Свет
Кака Каладѕе во новата влада на Грузија
Поранешниот грузиски фудбалски репрезентативец и долгогодишен член на италијански Милан. Кака Каладѕе е најпознатото име за пошироката европска јавност во новата влада на новиот премиер Бидзан Иванишвили.
Коалицијата Грузиски сон на милијардерот Бидѕан Иванишвили победи на неодамнешните парламентарни избори во Грузија пред досега владејачката коалиција Обединето национално движење на претседателот Михаил Саакашвили. Грузински сон освои 83 места, додека простанатите 67 мандата од 150-члениот грузиски парламент му припаднаа на Обединетото национално движење.
Иванишвили во понеделникот го објави составот на својата влада, којашто ќе ја предводи како премиер, а којашто претставува комбинација од либерали и радикални националисти коишто се обединија за да се спротистават на автократијата на Саакашвили. Се очекува дека новата влада ќе стапи на должност во текот на октомври, кога ќе го добие мандатот во парламентот.
На Иванишвили и Саакашвили им следи кохабитација долга најмногу една година, колку што уште преостанува од претседателскиот мандат на Саакашвили.
Така, Кака Каладѕе кој одигра 83 настапи за фудбалската репрезентација на Грузија, и ја предводеше изборната листа на Грузиски сон како претставник од листата на партијата Демократска Грузија на Иванишвили, која е најголемата во владејачката коалиција, ќе биде вицепремиер и министер за регионален развој и инфраструктура.
Според списокот што е доставен до грузиските медиуми во понеделникот, министер за одбрана и вицепремиер на владата на Грузија ќе биде лидер на партијата Наша Грузија – Слободни демократи, Ираклиј Аласанија, министерот за правда е кандидат за пратеник од Грузиски , Теја Цулукиани, шеф на грузиското МВР ќе е еден од лидерите на Грузиски сон, и менаџер на фондот „Cartu“, Ираклиј Гарибашвили, министер за санкции, поранешниот јавен правобранител Созар Субари, министер за надворешни работи ќе биде портпаролот на коалицијата Маја Панџикидѕе, за државен министер за европска интеграција е предложен активистот коалиција, претставникот на партијата Наша Грузија – Слободни демократи, Алекси Петриашвили, за министер за земјоделие е поранешниот министер за земјоделство и храна (во времето на претседателот Едуард Шеварднаѕе) Давид Кирвалидѕе, министер за здравство треба да биде поранешниот министер за труд, здравство и социјална заштита на Грузија (исто така во времето на Шеварднаѕе) Амиран Гамрелидѕе, должност на прв човек на грузиската централна банка треба да ја преземе директорот на банката „Cartu Bank“, Нодар Јавакишвили.
Должноста министер за култура и заштита на спомениците на културата би требало да ја извршува писателот Гурам Одишрарија, а за функцијата министер за спорт и млади е – предложени од Леван Кипина, син на поранешниот славен грузиски фудбалер Давид Кипиани, а на местото на државен секретар за прашања на за дијаспората конкурира Сургуладѕе, претставник на партијата Нашае Грузија – Слободни демократи.
На функцијата јавниот обвинител е предложен адвокатот Арчил Кбилашвили, а на должноста државен секретар за реинтеграција (разрешување на конфликти) е предложен политикологот Паат Закареишвили, претставника на Републиканската партија.
За претседател на грузискиот парламент е предложен лидерот на Републиканската партија Давид Усупашвили, а на местото за негов заменик, Маја Конихидзе, од партијата Грузиски сон – Демократска Грузија.
Притоа Иванишвили како нагласил дека кандидатите за ресорите за економија и одржлив развој, за образование, за прашање на бегалците, за финансии и за екологија и природни ресурси ќе бидат предложени следните денови./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Силно невреме во Австрија, уништени автомобили
Силно невреме денес предизвикало значителни штети во некои места во Тирол, Австрија. Во округот Швац и поширокиот регион Кицбил биле потребни повеќе интервенции од противпожарните служби, додека во Фиген во Цилертал е забележано силно невреме проследено со град.
