Свет
Анонимуси се заканија дека ќе го урнат интернет на 31 март
Хакерската група Анонимус планира на 31 март да ја изведе операцијата „Blackout“, односно исклучување на целиот интернет.
Анонимуси дури и се изјаснија како точно планираат да го спроведат својот план во дело. Имено, планираат да ги оневозможат ДНС(Domain Name Server) што би требало да го блокира целиот интернет.
ДНС служи за давање на информации за тоа на која ИП адреса се наоѓа некоја веб страница, претварајќи ги буквите во ИП адреса и обратно.
За оваа закана се изјасни и британскиот вонреден професор од Универзитетот Сури во Велика Британија, Алан Вудвард, инаку експерт за сајбер безбедност. Тој за Би-Би-Си направи анализа на нападот на Анонимуси.
ДНС е структуиран како пирамида со 13 сервери на највисокото ниво кои комуницираат со пониски нивоа, сè до дното. Доколку дојде до промена на врвот, тоа ќе се одрази на сите нивоа, односно на целиот интернет. Доколку Анонимуси успеат да ги онеспособат тие 13 сервери, ќе го блокираат целиот интернет.
Вудвард вели дека Анонимуси ќе изведат редица ДДОС(Distributed denial of service) напади. Тој тип на напади се темелат на преплавување на веб серверите со барања што нема да стигнат да ги обработат и затоа доаѓа до блокада.
Оваа техника хакерите ја искористиле и за блокирање на страниците на Интерпол во февруари оваа година, а веб експертите велат дека доколку серверот во доволна мерка се преплави со барања за сообраќај може да падне секоја страница. /крај/дн/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Повеќе од 500 луѓе се спасени од станбениот комплекс Клирвотер западно од Тампа
Стотици луѓе заробени во станбен комплекс во Клирвотер, на околу 30 километри западно од Тампа, беа спасени од поплавата. Водата почна да пристигнува во текот на ноќта од средата кон четвртокот, но ураганот значеше дека службите за итни случаи не можеа безбедно да одговорат на повиците на жителите за помош.
Фотографиите покажуваат дека многу автомобили пред становите се речиси целосно потопени. Полицијата соопшти дека била преземена голема операција за спасување кога ветровите се смириле.
„Екипите користеа разни возила за висока вода за да пристапат до жителите и да ги доведат на безбедно. Многумина беа однесени во локалните засолништа наменети за евакуирани од урагани. Службениците за итни случаи одеа од врата до врата за да се уверат дека нема жртви заробени „Неколку евакуирани беа прегледани од пожарникарите на местото , но нема позначителни повреди“, соопшти полицијата.
Вкупно, од 178 станови се спасени 449 возрасни и 116 деца и тинејџери.
Свет
(Видео) Човек кој пловел во Мексиканскиот залив држејќи се за ладилник е спасен
Американската крајбрежна стража спасила маж кој се држел за ладилник додека пловел на околу 50 километри од брегот. Спасувачите се симнаа од хеликоптерот и допливаа до човекот кој клечеше на врвот на ладилникот во Мексиканскиот залив.
Мажот бил пренесен во општата болница во Тампа, каде му била укажана лекарска помош.
#Breaking An @USCG Air Station Miami 65 helicopter crew rescued a man clinging to a cooler approximately 30 mi. off Longboat Key.
The man was taken to Tampa General Hospital for medical care.
Sector St. Pete lost communications w/ the man at approx. 6:45 p.m., Wed. #SAR pic.twitter.com/64wSHuRAeH
— USCGSoutheast (@USCGSoutheast) October 10, 2024
„Тој го преживеа она што е кошмарно сценарио дури и за најискусниот морнар“, изјави поручник Дејна Грејди од американската крајбрежна стража.
„За да се разбере сериозноста на условите за ураганот, важно е да се каже дека проценуваме дека доживеал ветрови од 120 до 145 километри на час“, изјави таа.
Човекот го поправал својот брод во 3 часот наутро во средата, но се соочил со силни ветрови на враќање кон пристаништето. Условите брзо се влошија како што се приближуваше ураганот. Крајбрежната стража му нареди на човекот да облече спасувачки појас, но подоцна комуникацијата била изгубена.
Свет
Господине Трамп, најдете си живот – Бајден лут поради коментарите на експретседателот за ураганот на Флорида
Американскиот претседател, Џо Бајден, одржа брифинг за новинарите за ураганот Милтон.
Тој рече дека обновата на погодената област ќе чини неколку милијарди долари и ќе трае долго.
Американскиот претседател се осврна и на коментарите на експретседателот на САД, Доналд Трамп, кој рече дека погодените од ураганот ќе добијат само 750 долари помош, нарекувајќи ги „бизарни“.
Запрашан дали разговарал со Трамп, Бајден одговори: „Се шегуваш?“, а потоа му понуди совет на републиканскиот претседателски кандидат.
„Господине Трамп, најдете си живот за себе. Помогнете им на овие луѓе“, изјави Бајден од Вашингтон.