Свет
Авганистански војни уби двајца припадници на НАТО
Маж во одор авганистанската армија отворил оган врз војници од силите на НАТ) при што убил двајца од нив јужниот дел од Авганистан, соопшти командата на мисијата ИСАФ, ненаведувајќи од која националност се жртвите.
Напаѓачот бил убиен во возвратен оган од страна на војниците на НАТО, потврдил за AFP, мајорот Џејсон Вејгонер, портпарол на меѓународните сили ИСАФ во Авганистан:
Последните месеци зачестија нападите на авганистанските војници врз припадниците на припадниците на меѓународната коалиција во Авганистан.
Како што наведуваат високи авганистански безбедносни извори, инцидентот се случил во кампот на тимот за обнова во провинцијата Хелманд којашто е под американска контрола.
„Мажот кој стрелаше врз војниците е убиен кога коалициските сили возвратија на огнот“, истакнува ИСАФ во соопштението во коешто се додава дека „заедничката екипа на авганистанската војска и ИСАФ“, ја води истрагата за инцидентот.
Според податоците на AFP со ова бројот странски војници убиени од своите авганистански колеги војници во 2012 година достигна 13, од околу 90 жртви колку што мисијата ИСАФ има регистрирано годинава. /крај/афп/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
162 лица загинаа во поплавите во јужен Тајланд
Портпаролот на тајландската Влада, Сирипонг Ангкасакулкиат денеска изјави дека 162 лица го загубиле животот во поплавите во јужен Тајланд, пренесуваат агенциите.
Околу еден милион домаќинства и повеќе од три милиони луѓе се погодени во поплавите во 12 провинции во јужен Тајланд предизвикани од обилните дождови во последните неколку дена.
Тајландскиот премиер Анутин Чарнвиракул претходно прогласи вонредна состојба во провинцијата Сонгкла. Поплавите го погодија и најголемиот град во јужен Тајланд, Хат Јаи.
Свет
Без струја останаа повеќе од 600.000 луѓе по руските напади во Украина
Повеќе од 600.000 луѓе останаа без електрична енергија во Украина по руските напади со ракети и беспилотни летала, соопшти украинското Министерство за енергетика.
„Како резултат на нападите, повеќе од 500.000 потрошувачи во Киев и повеќе од 100.000 потрошувачи во неговиот регион останаа утринава без електрична енергија“, наведе Министерството.
Како што беше додадено, речиси 8.000 луѓе во регионот на Харков останаа без електрична енергија. Нападите започнаа синоќа и продолжија утрово.
Свет
Еден загинат и 11 повредени во руски напад со дронови врз Киев, меѓу нив и дете
Најмалку едно лице загина синоќа, а 11 се повредени во руски напад со дронови врз Киев, соопштија градските власти.
Градоначалникот Виталиј Кличко изјави дека меѓу повредените е тринаесетгодишно момче.
Воената администрација на Киев ги предупреди жителите и на заканата од напад со балистички ракети и ги повика да останат во затворен простор.
Шефот на воената администрација на Кијева, Тимур Ткаченко изјави дека еден човек загинал во нападот, како и дека бројот на повредени не е конечен.