Додека низ Фиген течеле надојдени потоци, град искршил бројни автомобилски стакла. На повеќе локации во општината, по попладневното невреме останал слој град дебел неколку сантиметри, кој морал да се отстранува со лопати, а на места и со багери.
Heavy rainfall and flash floods in Tyrol – Austria 🇦🇹 a short while ago 🚨❄️
26-6-2025
📍Fügen, Tyrol ⛈️⛈️Austria pic.twitter.com/4N8DHUTA5E
— sustainme.in®️ (@sustainme_in) June 26, 2025
26-6-2025
📍Fügen, Tyrol ⛈️⛈️Austria pic.twitter.com/3IWooZCjh9— sustainme.in®️ (@sustainme_in) June 26, 2025
Во регионите Пил и Вер паднале повеќе дрвја поради силниот ветер. Во доцните попладневни часови пожарникарите биле повикувани на повеќе интервенции во поширокиот регион на Кицбил, каде што имало навлегување на вода во објекти.
https://twitter.com/i/status/1938261420191211821https://twitter.com/i/status/1938261420191211821
Невреме имаше и во Франција. Две лица загинаа во Франција за време на силните бури што ја погодија земјата по период на екстремни горештини, објавија локалните медиуми повикувајќи се на властите. Во департманот Тарн-е-Гарон на југот на Франција, 12-годишно момче загинало кога врз него паднало дрво додека со семејството се обидувало да се засолни, јави телевизијата BFMTV. Во едно село на северозападот од Франција, возач загинал откако удрил во дрво кое паднало преку патот, јави телевизијата Ici.
‼️39,000 lightening strikes⚡️⚡️
🔴Two killed as floods smash France!🔴In a few seconds, the Eiffel Tower disappeared from sight… Thick clouds and rain obscured the Eiffel Tower#France #BreakingNews pic.twitter.com/LpRmvc3hw9
— Bliss.Of.Yemen (@royaldoc3) June 26, 2025
Во многу делови од Франција температурите се искачиле значително над 30 степени Целзиусови, по што следеле грмежливи бури. Ударите на ветер достигнувале и до 120 километри на час, што предизвикало предупредување за опасни временски услови во 57 департмани.
Во Париз, премиерот Франсоа Бајру ги повикал жителите на погодените подрачја на особено внимание. Според BFMTV, силниот дожд предизвикал навлегување на вода во зградата на парламентот додека пратениците заседавале.
Lots of storm damage in Paris, France tonight…pic.twitter.com/cuym5BSAXs
— Volcaholic 🌋 (@volcaholic1) June 25, 2025
На врвот на Ајфеловата кула се измерени ветрови со брзина од 112 километри на час. Обилните врнежи поплавиле многу метро-станици и предизвикале проблеми во сообраќајот во главниот град. Температурата во Париз паднала за 11 степени за само 20 минути.
Свет
Путин за ситуацијата на Блискиот Исток: Се смирува
Рускиот претседател Владимир Путин денес изјави дека ситуацијата на Блискиот Исток се смирува и дека конфликтот меѓу Иран и Израел е минато.
„Сега ситуацијата на Блискиот Исток се смирува, и конфликтот меѓу Израел и Иран, фала му на Бога“, рече Путин на пленарната сесија на Евроазискиот економски форум (ЕАЕУ) во Минск.
Тој изјави дека ЕАЕУ е отворена за соработка со сите заинтересирани партнери.
„Нашето здружение е секогаш отворено за соработка со сите заинтересирани странски партнери. Активно развиваме заемно корисни врски со земјите од Евроазија, Африка, Латинска Америка, зајакнувајќи ги контактите со мултилатералните структури… тоа се БРИКС, ЗНД, ШОС, АСЕАН, Африканската унија и други“, рече Путин.
Минск оваа година ќе претседава со ЕАЕУ (во која членуваат Русија, Белорусија, Казахстан, Ерменија и Киргистан).
