Најмалку пет луѓе загинале во новиот терористички напад изведен во вторникот наутро во населбата ал-Кабун во сириската престолнина Дамаск, јави државната агенција SANА.

Експлозијата ја потврди и опозициската Сириска опсерваторија за човекови права со седиште во Лондон, којашто додава дека експлозии имало ноќта кон вторникот и во други градови во Сирија, каде во понеделникот беа регистрирани нови 54 жртви, од кои 31 се војник.

Официјален извор изјавил за SANA дека експлозивната направа, била поставена од вооружена терористичка група.

Сириската државна агенција, исто така, објави дека вооружени припадници на опозицијата во понеделникот вечерта убиле трговец во источниот град Деир Езор, каде во петокот во терористички акт загинаа девет цивили. Трговецот Мохамад Амин Хадад, бил заклан со нож.

Како што соопшти претставник на сириските безбедносни сили, во Деир Езор, бил уапсен извесен Абдул-Кадер ал-Наџрис додека се обидувал да постави експлозивна направа под автомобил на жител на населбата ал-Хамедија.

Во Сирија во март 2011 година поттикнати од ткн Арапска пролет со која беа соборени режимите во Тунис, Либија, Египет и започнаа протести коишто по обидите за гушење од страна на режимот на претседателот Башар ал-Асад прераснаа во вооружени конфликт во кој животите ги загубија илјадници луѓе. Поради ваквите ситуации Обединетите нации сметаат дека земјата се наоѓа во критична ситуација.

Во Сирија во моментов имаа 270 воени невооружени набљудувачи со мандат на Обединетите нации, од вкупно 300 коишто треба да го следат спроведување на мировниот план на специјалниот пратеник на ОН и на Арапската лига за Сирија, Кофи Анан, но прекинот на огнот се крши секојдневно.

Во соседен Либан, исто така избувнаа судири во градовите Триполи и Бејрут меѓу приврзаниците на сирискиот претседател ал-Асад, односно меѓу муслиманските фракции на сунитите и алавитите. Се стравува дека така насилството може да се пресели и во соседен Либан кој последните 30 години беше под сириска заштита како и исламистичкото пропалестинско движње Хезболах.

Либанската опозиција го обвини официјален Дамаск дека сака да го пренесе хаосот во Либан за да ги сврти судирите во Сирија.

И покрај продолжувањето, генералниот секретар на НАТО, Андерс Фог Расмунсен повтори дека Алијансата „нема намера да интервенира во Сирија“.

Претседателот Башар сл-Асад за четврток ја закажа конститутивната седница на парламентот по изборите што се одржаа на 7-ми мај одржани и покрај судирите со бојкот на вооружената опозиција којашто ги нарече фарса. Сирискиот претседател тврди дека изборите биле демократски и дека новиот парламент со спроведување уставни реформи ќе ја демократизира земјата./ крај/мф/сн