Свет
Нови антијапонски протести во Кина
Илјадници Кинези во вторникот повторно излегоа на протести против Јапонија во неколку градови, што предизвика јапонските компании во Кина привремено да ги суспендираат своите операции во земјата.
Антијапонските протести се испровоцирани од територијалниот спор на двете земји во Источното Кинеско Море, а траеја целиот викенд, и очекувано се засилија во вторникот на денот кога Кина ја одбележува годишнината од почетокот на јапонската инвазија врез Манџурија во 1931 година.
Тензиите дополнително беа подигнати со истоварувањето на двајца јапонски активисти на спорниот архипелаг во вторникот. Кинеското министерство за надворешни работи таквиот потег го нарече „тешка провокација и нарушување на кинескиот суверенитет“, пренесува AFP.
Територијалниот спор драматично ескалираше во петокот кога Кина испрати шест извидувачки бродови до групата ненаселени острови во Источното Кинеско Море, што ги подигна тензиите меѓу двете земји на највисоко ниво од 2010 години.
Тоа беше одговор на Кина, којашто има слични територијални спорови со другите соседи, по одлуката на јапонската влада да ги откупи островите коишто Јапонија ги нарекува Сенкаку, а во Кина – Дјаојујидао, од приватниот јапонски сопственик и покрај кинеското предупредување да не го прави тоа.
Во Пекинг во вторникот повеќе од илјада демонстранти се приближиле кон амбасадата на Јапонија, којашто е обезбедувана со шест полициски кордони и метални препреки високи по два метра. Демонстрантите јапонската дипломатска мисија ја гаѓале со пластични шишиња со вода и со јајца.
„Збриштете се јапонски“, „Јапонците надвор од Дјаојујидао“, „Бојкотирајте ги јапонските производи“, беа написите на транспарентите што ги носеа демонстрантите, а, исто така, носеле и портрети на комунистичкиот лидер Мао Це Тунг, основач на Народна Република Кина.
Во Шангај повеќе од три илјади лица се собрале пред јапонскиот конзулат,а протести има и во други градови. Протесните собири имаат логистичка поддршка од кинеските државни медиуми, пренесува Reuters.
Стотици јапонски фабрики, погони, продавници и ресторани во Кина се затворени во вторникот за да ги заштитат своите вработени, сеќавајќи се на уништувањето на јапонските имоти во текот на протестите во саботата и неделата. Меѓу другите своите погони ги затворија „Honda“, „Toyota“, „Panasonic“, „Hitachi“, „Mazda“ и „Mitsubishi“.
Американскиот министер за одбрана Леон Панета кој од посетата во Јапонија во понеделникот допатува во посета на Кина, ги повика двете страни на воздржаност и зачувување на мирот.
На 10-ти септември, јапонската влада донесе официјално решение за национализирање на трите од вкупно петте спорни острови Сенкаку за кои се спори со Кина, од приватните сопственици на малиот архипелаг. Според јапонските медиуми, договорот за преземање на трите острови на архипелагот – Уоцуриџима, Китакоџима и Минамикоџима.
Пекинг претходно објави дека не го смета овој договор за валиден, потсетувајќи ја Јапонија дека островите историски и’ припаѓаат на Кина. Кинеското министерство за надворешни работи купувањето на островите од страна на јапонската влада го смета за нарушување на територијалниот суверенитет на Кина и предупреди дека доколку Јапонија не се откаже од таквата акција, би можела да се соочи со „сериозни последици“.
На крајот од август јапонската агенција Kyodo пишуваше дека јапонската влада води заткулисни игри за откуп на петте острови од приватните поседници. За државниот закуп за островите семејството Курихара, плаќаше вкупно 24 милиони јени (околу 314 илјади долари) годишно. Од април оваа година властите на јапонската престолнина Токио преговараа за купување на островите од сопствениците со пари од буџетот на округот на главниот град, што предизвика бран незадоволство кај централната влада. Според идејата за купување на островите, градоначалникот на јапонската престолнина Токио собра 1,3 милијарди јени (16 милиони долари).