Евроазискиот економски форум, кој се совпаѓа со состанокот на Врховниот евроазиски економски совет, се одржува во Минск од 26 до 27 јуни.
Свет
Тинејџерка со сведоштво за терористичкиот напад во црква во Сирија: Секој тука е нечиј роднина
Повеќе од 20 лица загинаа, а 50 беа повредени во терористичкиот напад во православната црква Свети Илија во Дамаск, што се случи во неделата за време на литургијата.
Меѓу луѓето што биле во црквата тој ден е и студентката Ана (19), која вели дека во таа христијанска заедница сите се поврзани и дека трагедијата ги шокирала.
„Секој овде е нечиј роднина. Кога едно лице умира, се чувствуваме како сите да губиме дел од себе. Експлозијата нè потресе сите. Видов млади мажи, соседи, како скокаат да ја спречат, но не можеа. Луѓето беа во шок кога се случи, многу од жртвите беа жени што ги гледав во црква секоја недела“, рече Ана.
После тоа, семејствата во Двела, сиромашна населба што веќе се соочуваше со сериозни економски тешкотии, беа принудени да собираат донации преку групни фондови само за да ги погребаат своите роднини и пријатели. На место каде што верата и сиромаштијата одат рака под рака, тагата доаѓа со висока цена.
Ана рече дека имало инциденти во областа што му претходеле на нападот.
„Само пред неколку месеци, кога автомобил застанал пред истата црква што промовирала исламски прозелитизам, жителите реагирале бурно, бркајќи ја групата, а видеа од конфронтацијата подоцна се појавиле на интернет. Оттогаш, членовите на заедницата се соочувале со закани на социјалните медиуми“, рече таа.
По нападот од 22 јуни, сириската влада реагираше брзо. Претседателот Ахмад ал-Шара го осуди нападот.
„Ветуваме… дека ќе работиме дење и ноќе, мобилизирајќи ги сите наши специјализирани безбедносни агенции, со цел да ги уапсиме сите оние кои учествувале и го планирале ова гнасно злосторство и да ги изведеме пред лицето на правдата. Нападот нè потсетува на важноста на солидарноста и единството на владата и народот во лицето на сè што ја загрозува безбедноста и стабилноста на нашата нација“, додаде тој.
Министерството за внатрешни работи подоцна ја обвини Сараја Ансар ал-Суна за бомбардирањето, „спиечка“ ќелија поврзана со групата Исламска држава, покренувајќи прашања за нејзиното потекло, мотиви и потенцијални врски со други џихадистички мрежи.
Министерството соопшти дека ќелијата е откриена во рации спроведени во соработка со военото разузнавање.
.
Мицкоски: Финансиската полиција за 9 месеци откри криминали од 30 милиони евра што е доказ дека расчистуваме со криминалот
Финансиската полиција за 9 месеци откри криминали од 30 милиони евра што е доказ дека расчистуваме со криминалот, и правиме...
(Видео) Арсовска: Според документите на Ганиу, 11-годишно дете ја изградило 12-катницата во Чаир и поднело барање на нотар, ова е криминал
Документи со 20 случаи за незаконски легализации на дивоградби во Општина Чаир се поднесени до Основното јавно обвинителство за гонење...
Од 1 јули целосна забрана за движење во шумите
Министерството за земјоделство, шумарство и водостопанство по барање на ЈП Национални шуми – Скопје, согласно член 57, став 3 од...
(Видео) Филипче до Мицкоски: За јазикот и идентитетот никогаш не се преговарало, тие се потврдени со документи во ЕУ
На денешната седница на пратенички прашања, претседателот на СДСМ Венко Филипче со предупредување до премиерот Мицкоски и Владата во врска...
Мицкоски до Филипче: Зошто преговаравте за македонскиот идентитет и јазик, ние ќе сториме сѐ да ја внесеме Македонија во ЕУ
Претседателот на Владата, Христијан Мицкоски на денешната собраниска седница за пратенички прашања потенцираше дека Владата ќе стори сѐ да ја...
