Свет
Иран го осуди нападот во Бејрут, го обвинува Израел
Иран во саботата го осуди нападот во кој загина шефот на разузнавачките служби на либанската полиција во главниот град Бејрут. Либан, обвинувајќи го Израел дека стои зад нападите коишто либанската опозиција ги припишува на властите во Дамаск, сојузник на Техеран.
„Иран ја осудува терористичката експлозија која ја изведоа оние кои сакаат да предизвикаат поделби меѓу различните либански групи, на штета на интересите на Либан“, изјави портпаролот на иранското министерство за надворешни работи, Рамин Мехманпараст на официјалната интернет страница на министерството.
„Без сомнение, главниот непријател на либанскиот народ е ционистичкиот режим (Израел – з.р.) кој најмногу профитира од нестабилноста и недостигот од безбедност во регионот“, додава Мехманпараст.
Министерот за надворешни работи на Иран, Али Акбар Салехи ги обвини „непријателите во регионот“ дека „настојуваат да ги зголемат несигурноста за да ги остварат своите злонамерни цели“, во телефонскиот разговор од петокот навечер со неговиот либански колега Аднан Мансур.
Убиениот директор на разузнавачките служби на Внатрешните безбедносни сили (FSI), Висам ал-Хасан, беше сунитски муслима близок на поранешниот либански премиер Саад Харири, лидер на либанската опозиција која се спротиставува на сирискиот режим. Харири, пак, го обвини Дамаск дека стои зад овој атантат./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Русија потврди дека извршила напад врз украински воени и енергетски објекти
Руското Министерство за одбрана соопшти денеска дека Москва синоќа извршила напад врз украинските воено-индустриски и енергетски објекти како одговор на тоа што го нарече „терористички напади“, објавија светските агенции.
„Како одговор на терористичките напади на Украина врз цивилни објекти на руска територија, синоќа вооружените сили на Руската Федерација извршија напад со високопрецизно оружје и беспилотни летала врз претпријатија од воено-индустрискиот комплекс на Украина и енергетски објекти кои го обезбедуваат нивното работење. Целите на нападот се исполнети. Сите целни објекти се погодени“, се вели во соопштението на министерството.
Во меѓувреме, Каспискиот козорциум за гасовод (КТК) денеска соопшти дека ги прекинал своите операции откако неговото пристаниште во Русија на брегот на Црното Море било сериозно оштетено во напад од украински воени беспилотни летала.
Свет
162 лица загинаа во поплавите во јужен Тајланд
Портпаролот на тајландската Влада, Сирипонг Ангкасакулкиат денеска изјави дека 162 лица го загубиле животот во поплавите во јужен Тајланд, пренесуваат агенциите.
Околу еден милион домаќинства и повеќе од три милиони луѓе се погодени во поплавите во 12 провинции во јужен Тајланд предизвикани од обилните дождови во последните неколку дена.
Тајландскиот премиер Анутин Чарнвиракул претходно прогласи вонредна состојба во провинцијата Сонгкла. Поплавите го погодија и најголемиот град во јужен Тајланд, Хат Јаи.
Свет
Без струја останаа повеќе од 600.000 луѓе по руските напади во Украина
Повеќе од 600.000 луѓе останаа без електрична енергија во Украина по руските напади со ракети и беспилотни летала, соопшти украинското Министерство за енергетика.
„Како резултат на нападите, повеќе од 500.000 потрошувачи во Киев и повеќе од 100.000 потрошувачи во неговиот регион останаа утринава без електрична енергија“, наведе Министерството.
Како што беше додадено, речиси 8.000 луѓе во регионот на Харков останаа без електрична енергија. Нападите започнаа синоќа и продолжија утрово.

