Португалски канадер за гаснење пожар се урна денеска близу шпанската граница и според информациите од медиумите, најмалку едно лице го загубило животот.

До овој трагичен настан дошло за време на гаснењето пожар во Националниот парк Пенеда-Герес во Линдос. Единаесет авиони и натаму се обидуваат да ја сузбијат огнената стихија, која се шири на граничното подрачје меѓу Португалија и Шпанија.

Canadair CL-215 crashes while taking part in the extinction of fires in the Lobios forest, on the border with Portugal. Two people injured, one in serious condition. https://t.co/QWvT8UfwUE pic.twitter.com/uqfxZ4J7U6

— Breaking Aviation News & Videos (@breakingavnews) August 8, 2020

Според најновите информации, канадерот кој се урнал, пред трагичниот настан собрал околу 5.000 литри вода и се подготвувал да ја истури на подрачјето зафатено со пожар. Познато е дека ваков маневар е многу тешко да се изведе во планински предели како овој.

O meu profundo respeito e admiração pelos pilotos do Canadair hoje acidentado no Gerês. O combate aos fogos florestais é das actividades aeronáuticas mais perigosas, pouco reconhecidas e mal pagas que conheço. O país deve muito a estes heróis pic.twitter.com/E1UTmwuhLy

— José Correia Guedes (@cpt340) August 8, 2020

Како што пренесуваат локалните медиуми, пилотот и копилотот биле во критична состојба кога спасувачките екипи пристигнале до канадерот и дека медицинскиот тим успеал да го врати во живот шпанскиот копилот, но не успеале да го спасат 65-годишниот португалски пилот.

„Л’Индепендент“ наведува дека и пилотот и копилотот преживеале, но дека се во критична состојба.

Засега нема официјални податоци за состојбата на екипажот. Во е тек е истрагата за несреќата.

Карантинот убил илјадници луѓе кои не можеле да дојдат до медицинска помош или кои избегнувале да одат во здравствени установи плашејќи се да не се заразат со коронавирус, покажа документ на британската влада.

Од коронавирус, според официјалните податоци, во Велика Британија починале 46.000 луѓе. Но, последиците од карантинот кој беше воведен за спречување на ширење на вирусот, исто така, се драматични, покажа документ на владината Научна советничка група за итни случаи.

Според тие податоци, на три смртни случаи од коронавирус, следат два кои се предизвикани од последиците од карантинот, пренесе „Спутник“.

До почетокот на мај, како што се наведува во документот, во Британија починале 16.000 луѓе кои не можеле да добијат соодветна лекарска помош, додека 6.000 починале затоа што не се јавиле кај лекар од страв да не се заразат од коронавирус во здравствената установа.

Податоците на Министерството за здравство на Британија и Националната завод за статистика, покажуваат дека починале и 10.000 луѓе кои биле отпуштени од болница во текот на пандемијата.

Советничкото тело на британската влада прогнозира дека уште 26.000 луѓе би можеле да починат во следните месеци поради мерките за карантин и рестрикциите во здравството.

Како позитивна страна на карантинот во документот се наведува тоа што, благодарение на него, спречени се 2.500 смртни случаи настанати во сообраќајни несреќи и предизвикани од загадувањето и други причини.

Сопругата на холандскиот амбасадор во Либан почина денеска од повредите со кои се здоби во експлозијата што се случи во пристаништето во Бејрут во вторникот, соопшти холандското Министерство за надворешни работи.

„Хедвиг Волтманс-Молиер (55) била повредена додека седела покрај нејзиниот сопруг, амбасадорот Јан Волтманс, во дневната соба во нивната куќа во Бејрут“, соопшти Министерството.

Масовната експлозија предизвика огромна штета на холандската амбасада, при што повредени се и четири други лица.

Официјален претставник на Министерството за здравство во Либан објави денеска дека бројот на загинатите во либанската престолнина се искачи на 154, а 60 се водат за исчезнати.

Најмалку 120 од повеќе од 5.000 повредени се во критична состојба, пренесува Франс Прес.