Свет
Погребот на загинатите во автобуската несреќа во Швајцарија на 21 и 22 март
Погребот на 22 деца коишто загинаа во автобуската несреќа во Швајцарија во вторникот навечер, ќе се одржи на 21-ви и 22-ри март, пишуваат во саботата белгиските медиуми.
Погребот на 22 деца коишто загинаа во автобуската несреќа во Швајцарија во вторникот навечер, ќе се одржи на 21-ви и 22-ри март, пишуваат во саботата белгиските медиуми.Петнаесет од загинатите деца ќе биде погребани во градот Ломел во провинцијата Лимбург, каде што живееле, а другите во Еверле во провинцијата Фламански Брабант.Во петокот наутро со два авиона на белгиските воздухопловни сили телата на 20-те загинати во автобуската несреќа во Швајцарија, придружувани од нивните семејства беа превезени на воениот аеродром Мелкрик, во близина на Брисел.Во четвртокот навечер беа пренесени првите осум тела на настраданите. во Швајцарија во моментов се останати уште 14 од преживеаните деца во сообраќајната несреќа, коишто ќе бидат транспортирани во татковината подоцна. Во швајцарските болници ќе останат уште само три деца, коишто се во критична состојба, од кои две девојчиња се во кома.Несреќата се случи во близина на градот Сјер во кантон Вале, во јужниот дел од Швајцарија во вторникот доцна навечер. Возачот на автобусот со кој две одделенија од белгиските градови Ломел и Еверле се враќале од зимување во Вал Данивје, од засега неутврдени причини изгубил контрола и удрил во ѕидот од тунелот. Во несреќата загинаа 28 лица, од кои 22 деца. Уште 24 деца за здобија со повреди со различни степени на сериозност. Во автобусот имало вкупно 52 патници, деца и лица што ги придружувале. Меѓу загинатите се и двајцата возачи.Причината за несреќата сé уште не е утврдена. Како што првично објави во средата обвинителот на кантонот Вале, верзиите коишто се истражуваат се: неисправност на возилото, лоша здравствена состојба на возач на автобус или негова вина.Петокот беше прогласен за национален ден на жалост во Белгија./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Пентагон испраќа милијарда долари воена помош за Украина
Пентагон е подготвен брзо да испрати пакет воена помош од милијарда долари за Украина, изјавија неколку американски претставници, додека горниот дом на американскиот Конгрес ја започнува расправата за долгоочекуваниот нацрт-закон за финансирање на Украина и другите сојузници на САД, којa веќе го помина долниот дом.
Членовите на Конгресот беа длабоко поделени околу средствата, поради што претседателот на Претставничкиот дом, Мајк Џонсон, формираше сојуз од двете водечки партии за усвојување на законот.
Пакетот за странска помош од 95 милијарди долари беше усвоен од Претставничкиот дом во саботата, а денеска или утре се очекува одобрување од Сенатот.
Од вкупниот пакет помош околу 61 милијарда долари се наменети за Украина.
Регион
(Видео) Атина прекриена со сахарска прашина, нереални сцени во градот
Атина и јужните делови на земјата повторно беа обвиени со сахарска прашина, со нијанси на жолта и портокалова боја што создава нереална атмосфера во градот.
Облаци од прашина, пренесени преку Средоземното Море од Северна Африка, го обвиле Акропол и другите знаменитости на Атина, пишува „АП“.
Силните јужни ветрови носеа прашина од Сахара, па во последните часови од денот грчката престолнина изгледаше како да е користен филтер за фотографирање, пренесува Euronews.
🚨🇬🇷
HAPPENING NOW
The sky is totally orange over Athens, Greece
— Alex Barnicoat (@mrbarnicoat) April 23, 2024
Во среда се прогнозира разведрување на небото со поместување на ветровите и поместување на прашината и опаѓање на температурите.
Дневниот максимум во делови од јужниот остров Крит надмина 30 степени Целзиусови, повеќе од 20 степени Целзиусови над она што беше забележано во поголемиот дел од северна Грција.
Корисниците на социјалната мрежа Икс објавија видеа од необична „портокалова“ појава од територијата на цела Атина.
Веста за Атина во „портокалово“ многу брзо се прошири низ светските медиуми, а видеата ги споделија и профили на социјалните мрежи кои се занимаваат со глобални актуелни вести.
Свет
Уапсен заменикот на Сергеј Шојгу, осомничен е за примање мито
Рускиот заменик министер за одбрана Тимур Иванов е приведен под сомнение дека примил поткуп, соопштиРускиот истражен комитет.
„Заменик-министерот за одбрана на Русија, Тимур Владимирович Иванов, е приведен поради сомнение дека сторил кривично дело примање поткуп“, се наведува во соопштението објавено на каналот Телеграм на Истражниот комитет, пренесува РИА.
Во 2012 година, Иванов беше вицепремиер на Московскиот регион.
Од 2013 до 2016 година, тој беше генерален директор на АД Оборонстрој.
Во мај 2016 година со претседателски указ е назначен за заменик министер за одбрана.