Свет
Строс-Кан и собарката со договор го завршија судскиот спор
Поранешниот шеф на Меѓународниот монетарен фонд, Французинот Доменик Строс-Кан и Нафисату Диало, собарката којашто го обвини за сексуален напад во хотел во Њујорк, го завршиле спорот со финансиски договор.
Како што пренесува AFP повикувајќи се на пишувањето на њујоршкиот дневен весник The New York Times, двете страни во спорот се повикани следната седмица пред судот во њујоршкиот округ Бронкс, каде што тужбата ќе ја завршат со потпишување финансиски договор.
Не се објавени никакви други детали за висина на сумата којашто би можела да и’ биде исплатена на Нафисату Диало, како оштетена страна.
Диало против Строс-Кан поднесе граѓанска тужба на 8-ми август 2011 година, но истовремено беше решавана и кривичната пријава по нејзината тужба за сексуален напад.
Доменик Строс-Кан тврди дека сексуално не ја нападнал собарката во хотелот „Софител“ на њујоршки Менхетен на 14-ти мај минатата година, туку оти таа доброволно се согласила на сексуален однос.
Кривичната постапка беше отфрлена на 2-ри август 2011 година, откако обвинителот ја доведе во прашање веродостојноста на оштетената Диало, којашто во други претходни случаи во врска со имигрантскиот статус.
Цивилната парница беше продолжена и сега е решена со финансиски договор./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Русија потврди дека извршила напад врз украински воени и енергетски објекти
Руското Министерство за одбрана соопшти денеска дека Москва синоќа извршила напад врз украинските воено-индустриски и енергетски објекти како одговор на тоа што го нарече „терористички напади“, објавија светските агенции.
„Како одговор на терористичките напади на Украина врз цивилни објекти на руска територија, синоќа вооружените сили на Руската Федерација извршија напад со високопрецизно оружје и беспилотни летала врз претпријатија од воено-индустрискиот комплекс на Украина и енергетски објекти кои го обезбедуваат нивното работење. Целите на нападот се исполнети. Сите целни објекти се погодени“, се вели во соопштението на министерството.
Во меѓувреме, Каспискиот козорциум за гасовод (КТК) денеска соопшти дека ги прекинал своите операции откако неговото пристаниште во Русија на брегот на Црното Море било сериозно оштетено во напад од украински воени беспилотни летала.
Свет
162 лица загинаа во поплавите во јужен Тајланд
Портпаролот на тајландската Влада, Сирипонг Ангкасакулкиат денеска изјави дека 162 лица го загубиле животот во поплавите во јужен Тајланд, пренесуваат агенциите.
Околу еден милион домаќинства и повеќе од три милиони луѓе се погодени во поплавите во 12 провинции во јужен Тајланд предизвикани од обилните дождови во последните неколку дена.
Тајландскиот премиер Анутин Чарнвиракул претходно прогласи вонредна состојба во провинцијата Сонгкла. Поплавите го погодија и најголемиот град во јужен Тајланд, Хат Јаи.
Свет
Без струја останаа повеќе од 600.000 луѓе по руските напади во Украина
Повеќе од 600.000 луѓе останаа без електрична енергија во Украина по руските напади со ракети и беспилотни летала, соопшти украинското Министерство за енергетика.
„Како резултат на нападите, повеќе од 500.000 потрошувачи во Киев и повеќе од 100.000 потрошувачи во неговиот регион останаа утринава без електрична енергија“, наведе Министерството.
Како што беше додадено, речиси 8.000 луѓе во регионот на Харков останаа без електрична енергија. Нападите започнаа синоќа и продолжија утрово.

