Свет
Контраверзна биографија- Кралицата Мајка ќерка на француска готвачка
“Кралицата Мајка, нераскажаната приказна за Елизабет Бо¬ус Лајон која стана кралица Елизабета Кралицата мајка”, е книга која открива најд¬ла¬бо¬ки тајни на британското кралско семејство.
Во големата биографија која се појавува во книжарите 10 години по смртта на Кралицата Елизабет чиј автор е ЏирЏија Кампбел односно Лајди Камбел, е изнесена изненадувачка теорија дека Кралицата мајка е всушност ќерка на француска готвачка.
“Факт е дека кралевските и аристократските кругови веќе една деценија знаат дека Елизабет Лајон без сомнение е ќерка на грофот од Стратмор и Кингхорн, но не и дете на неговата сопруга Сицијлија, исто како и нејзиниот помлад брат Давид, роден две години подоцна во 1902 година”, пишува авторката. Во книгата пишува дека децата биле нарекувани мали бенгамини, според библиската приказна за братот на Јосип кој бил резултат од аферата на таткото и слугината.
“Елизабет и Давид биле деца на Магарет Родиер атрактивна Французинка која била го¬твач¬ка на семејниот имот”, пишува во книгата. Иако теоријата на авторката ја оспоруваат други познавачи на историјата на кралското се¬мејс¬тво, таа тврди дека нејзините докази се доволно цврсти и аргументирани. “Фран¬цу¬ско¬то има на Кралицата мајка- целосното Елизабет Ангела Маргарет Боус Лајон мож¬да е необично е сепак не за оние кои ја знаат вистината за нејзината вистинска мајка”, тврди авторката. Таа смета дека и прекарот Куки (колаче) е доказ за потеклото на Кралицата Мајка. крај/јл/км
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Русија потврди дека извршила напад врз украински воени и енергетски објекти
Руското Министерство за одбрана соопшти денеска дека Москва синоќа извршила напад врз украинските воено-индустриски и енергетски објекти како одговор на тоа што го нарече „терористички напади“, објавија светските агенции.
„Како одговор на терористичките напади на Украина врз цивилни објекти на руска територија, синоќа вооружените сили на Руската Федерација извршија напад со високопрецизно оружје и беспилотни летала врз претпријатија од воено-индустрискиот комплекс на Украина и енергетски објекти кои го обезбедуваат нивното работење. Целите на нападот се исполнети. Сите целни објекти се погодени“, се вели во соопштението на министерството.
Во меѓувреме, Каспискиот козорциум за гасовод (КТК) денеска соопшти дека ги прекинал своите операции откако неговото пристаниште во Русија на брегот на Црното Море било сериозно оштетено во напад од украински воени беспилотни летала.
Свет
162 лица загинаа во поплавите во јужен Тајланд
Портпаролот на тајландската Влада, Сирипонг Ангкасакулкиат денеска изјави дека 162 лица го загубиле животот во поплавите во јужен Тајланд, пренесуваат агенциите.
Околу еден милион домаќинства и повеќе од три милиони луѓе се погодени во поплавите во 12 провинции во јужен Тајланд предизвикани од обилните дождови во последните неколку дена.
Тајландскиот премиер Анутин Чарнвиракул претходно прогласи вонредна состојба во провинцијата Сонгкла. Поплавите го погодија и најголемиот град во јужен Тајланд, Хат Јаи.
Свет
Без струја останаа повеќе од 600.000 луѓе по руските напади во Украина
Повеќе од 600.000 луѓе останаа без електрична енергија во Украина по руските напади со ракети и беспилотни летала, соопшти украинското Министерство за енергетика.
„Како резултат на нападите, повеќе од 500.000 потрошувачи во Киев и повеќе од 100.000 потрошувачи во неговиот регион останаа утринава без електрична енергија“, наведе Министерството.
Како што беше додадено, речиси 8.000 луѓе во регионот на Харков останаа без електрична енергија. Нападите започнаа синоќа и продолжија утрово.

