Милиони шиите се собраа во неделата во ирачкиот свет град Карбала на одбележување на Апура, шиитскиот празник на оплакување на смртта на имамот Хусеин, каде засега не е забележан ниеден напад.

Масите аџии се удираа во градите, а некои се удираа и со сабји по главите додека го оплакуваа имамот Хусеин, внук на протокот Мухамед убиен околу 680 година чие осакатено тело почива во Кербала, 100 километри јужно од ирачката престолнина Багдад.

Преку звучниците поставени околу мавзолејот еден од присутните ја повтори приказната за борбата во која загинал имамот, што секоја година предизвикува болни воздишки кај масата облечена во црнина.

Потоа аџиите во ритуален трк тргнуваат кон мавзолејот удирајќи се по главите во знак на жалост со повиците „Ние се жртвуваме за тебе Хусеин“.

Гувернерот на покраината Кербала, Амал ал-Дин ал-Хар изјави дека светиот град годинава во Ашура примил околу три милиони аџии, од кои 200 илјади од странство.

Околу 300 илјади припадници на безбедносните сили се распоредени на влезовите на градот, изјави командантот на безбедносните операции во Карбала. Шиитските аџии кога се движат кон градот или од него, често се цел на напади изведувани од страна на сунитските екстремисти.

Празнувањето на празникот Ашура во последните неколку години го одбележија со крвави терористички напади. На пример, во Ирак на овој ден речиси традиционално се извршуваат напади од сунитите против шиитите. Минатата година во серијата напади само на празникот беа убиени 28 а ранети 78 аџии.

Годинава околу 2.400 воени и полициски возила ќе ги следат или ќе ги превезуваа аџиите. За разлика од нападите претходно седмицава во неделата преку денот не беше регистриран ниеден напад.

Имамот Хусеин и неговиот брат Абаз и нивните 70 приврзаници се убиени во 680 година во Карбала во битка со војниците на Омајадскиот калиф Јазид. Жените и сестрите на убиените од војниците на Јазид биле земени со нив во Дамаск. Таму, на калифот заедно со нив му била донесена и главата на Хусеин. На 40-от ден по смртта на имамот Хусеин, неговата сестра Зејинаб се вратила во Карбала од Дамаск, носејќи ја со себе главата на нејзиниот брат која ја закопала во неговиот гроб.

На крајот од ноември или почетокот од декември шиитските муслимански верници почнуваат со славењето на празникот Ашура, годишнината од смртта на имамот Хусеин, внукот на пророкот Мухамед. Во муслиманската традиција, на денот на Ашура верниците се потсетуваат на најзначајните настани од религиозна историја на муслиманите: создавањето на небесата, земјата и морето, раѓањето на Адем (Адам); излегувањето на пророкот Нух (Ное) од ковчегот; одлуката на пророкот Ибрахим (Авраам) да го жртвува својот син Исмаил (во библиска традиција – Исак), ставање крај на страдањето на пророкот Ајуб (Јов); спасението на Муса (Мојсеј). На овој ден, шиите организираат процесии во кои учесниците се удираат со тупаници во градите како и нанесувајќи си повреди со удари со синџири и со остри предмети. Самоказнувањето е персонификација на посветување на верните, еден вид барање искупување за вината за неуспехот да се заштити од смртта имамот Хусеин./крај/мф/сн