Градскиот суд во Москва во понеделникот ја одложи до 10-ти октомври расправата по жалба против пресудата на членките на женската панк група Pussy Riot кои беа осудени на две години затвор за хулиганство во соборниот московски храм „Христос Спасителот“.

Оваа одлука е поврзан со тоа што една од обвинетите, Екатерина Самуцевич, се откажа од услугите не својата адвокатка, Виолета Волкова, со образложение дека има разијдување во нивните ставови за процесот. За што точно не се согласуваат клиентот и адвокатот, Самуцевич не појасни, меѓутоа побара да и’ се овозможи во процесот да ја застапува нов бранител, пренесува РИА Новости.

Другите обвинети во случајот не се противеа на промена на бранителот, објаснувајќи дека го „почитуваат ставот на Самуцевич“. Одбраната на обвинетите, исто така, не била против.

Од друга страна, оштетените сметаат дека промената на адвокатката е планирана акција со цел да се добие во време. Адвокатите на оштетените потсетуваат дека тоа е „пресилен и смешен изговор“ за одложување, што го користи одбраната на обвинетите во момент на разгледување на делото. Заштита на оштетените, исто така, истакнува дека, според адвокатскиот кодекс, бранителот мора да ги разделува ставовите со својот клиент, „за да не му се случи нешто чудно и смешно“.

Сепак, обвинителот сметаше дека со цел да се обезбеди заштита на правата Самуцевич, рочиштето треба да се одложи.

Судот и’ даде можност на Самуцевич да ангажира нов адвокат во процесот, а со тоа и заседанието на апелационата истанца се одложува за десет дена.

На 21-и февруари пет фанови и членките на Pussy Riot носејќи маски се втурнале во проповедалницата каде што е забранет влезот за несвештени лица и дошле до олтарот. Тие вклучиле засилувач и почнале да извикуваат навреди за свештенството и верниците, повикувајќи ја во нивната „панк молитва“ Мајката Божја да го земе кај себеси претседателот Владимир Путин. Тие тогаш не беа уапсени, но против нив беше подоцна подигнато обвинение за хулиганство. Видео од нивниот „настап“ беше објавен на интернет и предизвика голема јавна осуда во Русија.

Московскиот суд на 17-ти август го осуди 22-годишната Надежда Толоконикова, 24-годишната Марија Алохина и 30-годишната Екатерина Самуцевич ги проглас виновни и ги осуди на двегодишни затворски казни поради „хулигантство поттикнато од верска омраза“. Обвинителството бараше казна од најмалку три години затвор, додека максималната казна за вакви дела во рускиот правосуден систем изнесува седум години. Сепак, се смета дека на девојките може да им биде и пресудена, условна а не реална затворска казна.

Процесот Pussy Riot имаше силен одек во светот и пресудата предизвика силни критики од западните земји.Советодавната комисија за човекови права на Кремљ ја критикуваше кон крајот на август пресудата за трите членки на руската панк група Pussy Riot на двегодишни затворски, поставувајќи ги прашањата зошто обвинетите се осудени на идентични казни, а две од нив имаат малолетни деца? Зошто не им се одредени условни казни? Толоконикова има четирогодишна ќерка, а Алхина е самохрана мајка на петгодишен син.

Руската православна црква се заложи за благост при изрекувањето на пресудата, но сепак нагласи дека не ја доведува во прашање легитимноста на одлуката на судот.

Самиот претседател Путин на почетокот од август изјави дека не е за строго казнување на трите девојки од панк групата Pussy Riot. „Тоа што го сторија не е добро. Сепак, не мислам дека треба престрого да им се суди за она што го сториле“, изјави Путин како реакција на овој случај./крај/мф/сн