Свет
ОН ја осуди сириската влада за нападот на Хула
Советот за безбедност на Обединетите нации во неделата доцна навечер едногласно ја осуди сириската влада за артелерискиот напад врз градот Хула во кој загинаа најмалку 108 луѓе од кои околу 30 деца, сооопшти претседателот на Советот за безбедност.
„Советот за безбедност најосторо ги осуди убиствата, кои ги потврдија набљудувачите на ОН, на десетина мажи, жени и деца, како и ранувањето на стотина луѓе во Хула, недалеку од Хомс, во нападот на владините сили кои вклучуваа и употреба на артилерија и тенковско гранатирање врз станбените населби“, се наведува во необврзувачката изјава на Сoветот за безбедност, што ја цитира Reuters.
„Советот, исто така, ги осудива убиствата од огнено оружје од непосредна близина и по тешко злоставување“, се додава во изјавата којашто по тричасовниот вонреден состанок го прочита вршителот на должноста претседавач со Своетот, азарбејџанскиот претставник Тофиг Мусаев.
Норвешкиот генерал Роберт Муд, кој е шеф на мисијата на воените невооружени набљудувачи со мандат на ОН во Сирија, го извести преку видеоврска Советот за безбедност дека во Хула загинале најмалку 108 луѓе, а околу 300 се ранети, известија дипломатски извори.
Жртвите биел погодени „со делови од гранати“ или се убиени „од непосредна близина“, изјавил генералот Муд.
Сириската влада во неделата попладне ги отфрли обвинувањата за инволвираност на армијата во масакрот во Хула, рече претставник на сириското министерство за надворешни работи Џихад Макдеси.
„Ние целосно негираме каков и да е вид на инволвираност на власта во овој терористички масакр извршен против цивили. Беа убиени деца, жени и старци. Сириската армија не дејствува така“, изјави Макдеси за новинарите акредитирани во сириската престолнина Дамаск.
Тој додал дека владата формирала комисија да ги испита настаните во градот Хула. Според Макдеси, уште во понеделник во Сирија ќе се врати специјалниот пратеник на ОН и на Арапската лига, Кофи Анан./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бајден зборуваше за дебатата со Трамп, но и за детали од неговиот личен живот
Американскиот претседател Џозеф Бајден денеска изјави дека ќе учествува на дебата со Доналд Трамп, неговиот републикански противкандидат на ноемвриските избори.
„Не знам кога“, изјави Бајден во интервјуто со Хауард Стерн и додаде дека со нетрпение го очекува тоа, пренесе Ројтерс.
Бајден раскажуваше семејни приказни и рече дека пелтечењето било подготовка за тешките удари во животот. Тој рече дека пелтечењето како дете било најдоброто нешто што му се случило. Додаде дека на крајот го надминал пелтечењето, но дека повремено му се враќа кога зборува во јавност.
Интервјуто со Хауард Стерн се случи додека Бајден присуствуваше на политички настан во Њујорк.
За време на интервјуто, тој презентираше многу биографски детали, обидувајќи се да се претстави пред гласачите. Бајден, исто така, рече дека неговиот татко, Џозеф Робинет Бајден постариот, ретко покажувал љубов и раскажал приказна што напраавил кога бил нокаутиран додека играл рагби кога бил во четврто одделение.
„Татко ми излезе со нас и рече Џои стани. Само стани. Мора да станеш“, раскажал Бајден.
Свет
(Видео) Снимка од Ердоган хит на социјалните мрежи: Телохранител му подаде чешел на турскиот претседател, а потоа цела делегација мораше да застане
Видео од турскиот претседател Реџеп Таип Ердоган како се чешла стана хит на социјалните мрежи.
Ердоган, кој во четвртокот дојде на прославата на Уставниот суд во Анкара, цело време беше придружуван од телохранител кој ненадејно му подава чешел пред да влезе во салата. Турскиот лидер застана и почна да се чешла додека целата делегација, вклучително и претседателот на Уставниот суд, чекаше.
— Pluton (@Pluton45873221) April 26, 2024
Откако заврши со средувањето на косата, Ердоган му го даде чешелот на еден од своите советници, а потоа продолжи да се шета со претседателот на Уставниот суд, Кадир Озкај, насмеан.
Ердоган присуствуваше и на прославата на 62-годишнината од формирањето на Уставниот суд.
Свет
Се слушнало тропање и силни вибрации: Боинг изгубил дел за време на лет, извршил принудно слетување
Авионот на „Делта ерлајнс“ кој утрово полета од аеродромот „Џон Кенеди“ во Њујорк мораше да се сврти и да се врати на аеродромот поради дефект на опремата за итни случаи, пренесува „Индекс“.
Летот 520 на „Делта ерлајнс“ безбедно се врати на аеродромот околу 8:35 часот откако екипажот пријавил вибрации, соопшти Федералната управа за авијација (ФАА). Пилотите веднаш по полетувањето пријавиле во контролата на летање дека почувствувале чудни вибрации и слушнале звук на тропање.
Авионот летал 33 минути пред да се врати на ЏФК, пишува „ABC7 New York“.
„Откако леталото безбедно слета, беше забележано дека во одреден момент отпадот за итни случаи паднал“, рече портпаролот на „Делта“. За време на инцидентот во „Боингот 767“ имало 176 патници, двајца пилоти и пет стјуардеси. Нема извештаи за повредени.
Патниците биле префрлени во друг авион, кој полетал во 10:59 часот, околу три часа подоцна. Авионот чиј дел за итни случаи паднал е стар 33 години и нема да биде во служба додека „Делта“ не ја процени неговата соодветност. Од ФАА велат дека ќе го истражат целиот инцидент.