Контакт

Свет

Американското обвинителство бара доживотна казна за Бут

Објавено пред

Американското обвинителство побара од судот на рускиот државјанин Виктор Бут, осуден за кримчарење оружје, да му одреди доживотна затворска казна.

Според судот, ваквата казна за Виктор Бут би требала да послужи како предупредување за сите што имаат намера да ги снабдуваат со оружје милитантните групи, пренесува Reuters, повикувајќи се на поднесокот од обвинителството.

Поротата во Њујорк во ноември 2011 година, Русинот Бут го прогласи виновен за заговор за продажба големи количества оружје за колумбиското герилско движење FARC, за што може да му биде одредена казна од 25 години до доживотен затвор. Изрекувањето на пресудата е закажано за 5-ти април, на судот во Менхетен.

Виктор Бут, кој според западните медиуми е поранешен офицер на руското воено воздухопловство западните медиуми го нарекоа „Трговецот со смрт“, поради водењето меѓународна мрежа криумчари со оружје. Тој беше прогласен виновен по сите точки од обвинението, за заговор за убиства на американски војници, за набавка и продажба на противвоздушни проектили и друго оружје на терористи, како и за пружање материјална поддршка на терористичка организација.

Четириесет ичетири-годишниот Виктор Бут е уапсен во 2008 година во Бангкок на Тајланд, во тајна операција на американската агенција за борба против криумчарењето дроги – DEA, а беа потребни повеќе од две години да биде израчен на САД, бидејќи Русија силно се спротиставуваше на тоа.

Американскиот печат пишува дека Бут кој САД со години се обидувале да го фатат, би ветеран на таен меѓународен бизнис за воздушен транспорт, специјализиран за воените зони во Африка. Наводно со години испорачувал оружје во најкрвавите африкански судири, вклучувајќи ги и оние во Либерија и Сиера Леоне. Во снимен разговор со доушник на DEA во Бангкок, наводно тој самиот се фалел дека од него потекнале „повеќе од пет илјади испораки на оружје“.

Од цвеќар до „Господарот на војната“

САД преку своите агенти од Агенцијата за борба против наркотиците (DEA) учествуваа во апсењето на Виктор Антолјович Бут, кој е обвинет дека почнувајќи од војната во Босна и Херцеговина па до граѓанските војни во Африка се јавува како најголемиот добавувач на илегално оружје. Тој беше уапсен во 2008 година кога американските агенти се преправале дека се претставници на колумбиската герилска марксистичка војска FARC и дека од него сакаат да купат оружје. По неколкумесечна операција го намамиле во хотелска соба во Бангкок каде се согласил да им продаде оружје за сума од неколку милиони долари, по што е уапсен. Веднаш, во август истата година САД побараа негова екстрадиција, но Тајландскиот суд тогаш го одби барањето на Вашингтон, но по две години тамошниот апелациски суд тоа го одобри.

Неговата сопруга Ала Бут, за американските медиуми изјави дека ваквата одлука е неправедна. „Сите знаат дека станува збор за политички монтиран случај“, изјави госпоѓа Бут.

Човекот за кого Американците велат дека е вистински „Господар на војната“ или попознат и како како „Трговецот со смртта“, е Русин, роден 1967 година во тогашната советска република Таџикистан. Почнува да работи како преведеувач, бидејќи течно зборува шест јазици. По распаѓањето на Советскиот сојуз го користи хаосот кој владее во поранешната воена суперсила и по многу ниски цени набавува практично нови авиони со кои ја формира компанијата за транспорт.

Според руските медиуми, првиот бизнис со кој Виктор Бут почнал да се занимава било распространувањето на цвеќе. Наводно исклучиво се занимавал со препродажба на гладиоли кои ги набавувал од Јужноафриканската Република, а потоа ги препордавал во Саудиска Арабија.

