Стотици жители на сириската престолнина Дамаск во четвртокот го напуштиле градот поради судири и бомбардирање на одредени квартови, пренесува AFP за која сириски безбедносни извори рекле дека војската го повикува населението да ги напушти воените зони.

Судирите од одредени населби на Дамаск се одигруваат ден откако беше изведен бомбашки напад врз зградата на сириската безбедносна служба во кој загинаа тројца високи воени функционери, меѓу кои и шурата на претседателот Башар ал-Асад.

„Борбите се многу жестоки и веројатно ќе продолжат идните 48 часа, за Дамаск да биде исчистен од терористите пред почетокот на Рамазан (месец на муслиманскиот свет месец на пост кој почнува во петок – з.р.). Војската досега беше воздржана во судирите, но по обој напад се одлучи да го употреби сето оружје што и’ стои на располагање за да се пресмета со терористите“, рекол соговорникот на AFP.

Според извор „војската на граѓаните им упати повик да се оддалечат од борбените зони додека терористи сакаат да ги искористат како жив штит“. Според податоците на Сириската опсерваторија за човекови права (OSDH) со седиште во Лондон чиишто соопштенија западните медиуми редовно ги пренесуваат, додека руската страна ги смета за невалидни, од неколку населби на Дамаск своите домови ги напуштиле „повеќе стотици жители“.

Според Опсерваторијата, во средата повеќе од 200 цивили биле убиени во судирите во Сирија, меѓу кои 38 во Дамаск, каде од неделата започнаа престрелки меѓу војската и бунтовниците.

Според OSDH загинале најмалку 214 лица, меѓу кои 214 цивили, 62 војника и 28 бунтовници, несметајќи ги тројцата високи функционери убиени во нападот, заменикот на министерот за добрана и шура на претседателот Асад, Асеф Шавкат, минситрот за одбрана Дауд Раџа и командантот на кризниот штаб за задушување на бунтот Хасан Туркмани.

Според западни извори и сириската опозиција сирискиот претседател Башар ал-Асад по нападот заминал за крајбрежниот град Латакија, од каде што ги координира операциите против бунтовниците. Оваа вест изворите ја темелат на фактот дека по нападот во средата претседателот Асад. Меѓутоа западните медиуми се контроверзни по прашањето дали Асад за Латакија отпатувал пред или по нападот.

„Според нашите информации Асад се наоѓа во својата палата во Латакија и таму би можел да се задржи неколку дена“, изјавил за Reuters висок функционер на сириската опозиција кој сакал да остане анонимен. Дворецот во кој Асад порано отседнувал и од каде ги водел државните работи се наоѓа на брегот во близина на Латакија, главното сириско пристаниште.

Зададен дипломат кој го следи развојот на ситуацијата во Сирија изјавил дека јавноста сега е во очекување колку Асад добро ќе успее да ги води командните структури, Во покраината Латакија, инаку, се наоѓаат неколку градови во коишто живеат припадници на малцинската алавитска заедница на којашто и’ припаѓа и Асад. /крај/мф/сн