Свет
Тајфунот Болавен уби десетмина во Јужна Кореа
Силниот тајфун Болавен, уби најмалку десетмина во Јужна Кореа, а рано наутро во среда ја погоди и Севрена Кореа.
Паднати дрвја, искинати кабли за струја, прекини во доводот на електрична енергија претставуваат голем проблем во земјата која сé уште се опоравува од поплавите.
Големите дождовни бури претставуваат катастрофи за Северна Кореа каде има слаба дренажа на земјиштето, исечени шуми и слаба инфраструктура.
Во Пјонгјанг, главниот град, кој беше погоден од силни ветришта, сепак, не се забележани поголеми оштетувања.
Автомобилите кои биле однесени од налетите на ветар скршиле хидранти, кои ја распрскуваа водата по улиците, јавува Associated Press.
Тајфунот Болеван стигна во Северна Кореа, доцна во вторникот, на првиот Ден на младоста откако Ким Јонг-Ун стана лидер на државата.
Метеоролозите предупредија дека овој тајфун ќе биде најсилен во последните години, што го погодил тој регион, но се покажа дека во неколку региони не беше толку силен.
Во Јужна Кореа, Болеван остави стотици илјади луѓе без струја, беа откажани летовите и привремено беа прекинати воените игри организирани од САД и Јужна Кореа.
Бурата беше силна и на отворено море, па потопи два рибарски брода удирајќи ги во карпи кај островот Чеџу, при што загинаа петмина, а десет се водат за исчезнати.
Опасните бранови не им дозволија на спасувачките екипи да стигнат до кинеските рибарски бродови, па со посебен пиштол било испукано јаже кон бродовите, по кое офицерите се префрлија на копно.
Крајбрежната стража спаси 12 рибари, а шест други допливале на брегот.
Невремето однесло уште најмалку пет животи низ Јужна Кореа. Голем контејнер паднал врз стан, при што била убиена една жена и уште едно лице.
Осумдесетгодишен маж загинал кога врз него паднала зграда, а друг загинал од паѓање на дрво.
Околу 1,9 милиони домови и бизниси во Јужна Кореа останаа без струја, велат од Националната агенција за итност, но за околу 34 илјади домаќинства во среда утрото електричната енергија била воспоставена.
Околу 100 семејства останале без своите домови кои или биле однесени од водата или биле оштетени.
Околу 200 летови биле откажани во вторникот, а од среда авиосообраќајот е нормализиран.
Околу 860 хектари обработливо земјиште се наоѓа под поплави, а оштетени се 32 бродови./крај/ап/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Се слушнало тропање и силни вибрации: Боинг изгубил дел за време на лет, извршил принудно слетување
Авионот на „Делта ерлајнс“ кој утрово полета од аеродромот „Џон Кенеди“ во Њујорк мораше да се сврти и да се врати на аеродромот поради дефект на опремата за итни случаи, пренесува „Индекс“.
Летот 520 на „Делта ерлајнс“ безбедно се врати на аеродромот околу 8:35 часот откако екипажот пријавил вибрации, соопшти Федералната управа за авијација (ФАА). Пилотите веднаш по полетувањето пријавиле во контролата на летање дека почувствувале чудни вибрации и слушнале звук на тропање.
Авионот летал 33 минути пред да се врати на ЏФК, пишува „ABC7 New York“.
„Откако леталото безбедно слета, беше забележано дека во одреден момент отпадот за итни случаи паднал“, рече портпаролот на „Делта“. За време на инцидентот во „Боингот 767“ имало 176 патници, двајца пилоти и пет стјуардеси. Нема извештаи за повредени.
Патниците биле префрлени во друг авион, кој полетал во 10:59 часот, околу три часа подоцна. Авионот чиј дел за итни случаи паднал е стар 33 години и нема да биде во служба додека „Делта“ не ја процени неговата соодветност. Од ФАА велат дека ќе го истражат целиот инцидент.
Свет
Саливан: САД нема на располагање ниту еден „Патриот“ систем за противвоздушна одбрана што би можел да го достави до Киев
Советникот за национална безбедност на американскиот претседател, Џејк Саливан, рече дека Вашингтон во моментов нема достапни системи за противвоздушна одбрана „Патриот“ што би можел да му ги достави на Киев.
„Американските системи „патриот“ се распоредени низ целиот свет, вклучително и на Блискиот Исток, за да ја заштитат американската војска. Доколку има можност да се ослободи батерија, ќе ја испратиме во Украина“, рече тој, а пренесе телевизијата „Ем-ес-ен-бси“.
Истовремено, Саливан додаде дека Америка, додека не дојде во ситуација да испрати свои „патриотски“ системи во Украина, ќе работи да ги убеди своите сојузници од Европа да ги испратат своите системи за противвоздушна одбрана.
Свет
Бакингемската палата ја објави здравствената состојба на кралот Чарлс: познато кога ќе се врати на должностите
Кралот Чарлс ќе продолжи со јавните ангажмани следната недела откако е постигнат охрабрувачки напредок во лекувањето на ракот, објави Бакингемската палата.
За кралот тоа нема да биде целосно враќање на официјалните ангажмани, но палатата испраќа позитивни сигнали, јавува Би-Би-Си.
Следниот вторник кралот ќе започне со симболично патување во центар за лекување рак, пренесува медиумот.
Неговите летни планови вклучуваат државна посета, каде што ќе биде домаќин на императорот и царицата на Јапонија.
Во наредните недели, соопштија од палатата, тој ќе преземе неколку надворешни ангажмани.