Неговите почетоци во криумчарењето оружје потекнуваат од соработката со рускиот дилер на оружје Александар Исламов, а подоцна евтиното оружје го набавувал во Украина, Молдавија и во Бугарија, но истоврмено активно занимавајќи се и со своите легални бизниси.

Според американските медиуми кои се повикуваат на извештаи од тајните служби и документи од обвиението против Бут, неговиот прв посериозен бизнис во шверцот на оружје било снабдувањето на муслиманските единцици во војната во Босна. Во почетокот на 1990-те оружјето го доставувал преку Словенија и Хрватска, а се сокривал зад суданската хуманитарна органзиација „Third World Releif Agency“. Тој во Босна во контејнери со наводно хуманитарна помош превезувал оружје кое го платиле богатите исламски земји.

Подоцна, при крајот на 1990-те, почнал да криумчари и за судирите во Јужна Америка, Африка и на Блискиот исток. Имал деловна соработка и со либерискиот диктатор Чарлс Тејлор кому сега му се суди за геноцид и воени злосторства пред Хашкиот трибунал, а работел и со либијскиот претседател Муамер ел-Гадафи. Со оружје ги снабдувал и двете завојувани страни во Ангола, а истото го правел и во граѓанската војна во Авганистан кога прво и’ продавал оружје на владата на претседателот Бурханудин Рабани а потоа и на талибаните.

Дури тогаш САД ќе се заинтересираат за него, бидејќи неговото оружје доаѓа и до Ал Каеда. Меѓутоа, иако неговот име уште од почетокот на 2000-та е на „црната листа“, неговите авиони во 2004 година во Ирак биле изнајмени од компаниите Fedex и од KBR, која е филијала на озлогласената копманија Hulliburton кои имаат договори со владата на САД вредни повеќе стотини милиони долари.

Се верува дека холивудскиот хит трилер „Господарот на војната“ е снимен според податоците што американските служби ги собрале за Виктор Бут./крај/мф/сн



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа

Во Москва драматична ситуација поради вирусот, работниците мора да се вакцинирaат што побргу

Објавено пред

Градоначалникот на Москва, Сергеј Собјанин, денеска предупреди дека ситуацијата со коронавирусот во руската престолнина е драматична.

Собјанин изјави дека во болниците има повеќе од 12.000 пациенти и дека бројот на новозаболени е на ниво на пиковите од претходните бранови на епидемијата, пренесува „РИА новости“.

Во изминатите 24 часа во Русија биле потврдени 13.397 нови случаи на Ковид-19, со најмногу новозаразени во Москва – 5.782.

Претходно, поради зголемувањето на бројот на случаи на коронавирус, Собјанин прогласи неработни денови во главниот град на Русија од 15 до 19 јуни.

Како што пренесува РТ, Москва во моментот е првиот град во светот со задолжителна вакцинација не само за здравствените работници туку и за вработените во други индустрии.

Шефицата на московскиот оддел на Руската служба за заштита на јавното здравје и правата на потрошувачите (Роспотребнадзор), Елена Андреева, им постави на раководните организации задача да вакцинираат 60 проценти од вработените што е можно побргу.

Таа прецизира дека вработените треба да ја примат првата доза вакцина до 15 јули, а втората до 15 август, пренесува „РИА новости“.

Ова првенствено се однесува на вработените во услужниот сектор, трговијата, угостителството, транспортот, здравството, домувањето и комуналните услуги, образованието и културата.

Прикажи повеќе...

Европа

Фон дер Лаен: Почнува активирање средства од фондот за обновување од пандемијата

Објавено пред

Претседателката на Европската комисија, Урсула фон дер Лаен, денес е во посета на Лисабон и Мадрид, каде што ќе почне со одобрување на плановите за закрепнување, поднесени од земјите што бараат средства од фондот за обновување од пандемијата.

Ова е историско достигнување, рече Фон дер Лаен пред Европскиот парламент минатата недела најавувајќи брзо активирање на планот за закрепнување од 750 милијарди евра изработен пред речиси една година.