На крајот од јули, централната јапонска власт, исто така, направиjа понуда за сопствениците на островите, и изразила подготвеност да се купат островите наместо тоа да го стори јапонската престолнина за 26 милиони долари. Во овој случај, државата понуди очигледно повисока цена за островите отколку токиските градски власти. Сепак, сопствениците на островите изјавија дека не може да го загубат достоинството и да ја одбијат понудата на градоначалникот на Токио кој прв ја објави подготвеноста за нивното купување.
Во меѓувреме, според извори на агенцијата, од неодамна семејството Курихара заземало малку помека позиција по ова прашање. Така, агенцијата пишува дека започнале тајни преговори со сопствениците на островите кои ги предводи заменик-генералниот секретар на јапонската влада, Хиројуки Нагахама по налог на јапонскиот премиер Јошихико Нода.
Како што пишува агенцијата, претставници на централната власт одржале неколку официјални средби со сопствениците на островите, откако претходно во август семејството Курихара одби да се сретне со претставниците на регионот Токио, изразувајќи несогласувања околу цената на трансакцијата.
Покрај ова, централната јапонска влада одговори со официјално одбивање на барањето на градоначалникот на Токио Шинтаро Исихари за посета на група експерти на островите Сенкако за кои се спорат Јапонија и Кина, коишто би спровеле топографско истражување на областа.
Од своја страна, пак, токиските градски власти соопштија дека имаат намера да спроведат истражување на области во морето, доколку не добијат дозвола да се истоварат на островите.
Петте острови Сенкаку (Дјаојујидао) претставуваат спорна територија меѓу Јапонија и Кина. Токио и Пекинг не можат да ја одредат насоката на границата меѓу ексклузивните економски зони околу островите. Јапонија инсистира на исцртување на линијата на поделба во средината на водното пространство, додека Кина бара линијата на раздвојувањето да се помести поблиску до јапонскиот брег.
Јапонија тврди дека островите се нејзина територија од 1895 година, додека во Пекинг потсетуваат дека на јапонските географски мапи од 1783 и 1785 година островите Дјаојујидао се означени како кинеска територија. По Втората светска војна островите биле под контрола на САД и ѝ биле предадени во владеење на Јапонија во 1972 година. На Тајван и во континентална Кина сметаат дека Јапонија ги поседува островите незаконски. Јапонија, од своја страна, тврди дека Кина и Тајван почнале да претендираат на островите во 1970-те години, кога станало јасно дека во оваа област има ресурси од многу минерали.
Спорот околу сопственоста на островите кулминираше во 2012 година. Во август годинава активисти до двете земји се стоварија на островите, што имаше силна поддршка и од граѓаните од двете страни. Досега конфликтот беше надминуван по дипломатски пат./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Медведев: Затворањето на небото над Украина би значело војна со НАТО
По изјавите на полскиот министер за надворешни работи, Радослав Сикорски, дека НАТО размислува за затворање на небото над западна Украина поради честите напади со руски беспилотни летала, првата остра реакција дојде од Русија.
Заменик-претседателот на рускиот Совет за безбедност, Дмитриј Медведев, предупреди дека воспоставувањето зона на забрането летање над Украина и овластувањето на земјите од НАТО да соборуваат руски беспилотни летала би значело директен конфликт меѓу НАТО и Русија.
„Сериозно, спроведувањето на провокативната идеја на Киев и другите идиоти за создавање „зона на забрането летање над Украина“ и дозволување на земјите од НАТО да соборуваат наши беспилотни летала значи само едно: војна на НАТО со Русија“, напиша Медведев на својот Телеграм канал, коментирајќи ја изјавата на Сикорски.
Медведев, исто така, забележа дека „моќната европска иницијатива „Источна стража““ повеќе го забавила отколку што го исплашила. „Се чини дека ова е сè што останало од „коалицијата на оние што се подготвени“, истакна тој.
Тој се осврна и на посетата на естонскиот министер за одбрана Хано Певкур на Киев, додавајќи: „Колку е помала земјата, толку нејзините лидери се посклони кон агресија и глупост“.
Оваа изјава претставува прв отворен одговор на Москва на најавите на НАТО за потенцијално затворање на дел од украинскиот воздушен простор и дополнително ги разгорува тензиите во регионот, укажувајќи на можност за директна конфронтација со сојузниците од Алијансата, според написите во светските медиуми.
