Свет
Иран со пофалби за Сирија
Иранскиот претседател Махмуд Ахмадинеџад го пофали денеска раководството на Сирија за постапките во едногодишните протести, истакнувајќи дека Техеран ќе стори се за да и помогне на својата најблиска арапска сојузничка.
Иранскиот претседател Махмуд Ахмадинеџад го пофали денеска раководството на Сирија за постапките во едногодишните протести, истакнувајќи дека Техеран ќе стори се за да и помогне на својата најблиска арапска сојузничка.Шиитски Иран ги поддржа народните востанија во кои беа отстранети лидерите на Египет, Либија и Јемен , но од друга страна целосно го поддржува сирискиот претседател Башар ал-Асад, кој е припадник на малцинската шиитска секта алавита.„Многу сум среќен што сириските функционери толку добро ја решаваат состојбата. Се надевам дека состојбата во Сирија ќе се пободри од ден во ден“, изјави Ахмадинеџад на средбата со Асадовиот пратеник, Фаисал Мекдад.Ахмадинецад ги обвини западните сили дека се здружиле со арапските држави со цел да го сменат сириското раководство и да му ја зајакнат позицијата на Израел во регионот. „Говорејќи лажни слогани во одбрана на слободата Американците сакаат да ја преземат контролата над Сирија, Либан и Иран и ние мораме да бидеме подготвени да се спротивставиме на нивните завери“, порача Ахмадинеџад. /крај/х/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Руски хакери ги нападнаа веб-страниците на косовските институции
Руски хакери ги нападнаа веб-страниците на косовските институции, изјави министерот за одбрана Ејуп Македончи.
„Група руски хакери извршија сајбер-напад на Косово како одмазда за мојата изјава за поддршка на Украина“, изјави Македончи.
Во текстот на руските хакери се споменува говорот на тој косовски министер кој, според нив, рекол дека „Косово е подготвено да и понуди воена помош на Украина“.
„Косово е подготвено да ги здружи колективните напори за поддршка на одбраната на Украина. Треба повеќе да размислат за ова“ – напишаа хакерите на руски, спомнувајќи го министерот Македончи.
Министерката за надворешни работи и дијаспора Доника Гервала објави дека „Русија врши хибриден напад на Косово“.
Гервала на мрежата „Х“ изјави дека „рускиот хибриден напад на Косово“ доаѓа по најавата за поддршка на Косово за Украина со воена опрема.
Свет
Хумза Јусаф поднесе оставка, Шкотска има нов премиер
Новиот претседател на шкотската партија СНП, Џон Свини во шкотскиот парламент е избран за нов шеф на шкотската влада, на местото на Хумза Јусаф.
Тој доаѓа на местото на Хумза Јусаф (39), која поднесе оставка минатата недела по распадот на коалицијата со Зелените. Тие беа воздржани од гласање.
Изборот на Свини не е изненадување. Тој освои 64 од 129 гласови во парламентот каде Шкотската национална партија има големо водство пред опозициските партии, но нема апсолутно мнозинство. Тој допрва треба да положи заклетва пред Врховниот суд.
Претходно истиот ден, Јусаф формално ја поднесе својата оставка во писмо до британскиот крал Чарлс III. Тој беше на власт 13 месеци, по харизматичната Никола Старџен. Тој беше најмладиот шкотски премиер и првиот од националното малцинство.
„Како млад муслиман, роден и израснат во Шкотска, не сонував дека еден ден ќе бидам привилегиран да ја водам мојата земја“, напиша тој.
Регион
Александар Вулин: Пријателството меѓу Србија и Кина е челик затоа што го ковавме во оган
Вицепремиерот на Србија, Александар Вулин, на промоцијата на културната размена меѓу Кина и Србија на тема „Што ги делат планините и реките, пријателството обединува“, изјави дека пријателството меѓу двете земји е челик бидејќи е ковано во оган и дека Србија и Кина се разделени за многу работи, но најважното ги обединува, а тоа е одлуката на две држави да бидат слободни.
„Пријателството на нашите лидери, претседателот Вучиќ и претседателот Си Џинпинг, не обврзува да сториме сè, исто како нив, за нашите народи да бидат поблиски отколку што нè прави блиски географијата или историјата. Србите и Кинезите ги дели сè, ние сме различни во сè, но нас нè обединува она најважното – нашата одлука да бидеме слободни, нашата посветеност на најважната карактеристика на народите и луѓето – слободата“, рече Вулин на настан организиран од China Media Group.