Свет
Таткото на Арон Шварц: Американската Влада го уби мојот син!

Таткото на Арон Шварц ја нападна американската Влада, посочувајќи ја како директен виновник за смртта на неговиот син.
Многумина беа потресени по неодамнешната смрт на Арон Шварц, еден од основачите на Редит и интернет активист кој сакаше милиони академски текстови да ги сподели по пат на интернет со другите корисници бидејќи сметал дека информациите и знаењето треба да бидат достапни за сите, а не само на оние кои можат тоа да го платат.
Откако дојде до милиони текстови од претплатничкиот сервис на МИТ, го уапси американската полиција, по што беше обвинет за компјутерска измама, кражба на информации од заштитени компјутери и намерни ширење на документи преку П2П мрежата, за што му се закануваше голема затворска и парична казна.
Судењето требаше да почне во април, но Шварц кој и претходно се бореше со депресијата не издржа и си го одзема животот.
Арон Шварц во вторник беше погребан во Чикаго, а во говорот на погребот неговиот татко жестоко ја нападна американската Влада, директно обвинувајќи ја за смртта на неговиот син.
„Него го уби американската влада, а МИТ ги издаде своите основни принципи“, ги пренесе Јаху зборовите на неговиот татко.
Веднаш по смртта на Арон Шварц, неговото семејство објави соопштение во кое напоменаа дека неговата смрт е директна последица на лошиот американски казненопоправен систем, застрашување и претераните овластувања на обвинителите.
Со нив се согласни и многу правници кои сметаат дека тужбата против него немала правна основа, а за некои овој случај е најдобар пример на времето/општеството во кое живееме бидејќи на едно момче му се закануваше голема затворска казна(многу поголема од некои убијци, силувачи и слично) само затоа што на луѓето сакал да им овозможи бесплатно да дојдат до материјал за едукација.
По неговата смрт Анонимус го хакираа МИТ, а во негова чест многу научници бесплатно ги објавија своите трудови на интернет. /крај/дн/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Грција бара помош за справување со големите пожари

За активните пожари на неколку различни локации низ целата земја, Грција побара помош од Европскиот механизам за цивилна заштита, со цел да се испратат шест авиони.
Од попладнево, грчките пожарникари водат битка во источниот дел на областа Атика, поширокиот регион на Атина, во северна Грција, на островите Евија и Китира, како и во јужниот дел на Пелопонез, од бројот 112 за итни случаи беа испратени низа пораки за превентивна евакуација до жителите на зафатените области.
Портпаролот на противпожарната служба информираше дека во сите пожари интервенираат голем број пожарникари заедно со копнени и воздушни средства, но и дека во деловите каде што се пожарите е пријавена штета, чија процена ќе се направи кога ќе заврши гаснењето.
– Сите пожари што избувнуваат овие денови, а особено денеска, брзо се шират, стануваат опасни, а се очекува овие услови да преовладуваат и во наредните денови. Поради оваа причина, нашата земја побара помош од Европскиот механизам за цивилна заштита, со цел да ни обезбеди шест авиони, рече Василис Ватракојанис.
Свет
Поради гладување 90.000 жени и деца итно имаат потреба од медицинска интервенција во Газа

Секој трет жител на Појасот Газа со денови не добива храна, предупреди Светската програма за храна (WFP) на Обединетите нации. Во последното соопштение се наведува дека 90.000 жени и деца итно имаат потреба од медицинска интервенција поради тешка неухранетост.
Според Министерството за здравство во Газа, само вчера починале уште девет лица од глад, со што бројот на жртви од неухранетост од почетокот на конфликтот достигна 122.
Израел, кој го контролира влезот на сите залихи во Газа, повторува дека не постои блокада и ја обвинува Хамас за лошата распределба на ресурсите.
Меѓународната заедница, вклучувајќи ги Германија, Франција и Велика Британија, побара итно олеснување на влезот на помошта, а генералниот секретар на ОН Антонио Гутереш остро ја осуди „рамнодушноста и недостигот на човечност“ во глобалниот одговор на кризата.
Регион
Големи пожари беснеат на најмалку пет различни локација во Грција

Во источниот дел на областа Атика, поширокиот регоион на Атина, во северна Грција, на островите Евија и Китира, како и во јужниот дел на Пелопонез, попладнево се активни големи пожари, а од бројот 112 за итни случаи беа испратени низа пораки до жителите на зафатените области.
Во пожарот во централна Евија, изгореа две противпожарни возило, а четворица пожарникари со полесни повреди на рацете и очите и со респираторни проблеми биле префрлени во болница.
Во сите пожари, беа превентивно евакуирани жителите на населените места во непосредна близина на огнената стихија, откако од бројот 112 за итни случаи беа испратени соодветни пораки.
За Атика, Евија и за дел од Пелопонез за денеска имаше предупредување за екстремно голема опасност од пожари, категорија пет, што воедно е и највисоката категорија во прогнозите за опасност од пожари на Министерството за цивилна заштита и климатски кризи на Грција.