Контакт

Свет

ЕК: За промена на Шенген треба да се промени договорот

Објавено пред

Шенгенскиот договор е дел од Договорот за Европската унија и за секоја промена во тој договор треба да се измени и договорот, изјави во понеделникот еврокомесарката за внатрешни работи Сесилија Малмстром, пренесува AFP.

Шенгенскиот договор е дел од Договорот за Европската унија и за секоја промена во тој договор треба да се измени и договорот, изјави во понеделникот еврокомесарката за внатрешни работи Сесилија Малмстром, пренесува AFP.

Коментарот на европската комесарка за заедничка внатрешна политика на ЕУ, Сеслија Малмстром, дојде откако во неделата на предизборен митинг францускиот претседател Николас Саркози бајави ревизија на шенгенскиот договор за да се казнат они држави коишто не ги надзираат своите граници и не го исполнуваат својот дел од обврските.

„Шенгенскиот договор е дел од Договорот за Европската унија и промените во тој договор бараат промени на овој договор“, изјави Малмстрон, одговарајќи на новинарско прашање, што би се случило доколку некои земји, како Франција на пример, ја напуштат шенген зоната.

Саркози кој во април ќе се обиде да го добие вториот претседателски мандат во неделата на предизборен митинг изјави дека се залага за ревизија на шенгенскиот договор, за да се овозможи казнување, суспендирање или исклучување на некоја земја којашто нема да ги почитува своите обврски.

Францускиот претседател Николас Саркози на предизборен митинг во неделата се закани со непочитување на европските ограничувања за протекционистички мерки и излегување од шенгенската зона, ветувајќи дека Франција ќе ја заштити од евтината конкуренција и големата имиграција.

Претседателот Николас Саркози ризикувајќи да ги разлути европските партнери на Франција, изјави дека е време да им се помогне на локалните компании, со запирање на неконтролираното доселување на имигрантите и евтиниот извоз коишто укажуваат на недостиг од протекционистичкиот надзор во Европа.

„Комисија нема обичај да ги коментира предизборните кампањи во земјите членки. Сакам само да потврдам дека во моментов се водат токму преговори по предлозите што ги изнесе Комисијата во септември по барање на земјите членки за да се засили системот на процена, како и да се зајакне довербата и да се гарантира слободата на движењето“, изјавила Малмстром.

Според експертите, во еден од предлозите на Комисијата, делумно се предвидува она што го бара францускиот претседател Саркози.

Така, доколку се случи масовно пристигнување на илегални имигранти во една од земјите на шенген зоната, другите членки би можеле, според овој предлог, привремено да воведат гранични контроли, за да го спречат доаѓањето на таквите лица на своја територија. Најголема разлика меѓу Комисијата и земјите членки се јавува околу прашањето кој ќе го има главниот збор во управувањето со шенген зоната. Во моментов тоа целосно е под контрола на земјите членки, а Комисијата бара поголема улога за семен и сака да се промени оваа одредба.

Земјите членки и сега можат да за време на одржувањето на големи спортски манифестации или меѓународни политички собири, привремено да воведат контрола, а притоа да немаат никаква друга обврска пред Комисијата и другите членки да ги известат за својата одлука./крај/сфп/мф/сн



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа

(Видео) Торнадото уништи 2.000 куќи во Чешка, објавени снимки со дрон од погодените области

Објавено пред

Торнадото што синоќа опустоши седум села на југот oд Чешка и однесе најмалку пет човечки животи, според премиерот Андреј Бабиш, уништило или срушило околу 2.000 куќи.

Министерот за внатрешни работи, Јан Хамачек, прогласи вонредна состојба, а премиерот Бабиш ја нарече природната катастрофа – апокалипса.

„Две илјади оштетени куќи, мора да сториме сè за да им помогнеме на тие луѓе. Сам сакам да се уверам што им треба“, рече премиерот Бабиш, кој од самитот на Европската унија денес лета директно кон Јужноморавскиот регион за да ги посети најтешко погодените села.

Полицијата потврди дека пет лица загинале во невремето, а беа објавени и снимки од дрон кој ги надлетал погодените области.

„Пожарникарите веќе минаа низ најтешко погодените села“, рече гувернерот на Јужноморавскиот регион. Тој кажа дека не очекува да бидат пронајдени повеќе повредени или мртви.

Десетици повредени лица се пренесени во болниците во градот Бжецлав, јужно од Брно и во Ходонин, екипите на брзата помош и спасувачите ја пружиле потребната помош на самото место, а се проценува дека биле повредени скоро 200 лица.