Фото: принтскрин
Свет
Лукашенко: Имаме сè за да му нанесеме неподнослива штета на агресорот
Одговорот на Белорусија во случај на директна закана ќе биде молскавично брз, Минск има сè што е потребно за да му нанесе незамислива штета на потенцијален агресор, изјави претседателот на земјата, Александар Лукашенко, во интервју за руските медиуми.
„Секако, го следиме развојот на ситуацијата на западните граници.
Во случај на директна закана, ќе одговориме со молскавично брзина на секој што ќе стапне на белоруска земја. Ако преминат од зборови на дела, ќе имаме со што да возвратиме.
Имаме што е потребно за да му нанесеме неприфатлива штета на агресор. Не им советувам да го тестираат тоа“, нагласи белорускиот лидер.
Лукашенко, исто така, оцени дека непријателската политика на Западот кон Русија и Белорусија не се менува, туку прераснува во отворено агресивна.
Според него, ваквите изјави се лицето на општата политика на Западот кон Белорусија и Русија.
„Најтажно е што оваа политика не се промени.
Поминаа 80 години од крајот на Втората светска војна, а таму, на Запад, тие сè уште ги сметаат нашите земји и нашиот братски сојуз за закана.
НАТО брзо ја вооружува Европа, а Полска и балтичките земји измислуваат наводно заштитни мерки за да им угодат на своите господари.
Една од нив е повлекување од Конвенцијата од Отава и деминирање на границата со Белорусија“, нагласи Лукашенко.
Во исто време, според него, сојузот меѓу Белорусија и Русија е тестиран со текот на времето и сè додека двете земји градат заедничка иднина, тие не можат да го прекинат.
Кога станува збор за решавање на ситуацијата во Украина, белорускиот претседател изјави дека нема алтернатива на мировните преговори за конфликтот, мора да се земат предвид интересите на сите страни, пренесува Спутник.
Лукашенко заклучи дека дијалогот мора да биде отворен и почитуван.
Фото: принтскрин
Свет
Беспилотно летало соборено над зградата на полската влада во Варшава
Безбедносните служби неутрализираа беспилотно летало што леташе над владините згради во центарот на Варшава, а двајца белоруски државјани се уапсени, објави вечерва полскиот премиер Доналд Туск.
„Службата за владина безбедност штотуку неутрализираше беспилотно летало што леташе над владината зграда и над палатата Белведер“, објави Туск на Икс. „Белведер“ е една од официјалните резиденции на полскиот претседател.
„Двајца белоруски државјани се уапсени“, додаде Туск. „Полицијата истражува“.
Инцидентот се случи во време кога Полска е во состојба на зголемена готовност откако група руски беспилотни летала влегоа во воздушниот простор на земјата минатата недела, анализираат медиумите во регионот.
Туск предупреди тогаш дека тоа е „најблиску што сме дошле до отворен конфликт од Втората светска војна“.
Фото: принтскрин
Град Скопје не е надлежно за фабриката во Трубарево, „Вардариште“ е на Гази Баба, кај си да писнеш за УСЈЕ, му порача Арсовска на Ѓорѓиевски
Градоначалничката на Скопје, Данела Арсовска со објава на социјалните мрежи по последните случувања со пожарите во Трубарево, „Дрисла“ и „Вардариште“...
Опожареното место е затрупано со песок за да се спречи понатамошно тлеење на опасни материи, состојбата во Трубарево е под целосна контрола, уверуваат надлежните
Во Министерството за животна средина и просторно планирање денеска се одржа брифинг со медиумите за состојбата по пожарот во складиштето...
Скопјанeц ги убил девојката и татко и во Велес, па се самоубил
Денеска (15.09.2025) во 15:30 часот во СВР Велес е пријавено е дека на ул.,,Кочо Рацин“ во Велес е пронајдено женско...
Нема зголемена радијација во почвата и воздухот по пожарот во Трубарево, соопшти ИЈЗ
Од Институтот за јавно здравје информираат дека се во континуирана координација со Инспекторатот за животна средина, Министерството за здравство и...
