓе“. По нив е унгарско-словачката партија Мост -Хид со 6,96 проценти од гласовите и 13 парламентарци, потоа партијата на десниот центар на досегашната премиерка Ивета Радичова (СДКУ-ДС) со 5,7 проценти и 11 застапници и либерално-популистичката партија Слобода и солидарност (СаС) со 5,46 проценти и 10 парламентарни места.
„Европската унија може да се потпре на Смер затоа што ние сфаќаме дека Словачка, како мала земја во Европа и која сака да биде во Европа, исто така сака и одржување на еврозоната и на еврото како единствена европска валута“, рече Фиц по прогласувањето на победата.
Во сабота 4,3 милиони регистрирани гласачи во Словачка излегоа на избирачките места за да изберат нов парламент на земјата. На овие избори за 150-те места во парламентот се бореа 26 партии. Предвремените избори станаа неизбежни откако во октомври минатата година, по само две години на власт, се распадна десничарската коалиција заради несогласувања во врска со европскиот фонд за спас на проблематичните членки и помошта на Грција. /крај/мф/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
ХДЗ слави победа на изборите во Хрватска по првите официјални резултати
Објавени се првите официјални резултати од изборите одржани денеска во Хрватска.
Според првите официјални информации, по 25 отсто преброени гласови, ХДЗ слави победа. ХДЗ води убедливо, а резултатите во штабот беа дочекани со ентузијазам и скандирања „победа“.
ХДЗ 65, „Реке правде“ (СДП) со 41, ДП 14, Мост 9, ИДС 4, Можемо 3, Фокус 3, НП Север 2.
Од друга страна, во штабот на СДП владееше молк.
Регион
Три сантиметри снег на Копаоник
На Копаоник се измерени три сантиметри снег, соопштија вечерва за агенцијата Бета во локалната метеоролошка станица.
Врне снег со слаб интензитет и со повремени прекини.
Температурата е минус три Целзиусови степени, а во моментов дува северен ветер со брзина и до три метри во секунда.
Свет
Столтенберг свика кризен состанок на Советот НАТО
На барање на Украина, генералниот секретар на НАТО, Јенс Столтенберг, за овој петок закажа состанок на Советот НАТО-Украина.
Главна тема на вонредниот состанок ќе биде потребата на Украина од повеќе системи за противвоздушна одбрана и артилериски гранати, изјави Столтенберг во Брисел.
На состанокот треба да присуствува и украинскиот претседател Володимир Зеленски, како и министрите за одбрана на земјите-членки на НАТО. Дали средбата ќе биде организирана преку видео конференција или со физичко присуство, првично не се знае.