Во селото Хрушки, кое е едно од четирите најпогодени места, половина од куќите се претворени во урнатини, пренесуваат чешките медиуми.

Министерството за локален развој веднаш издвои околу 17 милиони евра од буџетот како помош за реконструкција, бидејќи некои куќи се толку оштетени што ќе мора да бидат урнати, а луѓето од погодените области веќе можат да сметаат на итна помош од околу 2.300 евра.

Добротворните организации на црквата и невладините хуманитарни организации започнаа со собирање помош за луѓето од селата во Јужноморавскиот регион кои останаа без покрив над главата, Чесите масовно испраќаат помош, а веќе утрово, во текот на првиот час кога започнало собирањето на помошта, 400.000 евра легнале на сметките.

Околу 75.000 домаќинства се без електрична енергија, 2.000 без гас, а неколку десетици предаватели не пренесуваат сигнали за мобилна телефонија.

Прикажи повеќе...

Европа

Во Москва рекорден број на починати од Ковид-19

Објавено пред

Русија денеска објави за рекорден број на смртни случаи поврзани со Ковид-19 во Москва, во услови на пораст на бројот на нови инфекции, за кој, според властите, виновни се новиот делта сој на коронавирусот и бавниот напредок на програмата за вакцинација.

Работната група за коронавирус на руската влада информираше за 20.393 нови случаи на Ковид-19, од кои 7.916 во Москва, што е најголем дневен број на случаи од 24 јануари.

Така, вкупниот број на заразени лица во Русија се искачи на 5.409.088 од почетокот на пандемијата.

Исто така беше објавено дека 601 лице починале од последици поврзани со Ковид-19 во последните 24 часа, од кои 98 во главниот град, што го зголеми вкупниот број на смртни случаи во Русија на 132.064. Санкт Петербург исто така објави за 98 смртни случаи.

Прикажи повеќе...

Свет

Кремљ жали што ЕУ е против идејата за самит со Путин

Објавено пред

Кремљ објави дека со жалење ја прифатил информацијата дека Европската унија го отфрлила француско-германскиот предлог за започнување дијалог со Русија со организирање самит со претседателот Владимир Путин.

„Претседателот Путин останува наклонет кон идејата за воспоставување работни односи меѓу Москва и Брисел“, рече портпаролот на Кремљ, Дмитриј Песков.

„Знаеме дека голем број земји се спротивставија на овој дијалог и знаеме дека тоа се првенствено „нови“ членки, балтичките земји, Полска… и дека истите овие земји неосновано зборуваат за закани од Русија“, додаде тој.

Една недела по состанокот помеѓу Путин и американскиот претседател, Џо Бајден, германската канцеларка Ангела Меркел и Емануел Макрон изразија желба да организираат состанок со рускиот претседател за да разговараат за прашања важни за ЕУ. Сепак, предлогот ги подели земјитете-членки и не беше постигнат консензус.

Балтичките држави, Полска, Шведска и Холандија се спротивставија на продолжувањето на дијалогот, велејќи дека Путин е одговорен за агресивните потези против европските земји.

„Полска го отфрли овој германски предлог бидејќи смета дека тоа ќе ја зголеми моќта на претседателот Владимир Путин наместо да ги казнува агресивните политики“, коментираше полскиот премиер Матеуш Моравиецки во Брисел.

Портпарол на Кремљ рече дека земјите се оддалечуваат од Русија, прават се’ што можат за да имаат повеќе војска на НАТО на нивната територија и го отфрлаат дијалогот.

Прикажи повеќе...

Најново

Економија33 минути

Од 1 јули се укинуваат тарифите за роаминг меѓу земјите од Западен Балкан

Oд следниот месец се укинат тарифите за роаминг за граѓаните од земјите од Западен Балкан (Македонија, Србија, Црна Гора, Босна...

Економија50 минути

Околу 50 милиони евра годишно од еколошката такса ќе одат на проекти за зелен развој, велат од Владата

Формираме посебен фонд за средствата од еколошка такса со кој ќе обезбедиме подобри услови за зелен развој, истакнаа вицепремиерот Фатмир...

Европа58 минути

(Видео) Торнадото уништи 2.000 куќи во Чешка, објавени снимки со дрон од погодените области

Торнадото што синоќа опустоши седум села на југот oд Чешка и однесе најмалку пет човечки животи, според премиерот Андреј Бабиш,...

