Сириската армија во средата од минофрлачи ги гранатирале квартовите од градот Хомс под контрола на опозициските вооружени групи, само неколку часа откако претседателот Башар ал-Асад на Обединетите нации им соопшти дека ќе го почитува примирјето коешто треба да настапи за помалку од 24 часа.

Сириската опсерваторија за човекови права (SOHR) со седиште во Лондон, за коешто официјален Дамаск тврди дека ја сочинуваат само двајца чиј претставник всушност е емигрант кој во британската престолнина држи ресторан и е без образование, соопшти дека во утринските напади врз округот Калидија загинало едно лице. Во соопштението до западните медиуми, Опсерваторијата напоменува дека станува збор за нова цел на војската во рамките на настојувањата на претседателот Башар ал-Асад да го скрши отпорот на опозицијата и да зафати подобри позиции, откако владините сили го прегазија опколеното упориште на вооружените опозициски сили во Баба Амр во Хомс, пред еден месец.

„Минофрлачкиот оган почна утрово во седум часот. Можам да слушнам по една експлозија на секои пет минути“, изјавил еден од активистите на сириската опозиција од Хомс, каде што во вторникот кога требаше да почне повлекувањето на единиците на армијата од населените области и градови, биле убиени најмалку 26 лица, пишува Reuters.

Западните сили и отфрлија на неверодостојни ветувањата на претседателот Асад дадени на специјалниот пратеник за Сирија на Обединетите нации и на Арапската лига, Кофи Анан, дека ќе го почитува примирјето, но немаат ефикасна политика да го сопрат 13-месечното крвопролевање во Сирија, поради одбегнувањето за воена интервенција и отпорот на Русија и на Кина за какава и да е надворешна меѓународна инволвираност во сирискиот конфликт и резолуција којашто би ја донел Советот за безбедност на ОН.

Сириската армија, според западните медиуми, ја продолжува офанзивата во средата и во неколку други области коишто се упоришта на опозициските групации.

Американската државна секретарка Хилари Клинтон, изјави дека во среда ќе се сретне со шефот на руската дипломатија Сергеј Лавров за да побара промена на политиката што Кремљ ја има во однос на Сирија. „Уште една ќе се обидеме да ги убедиме русите дека ситуацијата се влошува и дека се зголемува веројатноста од регионален судир и граѓанска војна“, изјави Клинтон.

Официјален Пекинг во врска со насилствата во Сирија изрази „длабока загриженост“ и ги повика и двете страни да го почитуваат примирјето. /крај/мф/сн