Свет
Сузан Рајс се откажа од кандидатурата за државна секретарка на САД
Американската амбасадорка во Обединетите нации, Сузан Рајс и блиска соработничка на претседателот Барак Обама, се откажа во четвртокот од кандидатурата за државна секретарка.
Рајс се најде на удар на критиките на републиканците поради изјавите за нападот врз американскиот конзулат во либискиот град Бенгази, од 11-ти септември годинава кога беа убиени американскиот амбасадор во Либија и уште тројца службеници.
Тогаш со одобрени на Белата куќа и врз основа на разузнавачки податоци, Сузан Рајс изјави дека, според достапните информации, изгледа дека нападот не е поврзан со тероризмот, туку произлегол од спонтаниот протест против навредливиот филм за пророкот Мухамед снимен во САД, „Невиноста на муслиманите“.
Меѓутоа, таквото толкување на нападот врз американското дипломатско претставништво беше отфрлено, по што и самата Рајс призна дека не била во право.
Изразувајќи дека и’ претставува особена чест што ја разгледувал нејзината кандидатура, Рајс во писмото до претседателот Барак Обама наведува дека таа би можела вешто и плодно да и’ служи на татковината, но дека процесот на нејзината кандидатура би бил долготраен, како и дека би ги пореметил нивните национални и меѓународни проекти.
Обама ја прифати одлуката на Рајс и изрази жалење поради „нечесните и измамничките“ напади врз неа последните неколку седмици. Тврди дека Рајс со својата одлука покажала силен карактер, бидејќи националните интереси за неа биле на првото место.
Одлуката на Сузан Рајс ги зголемија шансите на местото од досегашната државна секретарка Хилари Клинтон, којашто од функцијата си заминува на почетокот од годината, да дојде сенаторот Џон Кери, претседател на сенатската комисија за надворешна политика кој во 2004 година беше претседателски кандидат на демократите.
Обама, според една од опциите за која се расправа, може да ја именува Рајс за свој советник за национална безбедност, што не бара потврда од Сенатот, меѓутоа нема никакви сигнали дека таа должност ќе ја напушти сегашниот советник Том Донилон. Имено, републиканците во Сенатот можат да го блокираат именувањето на министрите./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.
Европа
Во Англија извикал „Алах Акбар“ и убил случаен минувач: „Го направив тоа за луѓето од Газа“
45-годишниот Ахмед Алид вчера беше прогласен за виновен за убиство и обид за убиство. На 15 октомври минатата година, барател на азил од Мароко со нож го уби 70-годишниот Теренс Карни во центарот на англискиот град Хартлпул. Тој претходно го избодел со нож својот заспан цимер Џавед Нури додека викал „Алах Акбар“.
Алид и рекол на полицијата дека сето тоа го направил „за луѓето од Газа“. Само осум дена пред да убие случаен минувач и да го рани својот цимер, милитантите на Хамас го нападнаа Израел. Алид се заколнал дека ќе убиел повеќе луѓе доколку имал митралез и друго оружје, изјави обвинителот Џонатан Сендифорд во Судот во Тесајд.
Алид делел куќа со други баратели на азил во североисточна Англија. Тој бил вознемирен што Нури го прифатил христијанството. Цимерите рекле дека Алид почнал да носи нож откако на телевизија видел прилог за настаните во Газа.
Европа
Крим главна цел: Пентагон откри за што Украина ќе ги користи моќните ракети АТАКМС
Министерството за одбрана на САД ја појасни целта за испорака на ракети со долг дострел во Украина, кои неодамна беа испорачани во тајност. Како што објави „Њујорк тајмс“, целта на испораката на американските ракети АТАКМС е да се зголеми притисокот врз Крим, кој беше анектиран од Русија по референдумот во 2014 година.
Крим го претставува центарот во кој се лоцирани голем број руски воздушни и копнени сили и кој досега, како што пишува американскиот дневен весник, „за нив бил релативно безбедно засолниште“. Ова го тврди анонимен американски функционер. Сепак, Пентагон одби да каже колку точно од овие проектили со дострел од 300 километри се испорачани на украинската страна.
Советникот за национална безбедност на Белата куќа, Џејк Саливан, претходно ја потврди испораката на овие ракети без да прецизира дали тие се модифицирани и имаат зголемен дострел.
Украинските сили веќе употребија АТАКМС, што претседателот Володимир Зеленски го потврди на 17 април, објавувајќи дека бил извршен напад врз воздухопловната база Џанкој, која се наоѓа на 165 километри од линијата на фронтот. Министерството за одбрана на Руската Федерација не ги коментираше овие наводи.
Pentagon reveals Ukraine’s targets for ATACMS missiles – NYT — (the usual baffling lack of retaliation threats from #Putin– instead just the usual bleating that ‘it’s impossible to justify’..Bring Stalin back to life please, Russia) https://t.co/8pi0Lx8tbt #CapeTown #SouthAfrica pic.twitter.com/ZtI5cG3r2m
— Peter Mayson (@theforeverman) April 26, 2024
Американскиот дневен весник потсетува дека Украина првпат добила ракети АТАКМС во септември минатата година, но дека станува збор за верзија со половина дострел. Се шпекулираше дека Украина можеби користела американски ракети за да го урне кримскиот мост, што на почетокот на месецов го потврди и самиот претседател Зеленски, велејќи дека неговата влада „навистина сака да го уништи мостот на Крим“.
Тој е симбол на руската окупација и преку овој мост Русија испорачува воена опрема и ги снабдува војниците во Украина. Во неколку наврати досега мостот беше цел на украински напади.
– Мислам дека е вистинското време, а шефот (Бајден) донесе одлука дека е вистинско време да и го обезбеди на Украина оружјето неопходно за тековната борба. Тоа е добро осмислена и многу конструктивна одлука – изјави адмирал Кристофер Грејди, заменик командант на Здружениот генералштаб на американската армија.
Руската страна го осуди потегот на САД, а рускиот амбасадор во Вашингтон Анатолиј Антонов рече дека тоа „ја зголемува заканата за безбедноста на Крим, вклучително и Севастопол и другите руски градови“.