Свет
Можна смртна казна за американскиот војник-убиец
Американскиот министер за одбрана Леон Панета изјави дека доколку на американскиот војник кој изврши масакр над 16 цивили во Авганистан му се суди во рамките на американскиот правосуден систем би можело да биде
Американскиот министер за одбрана Леон Панета изјави дека доколку на американскиот војник кој изврши масакр над 16 цивили во Авганистан му се суди во рамките на американскиот правосуден систем би можело да биде побарана смртна казна за него.
Панета изјави дека американските власти сè уште не знаат кои мотиви стојат зад овие убиства, кој во првиот коментар за овој случај се обиде да го претстави како изолиран инцидент којшто нема да ги измени плановите за постепено повлекување на американските борбени сили од Авганистан до крајот на 2014 година, јави АФП.
Американскиот војник е обвинет дека по напуштањето на базата на југот на Кандахар во неделата пред зори упаднал во три селски куќи и на спиење убил 16 луѓе, меѓу кои девет деца и три жени, а некои од телата и ги запалил.
„Војникот, чие име сè уште не е објавено излегол рано наутро, отишол во тие куќи и пукал на семејствата. Потоа се вратил во базата и практично се предал, на неколкумина кажал што се случило“ изјави Панета.
Од друга страна Ројтерс пренесува изјава на еден неименуван американски службеник за тоа дека војникот бил лечен од трауматски повреди на мозокот здобиени кога неговото возило се превртело во Ирак во 2010 година, но дека засега е прерано да се каже дали постои врска меѓу повредите од пред две години и инцидентот во Авганистан.
Авганистанските пратеници побараа војникот да биде изведен на јавно судење во Авганистан, додека претседателот Хамид Карзаи рече дека убиствата се „непростливи“./крај/тј/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Пентагон испраќа милијарда долари воена помош за Украина
Пентагон е подготвен брзо да испрати пакет воена помош од милијарда долари за Украина, изјавија неколку американски претставници, додека горниот дом на американскиот Конгрес ја започнува расправата за долгоочекуваниот нацрт-закон за финансирање на Украина и другите сојузници на САД, којa веќе го помина долниот дом.
Членовите на Конгресот беа длабоко поделени околу средствата, поради што претседателот на Претставничкиот дом, Мајк Џонсон, формираше сојуз од двете водечки партии за усвојување на законот.
Пакетот за странска помош од 95 милијарди долари беше усвоен од Претставничкиот дом во саботата, а денеска или утре се очекува одобрување од Сенатот.
Од вкупниот пакет помош околу 61 милијарда долари се наменети за Украина.
Регион
(Видео) Атина прекриена со сахарска прашина, нереални сцени во градот
Атина и јужните делови на земјата повторно беа обвиени со сахарска прашина, со нијанси на жолта и портокалова боја што создава нереална атмосфера во градот.
Облаци од прашина, пренесени преку Средоземното Море од Северна Африка, го обвиле Акропол и другите знаменитости на Атина, пишува „АП“.
Силните јужни ветрови носеа прашина од Сахара, па во последните часови од денот грчката престолнина изгледаше како да е користен филтер за фотографирање, пренесува Euronews.
🚨🇬🇷
HAPPENING NOW
The sky is totally orange over Athens, Greece
— Alex Barnicoat (@mrbarnicoat) April 23, 2024
Во среда се прогнозира разведрување на небото со поместување на ветровите и поместување на прашината и опаѓање на температурите.
Дневниот максимум во делови од јужниот остров Крит надмина 30 степени Целзиусови, повеќе од 20 степени Целзиусови над она што беше забележано во поголемиот дел од северна Грција.
Корисниците на социјалната мрежа Икс објавија видеа од необична „портокалова“ појава од територијата на цела Атина.
Веста за Атина во „портокалово“ многу брзо се прошири низ светските медиуми, а видеата ги споделија и профили на социјалните мрежи кои се занимаваат со глобални актуелни вести.
Свет
Уапсен заменикот на Сергеј Шојгу, осомничен е за примање мито
Рускиот заменик министер за одбрана Тимур Иванов е приведен под сомнение дека примил поткуп, соопштиРускиот истражен комитет.
„Заменик-министерот за одбрана на Русија, Тимур Владимирович Иванов, е приведен поради сомнение дека сторил кривично дело примање поткуп“, се наведува во соопштението објавено на каналот Телеграм на Истражниот комитет, пренесува РИА.
Во 2012 година, Иванов беше вицепремиер на Московскиот регион.
Од 2013 до 2016 година, тој беше генерален директор на АД Оборонстрој.
Во мај 2016 година со претседателски указ е назначен за заменик министер за одбрана.