Во експлозија во источниот нигериски град Џалинго убиени се седум лица а дванаесет се тешко ранети, пренeсува Reuters повикувајќи се на очевидци.

„Ја видов експлозијата. Нејзина цел очигледно беше началникот на полицијата кој минуваше во близината“ Меѓу седумте загинати го видов и мотоциклистот кој беше во обезбедувањето на конвојот на началникот“, изјавил за агенцијата по телефон Бен Адаџи, уредник на локален весник.

„Експлозијата се случи меѓу зградата на министерството за финансии и седиштето на полицијата“, изјавил за агенцијата началникот на локалната спасувачка служба Ибрахим Фаринлое.

Џалинго е главен град на сојузната држава Тараба којашто се граничи со Камерун и важи за релативно мирна, за разлика од другите делови на Нигерија.

Оваа експлозија следеше еден ден откако во неделата во градот Кано, вториот по големина град во Нигерија, во напад на милитантите на локалниот универзитет за време на христијанската богослужба убиени 21 луѓе. Досега никој не ја преземе одговорноста за двата напада во Кано.

Во јануари, во градот Кано исто така во северниот дел на Нигерија, беа извршени четири бомбашки напади во близина на локалните полициски станици во коишто загинаа околу 180 луѓе, за коишто одговорноста ја презема радикалната исламистичка група Боко Харам. По нападите на нигериските власти уапсија околу 200 лица осомничени за инволвираност во нападите.

Кон средината на јануари истече ултиматумот кој исламистичката група Боко Харам им го даде на христијаните да го напуштат главно муслиманскиот север на Нигерија.

Бранот на насилство ја зафати Нигерија од мај 2011 година кога на претседателските избори, победи христијанинот Гудлак Џонатан кој доаѓа од западниот дел од земјата. Претседателот Џонатан, кој има целосна поддршка на југот, но освои и милиони гласови на северот, вети формирање влада која ќе ги вклучи сите политички, етнички и религиозни групи и која ќе се обиде да ги смири недоразбирањата и тензиите.

Во сојузната нигериска држава Баучи, во една од 12 провинции во северна Нигерија со мнозинско муслиманско население, од пред десет години почна да спроведува шеријатско право, што предизвика судири меѓи муслиманите и припадниците на локалното христијанско малцинство, и оттогаш во судирите се убиени повеќе од илјада лица. Боко Харам е бара воведување на шеријатот (исламскиот закон) во Нигерија и искоренување на западниот секуларна модел на образование. Нејзините борци беа вклучени во неколку терористички напади во 2011 година, вклучително и против седиштето на ОН во главниот град Абуџа./крај/мф/сн