Топлотни бранови низ целиот свет: „Многу е рано, не изгледа добро“
Поради неподносливата топлина, Торонто одлучи да ги држи своите градски базени отворени речиси до полноќ. Британците масовно бегаат кон брегот....
Синдикат на култура: Работници немаат добиено плата за мај, инструкции се даваат по телефон
Две институции од областа на културата, НУ Стоби и ЈУ Универзална сала, немаат плата за мај. Причината лежи во тоа...
Поднесено обвинение за таткото од Драчево кој ја тепаше крвнички неговата четиригодишна ќерка
Обвинителството поднесе обвинение против таткото од скопско Драчево кој крвнички ја тепаше неговата четиригодишна ќерка. „Обвинетиот, на 21 јуни, вршејќи...
Халкидики: Се удави 19-годишен турист од Северна Македонија
Деветнаесетгодишно момче од Македонија се удави во вторникот попладне на централната плажа во Ханиоти на Халкидики, објави halkidikinews. Според извештајот...
Белата куќа: Иран не го преместил збогатениот ураниум пред нападот
Администрацијата на американскиот претседател, Доналд Трамп, ја отфрли хипотезата дека Иран го преместил високо збогатениот ураниум пред американските напади. Доналд...
Бугарскиот премиер: Целта на Северна Македонија е членство во ЕУ, а не освојувaње на Вавилон
Бугарскиот премиер Росен Жељазков разговараше со претседателката на Република Македонија Гордана Силјановска за време на самитот на НАТО во Хаг,...
Сиљановска-Давкова: Куса средба со Трамп – симболичен гест на почит и партнерство
Претседателктата Гордана Сиљановска-Давкова на маргините на самитот на НАТО во Хаг се сретнала со американскиот претседател Доналд Трамп. „Кратка средба...
Институциите до работодавачите: Да се работи од далечина каде што е изводливо, работниците да не бидат надвор од 11 до 17 часот
Министерството за економија соопшти дека во согласност со усвоената Информација за спроведување на мерки од Фаза 3 на Акцискиот план...
Адвокатот на Ѓорчевски: Нема одговор зошто беше киднапирана и убиена Вања, и зошто се инсистираше татко и’ да е дел од постапката
Владимир Туфегџиќ – адвокатот на таткото на убиената Вања Ѓорчевска, Александар Ѓорчевски ја коментираше денешната ослободителна пресуда за неговиот клиент,...
Обвинителството ќе се жали на ослободителната пресуда за таткото на Вања
Обвинителството ќе се жали на ослободителната пресуда за Александар Ѓорчевски, татко на убиената Вања Ѓорчевска, кој беше обвинет дека помагал...
Трамп: Ако не ги уништeвме нуклеарните комплекси на Иран, тие никогаш немаше да се согласат на мир
Претседателот на САД, Доналд Трамп, на прес-конференција за време на самитот на НАТО во Хаг изјави дека американските воздушни напади...
Доживотен затвор за убиството на Вања и Панче, таткото ослободен од обвинение
Кривичниот суд пресуди доживотен затвор за Љупчо Палевски, Боре Видевски, Велибор Манев, Влатко Кешишов за грабнување и за убиството на 14-годишната Вања...
Белата куќа: Извештајот за нападот врз Иран на „Си-ен-ен“ му го даде анонимен губитник од низок ранг
Американските медиуми објавуваат дека првичната проценка направена од Агенцијата за разузнавање на Министерството за одбрана на САД (DIA) покажала дека...
Американски разузнавачки служби го открија извештајот: Нападите не ја уништија нуклеарната програма на Иран
Нападите на американската војска врз три ирански нуклеарни објекти минатиот викенд не ги уништија клучните компоненти на нуклеарната програма на...
Евакуирани македонски државјани од Израел, мајка и три деца слетаа во Атина
Министерството за надворешни работи и надворешна трговија информира дека вчера беше реализирана евакуација на четири македонски државјани, односно едно семејство...