Регион2 часа

(Видео) Рама: Почнавме да се навикнуваме на фактот дека ЕУ не си ги исполнува ветувањата

Еди Рама стои зад критиките кон ЕУ што ги кажал деновиве, зашто Унијата не успева да ги исполни сопствените ветувања. Ова...

Македонија5 часа

Обвинителката Фетаи повредена во сообраќајка во скопски Чаир

Обвинителката Фатиме Фетаи е повредена откако синоќа околу полноќ имала сообраќајна несреќа во скопски Чаир. Во Градската општа болница „Свети...

Македонија6 часа

„Не си играјте со европската иднина на Северна Македонија“ – Сириза побара од Мицотакис ратификување на меморандумите

Грчката опозициска партија Сириза ја повика Владата на премиерот Киријакос Мицотакис итно да ги ратификува трите меморандуми потпишани меѓу Грција...

Македонија6 часа

Топлиот бран ќе се задржи и во текот на викендот

Времето денеска ќе биде сончево и многу топло со мала до умерена локална облачност, информираат од УХМР. Ќе дува слаб...

Европа7 часа

(Видео) Апокалиптични снимки по торнадото во Чешка, расте бројот на мртви

Торнадо и силно невреме проследено со грмотевици, во четвртокот вечерта погоди неколку градови на југоистокот од Чешка, во регионот Јужна...

Свет21 час

Руски претставник за британскиот брод: Следниот пат бомбите ќе паднат врз целта, а не околу неа

Шефот на руската делегација во преговорите за безбедност и контрола на оружјето во Виена, Константин Гаврилов, ја предупреди Велика Британија...

Македонија23 часа

Заев: Репрезентацијата ја претставува Северна Македонија, придавката „македонска“ е за други случаи

Кога се претставува државата, како во случајот со фудбалската репрзентација, тогаш се употребува репрезентација на Северна Македонија, додека македонско, македонска,...

Македонија1 ден

Радев: Ги издржавме притисоците, патот на Северна Македонија зависи само од дијалогот со Бугарија

Забрзувањето на европската перспектива за Република Северна Македонија зависи само од ангажманот и резултатите во дијалогот со Бугарија. Ова го...

Македонија1 ден

Регистрирани се 10 нови случаи на Ковид -19, три лица се починати

Министерството за здравство информира дека во последните 24 часа биле направени 2.302 тестирања, а регистрирани се 10 нови случаи на...

Регион1 ден

Вучиќ: Не е фер што Македонија и Албанија не добија датум за преговори

Српскиот претседател, Александар Вучиќ, изјави дека жали што Скопје и Тирана не добија датум за почеток на преговорите со ЕУ....

Македонија1 ден

Утре ќе стигнат 100.000 вакцини на Фајзер, а в недела 500.000 на Синовак, најави Филипче

Утре пристигнува нова пратка од 100 илјади вакцини на „Фајзер“ преку ковакс системот, најави министерот за здравтство Филипче. В недела...

Македонија1 ден

Од септември на медицинските сестри и техничари ќе им биде платено високото образование

Од септември на медицинските сестри и техничари ќе им биде платено високото образование, најавија по денешниот работен состанок, министерот за...

Македонија1 ден

Над 180.000 граѓани кои се пријавиле за вакцинација а не добиле термин, ќе бидат вакцинирани во следните 20 дена

Голем број граѓани реагираат дека одамна се пријавиле на веб-страницата vakcinacija.mk, но се уште не добиле термин за вакцинација во...

Свет1 ден

(Видео) Москва со порака: Ќе има страшни последици ако некој изврши провокации како случајот со британскиот разурнувач

Руската Црноморска флота, заедно со Граничната служба на ФСБ, испукаа предупредувачки истрели за да го спречат британскиот разурнувач да ја...

Македонија1 ден

Бремените жени и лицата над 60 години да се ослободат од работа, повикува Министерството за труд и социјала

Министерството за труд и социјална политика ги повикува работодавачите, негователите и воспитувачите во градинките, вработените во Центрите за социјална работа,...

Европа1 ден

Европскиот Парламент предупредува- Бројот на мигранти расте, мора итно да дејствуваме

Со доаѓањето на летните месеци на надворешните граници на ЕУ, притисокот на мигрантите расте, затоа е потребно итно и солидарно...

Свет1 ден

(Видео) Се сруши мост во Вашингтон, повредени се повеќе лица

Пешачки мост се урна во североисточен Вашингтон. Според американските медиуми, најмалку шест лица биле повредени, додека еден камион останал заробен...

Досие