Кирков до Арсовска: Знаете ли дека ви изгореа „Дрисла“, „Вардариште“, а Скопје е затрупано со смет кој не го собирате
Советнинкот во Советот на Град Скопје од редовите на ВМРО-ДПМНЕ, Стефан Кирков, со објава на социјалните мрежи ја праша градоначалничката...
Ноќеска Итната помош 13 пати интервенирала во Трубарево, едно лице е пренесено на Токсикологија
Во текот на изминатата ноќ заклучно со попладнево во реонот на Трубарево се извршени 13 интервенции од Итната медицинска помош,...
Повреден 18-годишник, велосипедист во Чаир испукал кон него неколку куршуми и избегал
Ноќеска ургентниот центар на комплексот клиники „Мајка Тереза“ во полиција пријавил дека кај нив е донесен 18-годишник повреден од огнено...
(Видео) Ангелов: Пожарот во Трубарево е целосно изгаснат, состојбата во „Дрисла“ е драстично подобрена
Пожарот во Трубарево е целосно изгаснат, целата опожарена површина е затрупана со песок и земја. Утрово покажуваше на неколку места...
(Видео) Хибридниот напад од странски центри е смешно алиби за неспособност на Мицкоски, вели Филипче
Претседателот на СДСМ, д-р Венко Филипче, денеска силно ги нападна изјавите на премиерот Мицкоски дека државата била цел на хибриден...
За да нема чадење од „Вардариште“, треба да се најде пристоен дом за над 200 луѓе што живеат среде депонијата, а некои од нив потпалуваат, вели Тошковски
Во решавање на проблемот со депонијата „Вардариште“ треба да се вклучат сите институции, да им се најде соодветен дом на...
(Видео) „Дуото Апасиев – Мециновиќ си пикнало во џебот милиони од партијата Левица, а на поддржувачите им велат донирајте ни пари“, вели Манасиевски
„Дуото Апасиев-Мециновиќ си пикнало во џеб милиони од Левица, а на поддржувачите им велат донирајте ни пари. Глумците Апасиев и...
(Фото) Презентирано визуелното решение за новата Универзална сала
Денеска, пред македонската јавност беше презентирано визуелното решение за новата Универзална сала – модерен и функционален објект, кој ќе го...
(Видео) Граѓаните го блокираа мостот „Близнаци“: секој ден без акција значи уште еден ден вдишување отрови
Граѓаните, утрово, од 7.30 часот, еден час ја блокираа крстосницата кај мостот „Близнаци“ помеѓу општините Аеродром и Гази Баба. „Овој...
(Видео) Запленети 204 банкноти и монети за колекционерски цели
Запленети се 204 банкноти и монети за колекционерски цели, чија вредност е проценета на 700 илјади денари. Случајот е откриен...
„Скопје се труе, Изет се крие: од потпретседател на Али Ахмети, заврши како портпарол на Мицкоски“, велат од ДУИ
„Демократската унија за интеграција изразува длабока загриженост за еколошката катастрофа што го погоди главниот град по избувнувањето на пожарот во...
„Доста беа приказни, за еколошката катастрофа во Скопје мора да има политичка и кривична одговорност“, велат од СДСМ
„Македонија има неспособна власт која раскажува приказни додека горат депонии и фабрики, а граѓаните ја плаќаат цената со сопственото здравје....
Двајца претепале човек во Паркот на жената борец: починал во болница, Обвинителството бара притвор
Јавен обвинител од Основното јавно обвинителство Скопје донесе Наредба за спроведување истражна постапка против две лица за кои постои основано...
Побаран притвор за четири лица во врска со пожарот во Трубарево
Скопското Обвинителство поведе постапка против четири лица поради сомнение за загрозување на животната средина и природата со отпад, во врска...
Се користи специјална пена врз песокта за да се доизгасне чадењето во Трубарево
Од опожарениот простор во Трубарево моментално има слабо чадење само од неколку места кои веќе се затрупани, информира директорот на...
Онлајн настава една недела во четири училишта во Гази Баба поради пожарот во Трубарево
Министерството за образование и наука информира дека наставата во основните училишта „Крум Тошев“, „Његош“, „Вера Јоциќ“ и „Наум Наумовски Борче“...
