Свет
Силен земјотрес на североистокот на Јапонија, нема информации за жртви
Земјотрес со магнитуда од 7,3 степени според Рихтер го погоди североисточниот дел на Јапонија, заради што крајбрежниот дел на префектурата Мијаги беше погоден од морски бран висок еден метар.
Засега нема информации за евентуални човечки жртви, како ни за материјална штета. Епицентарот на потресот, пренесува Ројтерс, бил на длабочина од 40 километри источно од најголемиот јапонски остров Хоншу, а агенциите јавуваат дека се почувствувал и во Токио.По првиот уследил уште еден послаб земјотрес со јачина од 6,2 степена.
Истата префектура Мијаги во март 2011 година беше погодена од земјотрес и цунами во кои смртно страдаа 20.000 луѓе, а беше оштетена и нуклеарната централа во Фукушима.
По предупредувањето за цунами, токиската енергетска компанија Тепко им нареди на работниците кои работат на санација на нуклеарката Фукушима, да ја напуштат електраната. Тепко соопшти дека нема нерегуларности во нуклеарните централи со кои управува. /крај/хн/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Хамас: Израел ги враќа преговорите на почеток со измени на предлогот за прекин на огнот
Палестинската милитантна група Хамас соопшти дека Израел практично го отфрлил предлогот за прекин на огнот во Појасот Газа, откако на посредниците во преговорите им доставил амандмани на предлогот, со што преговорите се вратиле на самиот почеток.
Хамас соопшти дека ќе одржи консултации со палестинските фракции за да ја разгледа преговарачката стратегија, објави Ројтерс.
Индиректните разговори меѓу Израел и Хамас за договор за прекин на огнот во Појасот Газа и ослободувањето на заложниците се чини дека се заглавени без очигледен напредок, бидејќи Хамас рече дека нема намера да се откаже од предлогот веќе отфрлен од Израел.
Свет
Најмалку 60 лица се повредени во судир на воз и локомотива во Буенос Аирес
Најмалку 60 лица се повредени кога патнички воз се судрил со локомотива и празен вагон во главниот град на Аргентина, Буенос Аирес, соопштија локалните власти.
Пожарникарите, полицијата и брзата помош се на терен и помагаат да се префрлат повредените патници во болниците, објави Ројтерс.
Во судирот првиот вагон од патничкиот воз излета од шините и беше оштетен.
Свет
Најмалку 50 луѓе загинаа во поплавите во Авганистан
Најмалку 50 лица загинаа во Авганистан во поплави по обилните дождови во северната провинција Баглан, изјави портпаролот на Министерството за внатрешни работи, Абдул Матен Кание.
Тој посочи дека бројот на жртви може да се зголеми, пренесе Ројтерс.
Кание рече дека има поплави во повеќе од пет области во Баглан по обилните дождови и на некои домаќинства им е потребна итна помош.
Тој додаде дека за вечерва се предвидуваат две силни невремиња.
„Министерството за внатрешни работи испрати екипи и хеликоптери во областа, но поради недостиг на светла за ноќно гледање во хеликоптерите, операцијата можеби нема да биде успешна“, рече тој.
Најмалку 33 лица загинаа, а 27 се повредени во силните поплави предизвикани од сезонските дождови во средината на април во Авганистан.
Поплави во април го погодија главниот град Кабул и неколку провинции низ земјата.