Португалија, која во моментот е претседател на ЕУ, го направи приоритет брзото усвојување на овие планови за закрепнување по препорака на Комисијата.

Шпанија ќе биде втор по големина корисник на фондот за спасување по Италија, а Мадрид ќе добие 140 милијарди евра, од кои половина ќе бидат во форма на директни грантови и заеми.

„Две јужноевропски земји, кои порано не се чувствуваа поддржани во Европа, сега имаат корист од извонредната поддршка и дарежливост на нивните северни партнери“, рече Тони Ролдан, раководител на истражувањето во Центарот за економска политика „Есаде“ во Мадрид.

Шпанија беше особено погодена кога пандемијата првпат избувна на почетокот на 2020 година, а Португалија претрпе голем скок на бројот на новозаразени случаи претходно оваа година.

Со оглед на тоа што обете земји се силно зависни од туризмот, нивните економии се значително погодени.

Од должничката криза во еврозоната, која почна во 2011 година, Лисабон и Мадрид честопати беа на удар затоа што поштедливите европски членки беа фрустрирани што требаше да издвојат пари за да го субвенционираат трошењето.

Ролдан изјави дека иако некои од условите за стимулативните пакети остануваат нејасни, Шпанија и Португалија може да покажат поголема реформска амбиција во користењето пари, особено во областа на образованието.

Прикажи повеќе...

Регион

Грција во генерален штрајк поради новиот закон за работни односи

Објавено пред

Денеска, во Грција почна 24-часовен штрајк поради кој се стопирани јавниот превоз и другите услуги пред парламентарното гласање за новиот закон за работни односи, чии противници велат дека ќе донесе подолго работно време и ќе ги наруши работничките права.

Ова е втор генерален штрајк во последната недела поради законот за кој владата во Атина тврди дека ќе ги модернизира застарените регулативи во областа на трудот, пренесува „Ројтерс“.

Јавниот превоз во Атина запре денес, бродовите останаа закотвени во пристаништата, а многу автобуски, метро и железнички услуги се суспендирани.

Работници од други сектори исто така ја прекинаа работата и се очекува да им се приклучат на протестните митинзи во центарот на Атина пред денешното гласање за законот.

Конзервативната влада на премиерот Кирјакос Мицотакис, која стапи на должност во 2019 година, објави дека реформата ќе ги модернизира застарените закони, кои датираат од времето пред појавата на интернетот кога повеќето работници работеле во исто работно време истовремено и во канцелариите и во фабриките.

Синдикатите го опишаа нацрт-законот како монструозен барајќи негово повлекување бидејќи, како што тврдат, тој ќе ги укине одамна утврдените работнички права и ќе им овозможи на компаниите на мала врата да воведат подолго работно време.

Најконтроверзниот дел од законот овозможува вработените да работат и до 10 часа на ден, а да работат пократко следниот ден.

Синдикатите стравуваат дека ова ќе им овозможи на работодавците да ги принудат работниците да прифаќаат подолго работно време.

Прикажи повеќе...

Најново

Македонија2 часа

ЕУ ја стави Македонија на листата безбедни земји за патување

Европската Унија одлучи да ја стави Република Северна Македонија на списокот на земји што се безбедни за патување, пренесуват европските...

Свет3 часа

Борел: Три принципи во новата стратегија на ЕУ кон Русија

Новата надворешнополитичка стратегија на ЕУ кон Русија ќе се заснова на три принципи: одбивање, воздржаност и соработка, изјави високиот претставник...

Регион4 часа

Нови мерки во Србија – дозволени се матурски прослави, угостителите може да работат и на затворено

Поради постабилната епидемиолошка состојба во Србија, од денес во сила се нови мерки, од кои повеќето се однесуваат на угостителските...

Македонија4 часа

Од денеска нема полициски час, дозволени се веселби и настани на отворено

Од ноќеска на полноќ престана да важи одлуката за полициски час, а се укина и ограничувањето на работното време на...

