Свет
Чак Норис го оцени говорот на Обама бесмислен

Американскиот актер Чак Норис го нарече празен и без содржина говорот на американскиот претседател Барак Обама на националната конвенција на неговата Демократска партија, со кој прифати да биде претседателски кандидат на изборите на 6-ти ноември
Во големиот предизборен говор, актуелниот американски претседател Барак Обама даде отчет за остварените ветувања дадени на гласачите пред изборите во 2008 година, вети дека преостанатите проблеми на Американците ќе бидат решени за време на неговиот втор мандат, и го обвини својот републикански ривал Мит Ромни за архаично размислување и за незнаење на суптилностите во надворешната политика.
„Во неговиот (на Обама – з.р.) говор од минатата ноќ, немаше никаква содржина. Тој вети дека ќе создаде милион работни места во текот на следните четири години. Слушајте, но сега имаме (во САД – з.р.) 23 милиони невработени, … мислам дека тој веќе го вети тоа пред четири години, но не ги исполни ветувањата“, го цитира Чак Норис американската телевизиска мрежа Fox News.
Огромното мнозинство холивудски ѕвезди традиционално ги поддржуваат демократите на изборите, но акционите херои, како Чак Норис, Силвестер Сталоне, Брус Вилис и поранешен гувернерот на Калифорнија, Арнолд Шварценегер, се републиканци.
Ромни и Републиканската партија ја критикуваат администрацијата на Обама за неуспехот брзо да ја подобри економската ситуацијата во земјата и неможоноста да се справи со невработеноста. Како што признава и смата Бела куќа, заздравувањето на националната економија по кризата од 2008/2009 година не оди многу брзо, но економскиот раст е стабилен а невработеноста постепено се намалува.
Претходно, 72-годишниот Норис во видео пораката снимена заедно со неговата сопруга Џени, ги повика своите обожаватели на претстојните претседателски избори да му ја дадат поддршката на Мит Ромни. Според актерот, изборот на Обама ќе доведе до „илјада години темнина“. Оваа изјава Норис ја позајми од говорот на „иконата“ на Републиканската партија, американскиот претседател Роналд Реган, исто така актер, кој своевремено зборуваше за поранешниот Советски сојуз, кого го нарече „империјата на злото“.
Чак Норис е познат по своите конзервативни ставови и поддршката за слободното поседување оружје. Актерот повеќепати доделуваше донации за изборните кампањи на републиканците.
Чак Норис го привлече вниманието на јавноста врз неговите политички ставови во првата година од мандатот на претседателот Барак Обама кога напиша „Ќе се кандидирам за претседател на Тексас“ во насловот на неговата седмична колумна што редовно ја објавува во Wolrd Net Daily.
Во колумната Норис тогаш најави „војна“ против Барак Обама, тврдејќи дека сојузната држава Тексас ќе се отцепи од Соединетите американски држави доколку американскиот претседател не престане со неговото силно левичарење.
Норис пишуваше дека Америка под водство на Обама сé повеќе се оддалечува од визијата што ја имале нејзините творци. Притоа тој го наведе Џорџ Вашингтон и неговиот совет дека е добро да се биде што помалку политички поврзан со странските нации, како и на предупредувањето на Томас Џеферсон дека на владетелите не смее да им се дозволи да ги оптоваруваат граѓаните со долгови.
Норис во колумната ги постави прашањата колку долго Американците ќе го поднесуваат тоа, и дали кога ќе се прелее чашата и американските лидери ќе умеат да слушаат. Според Норис, тоа може да биде повод и почеток на уште една американска револуција, која според него би тргнала од Тексас, а тој би станал негов претседател. Притоа легендарниот „тексашки ренџер Волкер“ наведува дека од 1836 до 1846 година Тексас бил засебна република./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Сестрата на Ким го отфрла дијалогот со Сеул: „Ако се надеваат дека ќе ја свртат ситуацијата со неколку слатки зборови, нема полоша грешка од тоа“

