Свет
Во акцијата „чистење на интернет“ уапсени 1.065 лица во Кина
Кинеската полиција уапсила 1.065 лица и избришала повеќе од 208 илјади „штетни пораки“ во текот на акцијата „чистење на интернет“, којашто трае од половината на февруари, јавуваат во саботата светските агенции.
Кинеската службена новинска агенција Синхуа пренесува дека повеќе од три илјади интернет страници добиле предупредувања за објавување „штетни пораки“, за што поуспешно да се води борбата против шверцот со оружје, дроги, опасни хемиски средства и трговија со човечки органи.
Кина во последниот период ја засили својата кампања „чистење на интернет“, којашто многумина на западот ја толкуваат како форма на политичка цензура, забележува AFP.
Официјален пекинг во саботата објави дека повеќе интернет страници се затворени, како и дека се уапсени шест лица, за коишто постојат сомненија дека преку интернет распространувале дезинформации за државен удар во Кина.
Двете најголеми блог страници во Кина, Веибо и Тенсент во саботата на корисниците им ја укинале можноста да оставуваат коментари, а како објаснување ја навеле борбата против „штетните шпекулации“. Оваа одлуќа ќе биде на сила до 3-ти април.
Во Кина веќе од претходно се цензурирани страниците на ресурсите за социјално вмрежување Фејсбук и Твитер, како и страницата за размена на видео материјали Јутјуб./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Русија потврди дека извршила напад врз украински воени и енергетски објекти
Руското Министерство за одбрана соопшти денеска дека Москва синоќа извршила напад врз украинските воено-индустриски и енергетски објекти како одговор на тоа што го нарече „терористички напади“, објавија светските агенции.
„Како одговор на терористичките напади на Украина врз цивилни објекти на руска територија, синоќа вооружените сили на Руската Федерација извршија напад со високопрецизно оружје и беспилотни летала врз претпријатија од воено-индустрискиот комплекс на Украина и енергетски објекти кои го обезбедуваат нивното работење. Целите на нападот се исполнети. Сите целни објекти се погодени“, се вели во соопштението на министерството.
Во меѓувреме, Каспискиот козорциум за гасовод (КТК) денеска соопшти дека ги прекинал своите операции откако неговото пристаниште во Русија на брегот на Црното Море било сериозно оштетено во напад од украински воени беспилотни летала.
Свет
162 лица загинаа во поплавите во јужен Тајланд
Портпаролот на тајландската Влада, Сирипонг Ангкасакулкиат денеска изјави дека 162 лица го загубиле животот во поплавите во јужен Тајланд, пренесуваат агенциите.
Околу еден милион домаќинства и повеќе од три милиони луѓе се погодени во поплавите во 12 провинции во јужен Тајланд предизвикани од обилните дождови во последните неколку дена.
Тајландскиот премиер Анутин Чарнвиракул претходно прогласи вонредна состојба во провинцијата Сонгкла. Поплавите го погодија и најголемиот град во јужен Тајланд, Хат Јаи.
Свет
Без струја останаа повеќе од 600.000 луѓе по руските напади во Украина
Повеќе од 600.000 луѓе останаа без електрична енергија во Украина по руските напади со ракети и беспилотни летала, соопшти украинското Министерство за енергетика.
„Како резултат на нападите, повеќе од 500.000 потрошувачи во Киев и повеќе од 100.000 потрошувачи во неговиот регион останаа утринава без електрична енергија“, наведе Министерството.
Како што беше додадено, речиси 8.000 луѓе во регионот на Харков останаа без електрична енергија. Нападите започнаа синоќа и продолжија утрово.

