Свет
Идентификуван убиецот од киното во Денвер
Осомничен за масакрот во киното во Денвер, во американската сојузна држава Колорадо, е 24-годишниот Американец Џејмс Холмс, пренесуваат локалните медиуми повикувајќи се на претставник на полицијата кој сакал да остане анонимен
Половина час по почетокот на премиерната проекција на најновиот филм од серијалот за фантастичниот суперхерој Бетмен, „Витезот на темнината: Легендата продолжува“, ноќта кон петокот во киното „Century 16 Movie“ во Аурора, предградие на, напаѓач со гасна маска влегол во коносалата преку задната врата, активирал солзавец и потоа отворил оган врз публиката којашто во првиот момент помислила дека станува збор за специјални ефекти што ја придружуваат проекцијата, бидејќи во тој момент на екранот одела сцена во којашто имало пукање. Во пукањето загинаа 12 а беа ранети 50 лица, вклучувајќи и три деца.
Во моментов полицијата врши пребарување на домот на осомничениот Џејмс Холмс. Според некои извори, по апсењето осомничениот признал дека дома имал залихи од експлозиви.
Како што изјавил за CNN претставник на полицијата, осомничениот за масакрот во моментот на нападот бил вооружен со два вида пушки и два пиштола.
Како што соопшти полицијата во Денвер, очигледно е дека напаѓачот дејствувал сам, додека американското федарално истражно биро FBI соопшти дека инцидентот не е акт на тероризам.
Се очекува дека во текот на петокот на осомничениот ќе му биде поднесено обвинение.
Станува збор за една од најкрвавите слични трагедии со масовни убиства на територијата на САД последниве години. Претходните години во различни градови во САД се случија напади во канцеларии, училишта, цркви и супермаркетите. Најголем одек во јавноста имаше атентатот врз конгресменката Габриела Гифордс, во јануари 2011 година. По овој инцидент, медиумите и експертите започнаа расправа за потребата да се разгледа можноста за зголемување на нивото на контрола врз сопствениците на оружје. Меѓутоа, официјалните лица досега јавно не одговорија на таквите иницијативи, велејќи дека правото на поседување на оружје од страна на граѓаните и цврсто загарантирани со Уставот на САД./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бакингемската палата ја објави здравствената состојба на кралот Чарлс: познато кога ќе се врати на должностите
Кралот Чарлс ќе продолжи со јавните ангажмани следната недела откако е постигнат охрабрувачки напредок во лекувањето на ракот, објави Бакингемската палата.
За кралот тоа нема да биде целосно враќање на официјалните ангажмани, но палатата испраќа позитивни сигнали, јавува Би-Би-Си.
Следниот вторник кралот ќе започне со симболично патување во центар за лекување рак, пренесува медиумот.
Неговите летни планови вклучуваат државна посета, каде што ќе биде домаќин на императорот и царицата на Јапонија.
Во наредните недели, соопштија од палатата, тој ќе преземе неколку надворешни ангажмани.
Свет
Стари книги обложени со отров отстранети од Француската национална библиотека
Властите отстранија четири книги од Француската национална библиотека поради можноста нивните корици да содржат отровен арсен. Имено, некои книги од 19 век, печатени во Британија, имаат смарагдно зелени корици. Арсенот често се користел за боење книги во тоа време.
Научниците од Универзитетот во Делавер во САД ги класифицираа отстранетите томови како потенцијално опасни, но библиотеката вели дека ракувањето со овие книги би предизвикало само мала штета на здравјето. „Ги ставивме во карантин овие дела. Ќе ги анализираме во лабораторија за да можеме да процениме колку арсен е присутен во секој том“, рече портпаролот на Француската национална библиотека, а пренесе Би-би-си.
Списокот на потенцијално опасни книги е составен од „Poison Book Proect“ , иницијатива покрената од научници од Универзитетот во Делавер во соработка со музејот Винтертур во Делавер. Од 2019 година, тимот тестираше стотици корици книги за тешки метали и состави листа на наслови кои се потенцијално опасни.
Издавачите од викторијанската ера користеле арсен за да ги обојат кориците. Светската здравствена организација (СЗО) предупреди на долгорочна изложеност на арсен во водата за пиење и храната, велејќи дека супстанцијата е многу токсична. Сепак, таа не дала никакви упатства за ракување со предмети што го содржат овој отров.
Во 2022 година, библиотекарите во Лидс, Англија открија ретка книга со арсен. Библиотекар ја открил потенцијално отровната книга додека ја споредувал збирката на библиотеката со базата на податоци на проектот „Poison Book“.
Свет
Мигранти плаќале 18.000 евра за превоз преку Ла Манш, биле сексуално експлоатирани
Виетнамска криминална мрежа беше пресечена со акција на полициите на Франција и Англија, со поддршка на Европол.
Оваа група шверцувала мигранти преку Ла Манш и организирала нивна сексуална и трудова експлоатација како и перење пари.
Главниот организатор, идентификуван како десна рака на водачот на оваа банда, го организирал шверцот, додека друг нивни соучесник бил задолжен за собирање пари и организирање на транспортот на мигрантите, кои плаќале од 15.000 до 18.000 евра за превоз преку каналот , соопшти Европол.
На пат од Полска за Франција, некои од мигрантите шверцувале метамфетамин во парискиот регион, снабдувајќи ги азиските групи за шверц на дрога со седиште во областа во замена за намалена цена на патувањето.
Уапсени се 16 членови на оваа група и одземени се разновидна луксузна стока, 100.000 евра во кеш и уште 298.000 евра на банкарски сметки.