Свет
Човечка грешка причина за уривањето на рускиот Суперџет 100 во Индонезија
Истрагата за причините за несреќата на цивилниот суперџет на рускиот производител на авиони Сухој за време на демонстративниот лет, кога во мај во Индонезија загинаа 45 лица, покажа дека станува збор за човечка грешка.
Како што во вторник наведува Националната комисија за безбедност(КНТК) во сообраќајот, пилотот непосредно пред несреќата го исклучил системот за тревожење(ТАВС), иако тој нормално работел.
„ТАВС испраќал предупредувања за ‘пречки на земјата’ пред несреќата, по што уследиле уште шест предупредувања ‘за избегнување на пречки на земјата’. Пилотот на авионот го исклучил ТАВС мислејќи дека се појавил информатички проблем“, изјави претседателот на КНТК Татанг Курниади.
Истрагата покажа “намалена концентрација“ во пилотската кабина пред Суперџетот 100 да се урне на 9 мај на вулканот јужно од Џакарта, за време на демонстративен лет што требаше да ги потврди одличните карактеристики на леталото.
„Несреќата можела да се избегне доколку пилотот го исправил леталото 24 секунди по првото предупредување“, изјави Курниади на прес конференција.
Несреќата му зададе тежок удар на рускиот производител на авиони кој очекуваше дека со овој авион, прва цивилна во својот каталог, ќе го поправи угледот на руската воздухопловна индустрија по распадот на Советскиот сојуз.
Индонезиското Министерство за сообраќај неодамна сепак издаде потврда за способноста на Суперџет 100 за лет, оценувајќи дека ги почитува меѓународните и индонезиските стандарди.
Со таа потврда се дозволи продажбата на авионот на две индонезиски авиокомпании, кои веќе го имаа нарачано. Каталошката цена на Суперџет 100 е околу 23 милиони евра. /крај/хн/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бакингемската палата ја објави здравствената состојба на кралот Чарлс: познато кога ќе се врати на должностите
Кралот Чарлс ќе продолжи со јавните ангажмани следната недела откако е постигнат охрабрувачки напредок во лекувањето на ракот, објави Бакингемската палата.
За кралот тоа нема да биде целосно враќање на официјалните ангажмани, но палатата испраќа позитивни сигнали, јавува Би-Би-Си.
Следниот вторник кралот ќе започне со симболично патување во центар за лекување рак, пренесува медиумот.
Неговите летни планови вклучуваат државна посета, каде што ќе биде домаќин на императорот и царицата на Јапонија.
Во наредните недели, соопштија од палатата, тој ќе преземе неколку надворешни ангажмани.
Свет
Стари книги обложени со отров отстранети од Француската национална библиотека
Властите отстранија четири книги од Француската национална библиотека поради можноста нивните корици да содржат отровен арсен. Имено, некои книги од 19 век, печатени во Британија, имаат смарагдно зелени корици. Арсенот често се користел за боење книги во тоа време.
Научниците од Универзитетот во Делавер во САД ги класифицираа отстранетите томови како потенцијално опасни, но библиотеката вели дека ракувањето со овие книги би предизвикало само мала штета на здравјето. „Ги ставивме во карантин овие дела. Ќе ги анализираме во лабораторија за да можеме да процениме колку арсен е присутен во секој том“, рече портпаролот на Француската национална библиотека, а пренесе Би-би-си.
Списокот на потенцијално опасни книги е составен од „Poison Book Proect“ , иницијатива покрената од научници од Универзитетот во Делавер во соработка со музејот Винтертур во Делавер. Од 2019 година, тимот тестираше стотици корици книги за тешки метали и состави листа на наслови кои се потенцијално опасни.
Издавачите од викторијанската ера користеле арсен за да ги обојат кориците. Светската здравствена организација (СЗО) предупреди на долгорочна изложеност на арсен во водата за пиење и храната, велејќи дека супстанцијата е многу токсична. Сепак, таа не дала никакви упатства за ракување со предмети што го содржат овој отров.
Во 2022 година, библиотекарите во Лидс, Англија открија ретка книга со арсен. Библиотекар ја открил потенцијално отровната книга додека ја споредувал збирката на библиотеката со базата на податоци на проектот „Poison Book“.
Свет
Мигранти плаќале 18.000 евра за превоз преку Ла Манш, биле сексуално експлоатирани
Виетнамска криминална мрежа беше пресечена со акција на полициите на Франција и Англија, со поддршка на Европол.
Оваа група шверцувала мигранти преку Ла Манш и организирала нивна сексуална и трудова експлоатација како и перење пари.
Главниот организатор, идентификуван како десна рака на водачот на оваа банда, го организирал шверцот, додека друг нивни соучесник бил задолжен за собирање пари и организирање на транспортот на мигрантите, кои плаќале од 15.000 до 18.000 евра за превоз преку каналот , соопшти Европол.
На пат од Полска за Франција, некои од мигрантите шверцувале метамфетамин во парискиот регион, снабдувајќи ги азиските групи за шверц на дрога со седиште во областа во замена за намалена цена на патувањето.
Уапсени се 16 членови на оваа група и одземени се разновидна луксузна стока, 100.000 евра во кеш и уште 298.000 евра на банкарски сметки.