Свет
Асад: Сирија е во вистинска војна
Сирискиот претседател Башар ал-Асад изјави дека неговата земја се наоѓа во вителот на вистинска војна и на новоименуваната влада ѝ издал наредба сите напори да ги насочи кон победа против бунтовниците кои веќе 16-ти месец се борат за негово соборување од власта.
„Ние живееме во вистинска воена состојба. Кога сме во војна, секоја политика, сите страни и сите сектори мораат да бидат насочени кон победата во таа војна“, изјавил претседателот Башар ал-Асад пред премиерскиот кабинет што го именувал, пренесе во вторникот навечер сириската државна агенцијa SANA.
Асад притоа ги осудил земјите коишто од него бараат да се повлече од власта додавајќи дека Западот „зема и никогаш ништо не дава, и тоа веќе на секо ниво е докажано“.
Тој ги иемнувал дејствата на противниците на наеговиот режим како тероризам.
По повод конституирањето на новиот сириски парламент на парламентарните избори кон крајот на мај што ги бојкотираше опозицијата која не верува во слободини и фер избори огранизирани од режимот на Асад, на 3-ти јуни сирискиот претседател порача дека е решителен да го задуши бунтот „по секоја цена“, и покрај сѐ посилната изолација на еговата земја и големиот број санкции којшто на Сирија ги наметнаа САД и Европската унија, како и Арапската лига.
Во подолгиот говор насочен кон економските сектори, ја повикал владата да ги зајакне односите со Истокот, на потесна соработка со земјите од Латинска Америка и Африка, како и Русија и Кина. Асад додал дека „државата преку потпишување договори со овие земји треба да му помогне на приватниот сектор да изгради вистински односи со нив“.
„Очигледно, проблемот беше само со Западот, додека поголемиот дел од светот сака да изгради односи со нас и со другите, но со децении тие се обидуваат да ги зајакнат нашите економски врски со оние кои нѐ колонизираат директно или индиректно… Сирија се обидува да изгради добри односи со сите земји во светот, но ние треба да знаеме каде се нашите вистински интереси“, заклучил претседателот ал-Асад.
Асад натаму ја повикал новата сириска влада предводена од Ријад Хаџибот „да има постојан контакт со народот и да работи транспарентно“, наведувајќи дека приоритет на министрите е веднаш да дејствуваат за да се обезбедат „основните потреби на населението, да се спречи кревањето на цените, борба против монополското работење и реконструкција на инфраструктурата саботирана од страна на терористите“.
Пред министрите Асад уште зборувал дека предност треба да им се дадат на најсиромашните покраини на Сирија, „да се вклучат механизмите за постигнување социјална еднаквост и забрзување на носењето закони поврзани со реформата на адмионистрацијата, борбата против корупцијата, рехабилитацијата на човечките ресурси и контрола врз владините загуби“./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бајден ја откажа посетата на Германија поради ураганот Милтон
Американскиот претседател Џозеф Бајден го одложи планираното патување во Германија и Ангола за да остане во Белата куќа поради ураганот Милтон на брегот на заливот на Флорида, соопшти денеска Белата куќа.
Портпаролката на Белата куќа Карин Жан-Пјер рече дека промената е неопходна „со оглед на проектираниот пат и силата“ на бурата.
Таа не прецизираше кога патувањето би можело да биде презакажано. Бајден претходно вети дека ќе оди во Африка за време на неговиот мандат, кој завршува во јануари.
Свет
(Видео) Напaднат унгарскиот премиер Виктор Орбан
Членот на Унгарската демократска коалиција Мартон Џекички денеска го нападна унгарскиот премиер Виктор Обран за време на прес-конференција во Европскиот парламент.
На видеото објавено од Corriere della Sera се гледа како човек, кој обезбедувањето го крева од подот, му вика на премиерот.
🔵#Strasburgo Protesta solitaria durante la conferenza stampa del premier ungherese. Pochi minuti dopo l’inizio, un giovane ha fatto irruzione in sala, si è avvicinato a #Orban urlando parole in ungherese e gettandogli addosso fogli e cartacce. L’uomo è stato subito immobilizzato pic.twitter.com/ajmNhPFQVu
— Rai Radio1 (@Radio1Rai) October 8, 2024
Орбан не е повреден во инцидентот, а обезбедувањето брзо го совлада Џекички и го фрли на подот, по што беше изнесен од собата.
„За колку ја изневери државата, премиере?“, го праша Џекички Орбан додека неговите телохранители го водеа надвор од салата.
Орбан по инцидентот коментираше дека „унгарскиот е директен јазик и дека комуникацијата може да биде груба“, пренесува унгарски Телекс.
„Кога еден политичар ќе му каже на друг дека е негативец, во нашата култура тоа значи „не се согласувам со тебе“, рече Орбан.
Како што потсетува Телекс, Џекички фрлал монети кон Орбан за време на инцидентот во Кеч на почетокот на септември во знак на протест.
Свет
Во експлозија во Пакистан загинаа двајца кинески инженери кои работеа на електрана
Двајца кинески државјани, кои во неделата загинаа во експлозија во близина на меѓународниот аеродром во Карачи, работеле во електрана, соопштија денеска властите.
Ројтерс објави дека тоа е еден од најсериозните напади врз кинески државјани во Пакистан откако бомбаш самоубиец уби пет кинески инженери кои работеа на хидроелектричен проект во март, што го натера Пекинг да го повика Исламабад да преземе построги безбедносни мерки.
Кинеската амбасада во Исламабад и пакистанското Министерство за надворешни работи ја опишаа неделната експлозија како „терористички напад“.