Надежите за спасување на руската планинарка Наталија Наговичина, која е заробена на планина во Киргистан 12 дена, полека бледнеат откако спасувачките операции беа прекинати поради влошување на временските услови.

На 12 август, Наговичина ја скрши ногата додека се спушташе од врвот на Џенгис Чокусу, познат и како Врв на победата. Тоа е највисоката планина на ланецот Тјаншан на границата меѓу Киргистан и Кина, висока 7.439 метри.

Search for #RussianMountaineer #NataliaNagovitsina, abandoned. Struck up at VictoryPeak, 22,965 feet, at #Kyrgyzstan with an injured leg. At -23° she is exposed to hypothermia, with last seen 3 days back via drone. Trying to save her, #ItalianMountaineer,Luca Sinigaglia died. pic.twitter.com/5Thy3P3rDf

— Dr. Subhash (@Subhash_LiveS) August 24, 2025

Министерството за вонредни ситуации на Киргистан потврди за CNN дека искусната планинарка оттогаш останала заробена и покрај повеќекратните обиди за спасување.

Група планинари успеа да стигне до неа веднаш по несреќата и да достави некои залихи, но евакуацијата не беше можна во тоа време поради екстремните услови. Италијанскиот планинар Лука Синигалија загина за време на тие обиди, а неговото тело сè уште не може да се симне од планината поради бурата, објави италијанското Министерство за надворешни работи.

Врвот на победата е познат како еден од таканаречените врвови на „Снежен леопард“, пет планини повисоки од 7.000 метри на територијата на поранешниот Советски Сојуз. Искачувањата таму се многу тешки, а сезоната на искачување е многу кратка поради екстремниот студ и суровите временски услови.

Сопругот на Наталија, Сергеј Наговичин, го загуби животот на експедиција на вториот врв на „Снежниот леопард“, врвот Кан-Тенгри. За време на тоа искачување, Наталија одби да го напушти сопругот додека не пристигнат спасувачите.

Патнички авион што превезуваше руски туристи до Санкт Петербург беше принуден да слета во Естонија вчера по украинскиот напад со беспилотно летало врз Русија.

„Авионот беше пренасочен кон Талин бидејќи не можеше да слета на аеродромот Пулково поради неговото привремено затворање“, потврди Маргот Холтс, раководител на комуникациите и маркетингот на аеродромот во Талин.

Во ноќта од сабота кон недела, украински беспилотни летала погодија гасен терминал во регионот Ленинград и рафинерија за нафта во регионот Самара. Извор во Службата за безбедност на Украина потврди за „Киев Индепендент“ дека разузнавањето стои зад нападот врз терминалот за течен природен гас во регионот Ленинград.

Авионот, управуван од египетскиот превозник „АлМасрија Јуниверсал Ерлајнс“, полетал од Шарм Ел Шеик и слетал во Талин во 5:33 часот по локално време. Тој го продолжил своето патување кон Санкт Петербург речиси шест часа подоцна.

Според Холтс, на патниците и екипажот не им било дозволено да го напуштат авионот додека биле на аеродромот во Талин.

Украинските напади со беспилотни летала, кои сè повеќе го нарушуваат цивилниот воздушен сообраќај во Русија, се дел од пошироката украинска стратегија за поткопување на руската логистика далеку над линиите на фронтот. Во првите месеци од 2025 година, украинските напади со беспилотни летала наводно ја принудиле Русија да затвори аеродроми повеќе од 200 пати.

фото: принтскрин

Финскиот претседател Александер Стаб верува дека во тековните преговори за завршување на војната, Русија намерно поставува барања што се неприфатливи за другата страна. Во интервју за „Фокс њуз“, Стаб изјави дека Кремљ спроведува „типични руски преговарачки тактики“.

„На почетокот кажувате едно, а потоа почнувате да се повлекувате. Тоа се случува цело време“, предупреди тој. Во гостување на американскиот телевизиски канал, Стаб нагласи дека е многу важно американската публика да разбере што значат руските територијални претензии.

„Ако го земете она што Путин го бара од Украина и го споредите со Соединетите Американски Држави, тоа е безмалку како Соединетите Американски Држави да се откажат од Флорида, Џорџија, Јужна Каролина, Северна Каролина, Вирџинија, дури и Мериленд, и да создадат еден вид суперавтопат што можете да го користите за напад врз Њујорк. Значи, тоа е сосема неприфатливо. Тој го знае тоа, но продолжува да го бара“, рече тој.

Тој потсети дека Русија се обидува да го окупира целиот Донбас од 2014 година и сè уште не успеала. „Путин има 75% од Донбас, но му требаа 12 години, а 50% од тоа дојде веднаш на почетокот. Значи, тој навистина напредува малку по малку“, рече тој.

Претходно, медиумите објавија дека за време на разговорите во Белата куќа на 18 август, украинскиот претседател Володимир Зеленски и европските лидери го споредија предавањето на дел од Донецката област на Русија со тоа како САД да се откажат од дел од Флорида.

Фото: ЕПА