Свет5 часа

Средбата Путин – Бајден во Женева под строго засилени мерки

Денеска, во Женева, американскиот претседател, Џо Бајден, ќе се сретне со рускиот претседател, Владимир Путин, и тоа ќе биде нивна...

Економија5 часа

Денеска се затвора јавниот повик за ваучери за одмор на работници со ниски приходи

Министерството за економија ги известува граѓаните дека заклучно со денешниот ден, 16 јуни (среда), се затвора јавниот повик за издавање...

Свет6 часа

(Видео) Израел бомбардира позиции на Хамас, прекршено примирјето во Појасот Газа

Израел синоќа ги бомбардира позициите на Хамас, со тоа беше прекршено примирјето во Појасот Газа, јавуваат светските агенции. Израелската страна...

Топ21 час

Пронајдени 1.243 стебла марихуана во близина на болницата „Св. Еразмо“ во Охрид

Полицијата пронајде 1.243 стебла марихуана во близина на болницата „Св. Еразмо“ во Охрид. Според информациите на МВР, приведени се две...

Македонија23 часа

28 новозаразени од коронавирус, нема починати

Министерството за здравство информира дека во последните 24 часа се направени 2.887 тестирања, а регистрирани се 28 нови случаи на...

Македонија1 ден

Актерката Силвија Стојановска доби три и пол години затвор поради учество во шверц на кокаин

Затворска казна од 3,6 години доби актерката Силвија Стојановска за транспортот на 700 килограми кокаин од Колумбија во Шпанија. Нејзиниот...

Македонија1 ден

Филипче ја прими грчката донација од 20.000 дози вакцини од „Астра зенека“

Министерот за здравство, Венко Филипче, на социјалните мрежи објави дека денеска пристигнала донацијата од 20.000 дози вакцини на „Астра зенека“...

Свет1 ден

„Политико“: Има пет работи поради кои Бајден ја сака Европа, една од нив е Балканот

Малкумина американски претседатели стапиле на таа функција со толку многу поминати километри во меѓународни патувања како што е Бајден, пишува...

Македонија1 ден

Вчера се аплицирани 4.840 вакцини, прва доза примиле 3.222 граѓани

На вакциналните пунктови во државата заклучно со вчера вакцинирани се вкупно 259.935 граѓани. Прва доза вакцина вчера примиле 3.222 граѓани,...

Македонија1 ден

Кацарска: Ниту еден политичар не може да ми влијае за некој предмет

Претседателката на Уставниот суд, Добрила Кацарска, тврди дека врз неа не може да влијае ниту еден политичар ниту, пак, да...

Свет1 ден

Израел ги укина маските во затворено

Министерството за здравство на Израел објави дека од денеска веќе не важи обврската за носење заштитни маски во затворен простор....

Македонија1 ден

Владата ќе одлучува за укинување на полицискиот час

На седница што ќе почне денеска во 13 часот, според соопштение од владините служби, на дневен ред пред министрите за...

Свет1 ден

СЗО: Опаѓа бројот на новозаразени од коронавирус во последните седум недели

Генералниот директор на Светската здравствена организација (СЗО), Тедрос Аданом Гебрејсус, рече дека има пад на новозаразени од коронавирус во последните...

Свет1 ден

Бајден вети дека ќе му ја каже црвената линија на Путин

Американскиот претседател, Џозеф Бајден, вчера во Брисел вети дека ќе му каже на својот руски колега Владимир Путин каде е...

Свет1 ден

Кина возврати на обвинувањата на НАТО: Кажувате невистини, ние сме мирољубиви

Кинеската мисија во Европската Унија денеска ја осуди процената на НАТО од вчерашниот самит дека Кина претставува „системски предизвик“. Водачите...

Македонија2 дена

Заев од НАТО Самитот 2021: Трансатлантското семејство е силно како никогаш порано

Премиерот Зоран Заев, заедно со лидерите на земјите членки на НАТО, учествуваше во централниот работен дел на годинешниот Самит на...

Досие