Свет
Стотици илјади приврзаници на митингот на кандидатот на опозицијата во Венецуела
Стотини илјади приврзаници на венецуелскиот опозициски лидер Енрике Каприљес се собраа во неделата навечер во центарот на главниот град Каракас на големиот митинг, една седмица пред претседателските избори со сегашниот левичарски претседател Уго Чавез.
Со повиците „Пријателу Чавез, ти преостанува само уште една седмица“, опозицискиот кандидат Енрике Каприљес во комбе дефилираше долж авенијата и го поздравуваше насобраните приврзаници.
Каприљес рече дека станува збор без секакво сомнение за најголем собир во историјата на Каракас и ги повика сите Венецуелци да ги оценат резултатите од годините во кои на власт е Уго Чавез и да се определат за промени.
Според последните испитувања на јавното мнение за претседателските избори на 7-ми октомври, актуелниот претседател Уго Чавез е во предност со повеќе о д49 отсто од гласовите, додека за Енрике Каприљес би гласале 39 отсто, близу 12 проценти од испитаниците се неодлучни.
Опозицијата во Венецуела на предизборите во февруари годинава го избра 40-годишен адвокат Енрике Каприљес за свој единствен кандидат кој ќе се соочи со актуелниот претседател Уго Чавез.
Енрике Капиљес, гувернер на сојузната држава Миранда, втората по бројот на население и најбогата федеративна единица на Венецуела, доби 62,2 отсто од гласовите во однос на неговиот главен противкандидат Пабло Перез за кого гласаа 29 отсто од поддржувачите на венецуелската опозиција.
На предизборите што ги организираше опозицијата учествувале малку помалку од три милиони гласачи, или 16 отсто од вкупното избирачко тело во Венецуела, додека аналитичарите претходно сметаа дека и одѕив од 10 отсто би претставувал значаен успех за опозицијата.
Првпат венецуелската опозиција, којашто инаку традиционално е меѓусебно непомирлива, организираше предизбори за избор на свој претседателски кандидат.
„Не е време на десницата или на левицата, времето е за сите Венецуелци“, изјавил Каприљес во својот говор по изборот за претседателски кандидат ветувајќи дека „ќе ја обедини земјата“.
Големиот фаворит на претседателските избори во Венецуела, Чавез изјави дека нему му е сеедно дали ќе се соочи со еден или со повеќе противници додавајќи дека тој има намера да остане на власт до 2031 година./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Блинкен пристигнува во Израел, седми пат од почетокот на војната
Американскиот државен секретар во вторник ќе го посети Израел, седми пат по нападот на палестински Хамас на 7 октомври врз јужен Израел и војната што следеше со израелскиот одговор во Појасот Газа.
Јавниот сервис Кан објави дека Блинкен ќе дојде во Израел за да разговара за најавената операција на израелската армија во Рафах, како и за напорите да се обезбеди пауза во борбите и да се ослободат повеќе од 100 заложници кои ги држеше Хамас.
Блинкен моментално е во посета на Кина.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.
Европа
Уапсен украински министер
Украинските антикорупциски тела денеска го уапсија министерот за земјоделство Микола Солски. Судот на министерот му изрече превентивна мерка притвор во траење од 60 дена, до 24 јуни. Сепак, Солски ќе биде ослободен од притвор доколку плати кауција од 75,7 милиони гривни (околу 1,7 милиони евра).
Обвинителството побара притвор поради ризик од попречување на истрагата, влијание врз сведоци и бегство. Тие истакнаа дека Солски во текот на вонредната состојба неколку пати ја минувал границата.
Адвокатот одговори дека Солски ја преминал границата поради службени патувања, освен во еден случај кога заминал на договорено отсуство. Тој се осврна и на тоа дека Солски како функционер може да патува во странство само со согласност на премиерот. Тој исто така изјави дека нема докази дека Солски би можел да се меша во истрагата или да влијае на сведоците.
Солски вчера понуди оставка откако беше осомничен за вмешаност во незаконско стекнување државно земјиште. Обвинителите тврдат дека Солски бил фатен дека поседува државно земјиште во вредност од 291 милион гривни и дека се обидел да добие друго земјиште во вредност од 190 милиони гривни.
Солски ги негира обвиненијата, за кои обвинителите велат дека се однесуваат на настани од 2017 до 2021 година, пред да стане министер за земјоделство во март 2022 година. Солски е еден од најбогатите функционери во администрацијата на претседателот Володимир Зеленски.
Ако плати кауција, ќе мора да ја предаде својата обврзница на властите и нема да му биде дозволено да разговара со други осомничени и сведоци во случајот.