Потрошувачката за рекламирање во американската претседателска кампања досега надмина 800 милиони долари, а со тоа темпо до изборите ќе се стигне до милијарда долари, извести во четвртокот телевизиската мрежа NBC анализирајќи ги податоците за откуп на рекламниот простор SMG Delta.

Досега 807 милиони американски долари се потрошени на политички огласи за радио и телевизија, за локални и национални мрежи и кабелско и земско емитување.

Изборниот штаб на актуелниот претседател и демократски кандидат Барак Обама потрошил речиси 300 милиони долари, а заедно со Комитетот за политичка акција (super PAC), Приоритетите на САД и другите групи што го поддржуваат, вкупно 352 милиони долари.

Изборниот штаб на неговиот републикански противкандидат Мит Ромни потрошил 164 милиони долари, а заедно со групите за поддршка вкупно 455 милиони долари.

Комитетите за политичка акција којшто го поддржуваат Ромни, на чие чело е Карл Ров, поранешен стратег за избори на поранешниот американски претседател Џорџ В, Буш, „Американски крстосници“ и „Крстосниците GPS“ во рекламирањето вложиле 124 милиони долари. Само минатата седмица „Американските крстосници“ откупиле рекламен простор за 11 милиони долари.

Другите големи огласувачи во кампањата на Мит Ромни се комитетите за политичка акција се „Да ја обновиме нашата иднина“ со 69 милиони, Американците за благосостојба со 46 милиони и Американците за безбедност на вработувањето со 9 милиони долари, како и Републиканскиот национален комитети (RNC) со 24 милиони долари.

Сојузните држави во коишто најмногу се троши на рекламирање се оние со најмногу избирачи и електори меѓу државите со неизвесен исход на изборите, како Флорида, Охајо и Вирџинија, каде се потрошени половината од вкупните средства – 452 милиони долари.

Во последните три седмици Охајо и’ се приближи на Флорида на челното место, која и натаму води со 166 милиони долари, а следи Охајо со 160 милиони и Вирџинија со 126 милиони долари. /крај/мф/сн