Свет
Русија работи со Сирија на завршување на насилствата
Руски дипломат во понеделникот изјави дека Москва разговара со сириските власти за ставање крај на насилствата и дека ги започнала преговорите со тамошната опозиција, но ниту овојпат од претседателот Башар ал-Асад не побарала да ја повлече војската од градовите.
Се очекува дека сирискиот министер за надворешни работи, Валид ал-Муалем, во текот на понеделникот да допатува во руската престолнина Москва, и дека со шефот на руската дипломатија ќе се сретне во вторникот. А тоа е 10-ти април, на денот кога истекува рокот од кој треба да започне повлекувањето на сириската армија од населените места, предвидено со мировниот план на специјалниот меѓународен пратеник на Обединетите нации и на Арапската лига за Сирија, Кофи Анан.
„Москва активно работи со Дамаск за да започне политичкиот процес“, изјави за Итар-Тасс, заменикот министер за надворешни работи Генадиј Гатилов.
Гатилов повторува дека спротиставувањето на Русија на инволвирањето на меѓународната заедница во внатрешните работи на Сирија, каде што, како што вели, каква и да е смена на власта треба да биде резултат на внатрешен политички процес, а на притисоци однадвор со коишто се бара оставката од претседателот Башар ал-Асад.
„Обидите однадвор само ќе доведат до зајакнување на насилствата. Секои решени мора да произлезе од суверенитетот на Сирија и на насилството треба да му се стави крај“, истакнува Гатаилов.
Претходно минатата среда шефот на руската дипломатија Сергеј Лавров при неговата посета на Азербејџан најави дека претставници на сириската опозиција ќе допатуваат во Москва за да разговараат со руските политички челници за решавање на ситуацијата во Сирија, меѓутоа не прецизираше датум. Подоцна на интернет страницата на руското министерство за надворешни работи, како датум кога претставниците н асириската опозиција ќе престојуваат во Москва ги наведе на 17-ти и 18-ти април./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Господине Трамп, најдете си живот – Бајден лут поради коментарите на експретседателот за ураганот на Флорида
Американскиот претседател, Џо Бајден, одржа брифинг за новинарите за ураганот Милтон.
Тој рече дека обновата на погодената област ќе чини неколку милијарди долари и ќе трае долго.
Американскиот претседател се осврна и на коментарите на експретседателот на САД, Доналд Трамп, кој рече дека погодените од ураганот ќе добијат само 750 долари помош, нарекувајќи ги „бизарни“.
Запрашан дали разговарал со Трамп, Бајден одговори: „Се шегуваш?“, а потоа му понуди совет на републиканскиот претседателски кандидат.
„Господине Трамп, најдете си живот за себе. Помогнете им на овие луѓе“, изјави Бајден од Вашингтон.
Свет
Расте бројот на мртви од ураганот на Флорида
Бројот на загинати во ураганот на Флорида, САД, се искачи на 11 лица, јавува „Ен-би-си њуз“.
Последната жртва е возач на автомобил врз којшто паднало дрво во округот Цитрус.
Претходно, два смртни случаи беа пријавени во округот Пинелас, три во округот Волузија и пет во округот Сент Луси, од кои четири беа предизвикани од торнада.
Регион
Вучиќ го пречека Ердоган на аеродромот: „Добредојдовте во Србија, драг пријателe“
Претседателот на Србија, Александар Вучиќ, вечерва на аеродромот Никола Тесла го пречека претседателот на Турција, Реџеп Таип Ердоган.
Според програмата на посетата, в петок во 11 часот ќе се одржи церемонија на пречек пред палатата „Србија“, по што ќе следи средба на двајцата претседатели, јавуваат српските медиуми.
Потоа ќе се одржи четвртата седница на Високиот совет за соработка меѓу Република Србија и Република Турција, предводена од двајцата претседатели.
„Добредојдевте во Србија драг пријателe. Вашата возвратна посета е уште една можност за дополнително зајакнување на нашите пријателски односи и соработка. Верувам дека за време на вашиот престој во Белград ќе работиме заедно на подобрување на економските, културните и политичките врски меѓу нашите земји“, му порача претседателот Вучиќ на турскиот колега по пристигнувањето во Белград.
View this post on Instagram
Вучиќ и Ердоган ќе присуствуваат и на бизнис форум.