Панарапската телевизија Al Arabia соопшти дека на својата интернет страница не ја пренесла информацијата за „обид за државен удар во Катар“…

Панарапската телевизија Al Arabia соопшти дека на својата интернет страница не ја пренесла информацијата за „обид за државен удар во Катар“, и оти провокативниот извештај е дело на ткн Сириска електронска армија којашто направила двојник на нејзината електронска страница, се вели во соопштението од вторникот попладне на порталот на телевизијата.

На лажната интернет страница како вест била поставена информацијата за наводен обид за државен удар во палатата во Доха, кој, наводно, бил организиран од блискиот на кувајтскиот суверен, генералот Хамад Ал-Атијах, соопшти Al Arabia.

„Ова не е првпат Al Arabia да се соочува со ваков вид електронски диверзии“, се нагласува во соопштението на телевизијата.

Медиумите во повеќе земји во понеделникот објавија вест за вооружен обид за државен удар во Катар, повеќето од нив повикувајќи се на иранската телевизија на англиски јазик Press TV. Иранската новинска агенција Fars објави дека превратот се обиделе да го изведат офицери од гардата на самиот емир на Катар, Хамад бин Калифа ал-Тани, од составнот на телохранителите на шефот на државата. Според Fars, „жестоки судири“ избиле меѓу катарските гардијци и американските војници стационирани во овој емират во Персискиот залив, а триесетина офицери од обезбедувањето, вклучувајќи го и командантот на гардата генералот Хамад Ал-Атијах, биле уапсени.

Според катарските медиуми, емирот на Кат,р. шеикот Хамад бин Калифа ал-Тани, во моментов престојува во официјална посета на Малта.

Владите на Катар и на Саудиска Арабија се најжестоките критичари на сирискиот претседател Башар ал-Асад, а министрите за надворешни работи на овие држави постојано повикуваат на вооружување на сириската опозиција. Властите во влијателните за сунитскиот свет престолнини, Ријад и Доха, го поддржуваат сунитското мнозинство во Сирија, коешто, според нивното мислење, е подложено на репресија од страна на режимот на Башар ал-Асад, составен главно од претставници на алавитите.

Во информативната војна што ја водат Доха и Ријад против актуелните власти во Дамаск, примарната улога им е дадена на сателитски панарапски телевизии Аl Jazeera и Al Arabia, коишто се под контрола на тамошните влади.

Според државната Сириска арапска новинска агенција (SANA), „сириската електронска војска“ се претставува себеси како „неформално младинско социјално здружение, коешто си поставило за цел спротиставување на кампањата за дезинформации во врска со настаните во Сирија“.

„Активистите на страницата на ‘сириската електронска армија’ нагласуваат дека, како и војниците на вооружените сили на Сирија, и тие водат вистинска војна на Фејсбук и Твитер, стоејќи на стражата на независноста и суверенитетот на Сирија“, се вели во еден материјалите на сириската агенција SANA./крај/рн/сн