Пјонгјанг „нема причина“ да го продолжи дипломатскиот дијалог со Сеул, изјави денес сестрата на севернокорејскиот лидер Ким Џонг-ун, и покрај изразената желба на новиот јужнокорејски претседател Ли Џе Мјунг да ја смири ситуацијата, објави севернокорејската агенција КЦНА.
„Уште еднаш, го разјаснуваме официјалниот став, а тоа е дека без оглед на политиката што ја усвојува Сеул или каков предлог е даден, ние не сме заинтересирани за тоа и нема причина за средба со Република Кореја или за каков било разговор со неа“, рече Ким Џо Џонг, која е исклучително влијателна личност во севернокорејската дипломатија.
Сестрата на Ким Џонг-ун зборуваше за „неповратната“ некомпатибилност меѓу двете земји, кои технички сè уште се во војна. Нивниот конфликт заврши во 1953 година со примирје, но не и со мировен договор.
Нејзината изјава доаѓа откако јужнокорејскиот претседател Ли Џе-мјунг, кој дојде на власт на почетокот на јуни, вети дека ќе го контактира Пјонгјанг, тврдејќи дека „без разлика каква е цената, мирот е подобар од војната“.
Сеул оттогаш престана да емитува антисевернокорејска пропаганда преку звучници по должината на границата. Набргу потоа, Северна Кореја престана да емитува вознемирувачки звуци што ги вознемируваа жителите на југот во близина на границата дење и ноќе.
Сепак, ова ублажување на тензиите не значи дека Јужна Кореја може да верува во дипломатско ублажување на притисокот, предупреди Ким Џо Џонг. Ако Сеул се надеваше дека ќе ја сврти ситуацијата „со неколку слатки зборови, нема полоша грешка од тоа“, додаде таа.
Новиот претседател на Јужна Кореја изјави дека сака прекуграничен дијалог без предуслови.
Фото: принтскрин
Свет
(Видео) Неидентификуван дрон влезе во воздушниот простор на Литванија

Неидентификуван дрон влезе во литванскиот воздушен простор утрово, најверојатно од правец на Белорусија, објави литванската јавна телевизија ЛРТ.
„Според добиените извештаи, дронот е забележан на висина од околу 200 метри и последен пат е виден во близина на Вилнус. Не е јасно за каков дрон станува збор, ќе ги ажурираме информациите“, изјави Дариус Бута, претставник на литванскиот Национален центар за управување со кризи.
🇱🇹 UAV from Belarus has again flown into Lithuania, spotted near the capital Vilnius, — LRT. pic.twitter.com/LE5CjMIFSz
— MAKS 25 🇺🇦👀 (@Maks_NAFO_FELLA) July 28, 2025
Литванските власти објавија дека сите надлежни служби работат на лоцирање на можното место каде што се урна дронот и ги предупредија жителите да не се приближуваат кон дронот под никакви околности.
„Денес времето е поволно за метеоролошки балони, кои шверцерите ги користат за транспорт на својата стока. Сè уште не можеме да прецизираме за каков вид предмет или предмети станува збор“, нагласи литванскиот министер за одбрана Довиле Сакалиене.
Министерот, исто така, истакна дека претстојните воени вежби во Белорусија ја зголемуваат веројатноста за инциденти, дури и ненамерни. Во вежбите „Запад-2025“, кои се очекуваат кон средината на септември, ќе учествуваат околу 13.000 војници и се меѓу најголемите заеднички вежби организирани од Русија и Белорусија.
Белорусија, според написите во медиумите е важен сојузник на Русија за време на војната во Украина. Руските сили ја користеа белоруската територија како појдовна точка за инвазија. Украинската разузнавачка агенција неодамна предупреди дека Минск ги засили своите хибридни операции со насочување на нелегални мигранти кон границите на Европската Унија.
Руски беспилотни летала залутаа на територијата на Полска, Молдавија и Романија за време на претходните напади врз Украина. Покрај тоа, руски беспилотен авион со боева глава се урна во Латвија во септември минатата година, пишуваат медиумите.
Фото: принтскрин
Свет
Гутереш: Гладот никогаш не смее да се користи како воено оружје

Гладот никогаш не смее да се користи како воено оружје, изјави денес генералниот секретар на Обединетите нации, Антонио Гутереш, алудирајќи конкретно на тековните конфликти во Појасот Газа и Судан.
„Конфликтите продолжуваат да шират глад во Појасот Газа, Судан и пошироко. Гладот ја поттикнува нестабилноста и го поткопува мирот“, рече Антонио Гутереш за време на видеоконференција на Самитот на ОН за прехранбени системи во Етиопија.
Тој додаде дека светот „никогаш не смее да го прифати гладот како воено оружје“.
Светската здравствена организација (СЗО) вчера предупреди дека стапката на неухранетост во Појасот Газа достигнува алармантни нивоа, со висока стапка на смртност во јули.
Од 74 смртни случаи поврзани со неухранетост регистрирани од почетокот на годината, 63 се случиле во јули, вклучувајќи 24 деца под пет години, едно дете над пет години и 38 возрасни, соопшти организацијата на ОН.
Израел, кој го држи Појасот Газа под опсада од почетокот на војната против Хамас на 7 октомври 2023 година, воведе строга блокада на територијата на почетокот на март, која беше само делумно ублажена кон крајот на мај, што доведе до сериозен недостиг на храна.
Од април 2023 година, во Судан беснее војна меѓу армијата предводена од генералот Абдел Фатах ел Бурхан, де факто владетел на земјата од пучот во 2021 година, и паравоените Сили за брза поддршка (RSF) предводени од неговиот поранешен заменик, генерал Мохамед Хамдан Дагло.
Војната предизвика една од најлошите хуманитарни кризи во светот, според ОН.