Свет
Обама ја потврди оставката на министерот за ресурси на САД

Американскиот претседател Барак Обама потврди дека министерот ресурси (Interior Secretary) Кен Салазар поднел оставка, и изрази надеж дека тој ќе продолжи да му помага со своите совети.
„Кен помогна да започне новата ера во зачувувањето на нашите копнени и водни ресурси, како и на дивиот свет … Тој, исто така, одигра клучна улога во успешните напори на мојата администрација за развојот на домашните извори на енергија во нашата земја“, се вели во изјавата на Барак Обама.
Претседателот, исто така, му оддаде почит на Салазар за воспоставување одлични односи и со староседелските индијански племиња.
„Го ценам пријателствувањето со Кен, коешто започна со нашето заедничко доаѓање во Сенатот во 2005 година и се надевам на неговите совети, дури и кога ќе се врати во својата родна држава Колорадо“, изјави Обама, кој деновиве е особено активен во формирањето на неговата нова администрација.
Кен Салазар ќе ја напушти администрацијата на претседателот Обама до крајот на март. Неговото заминување, како што коментира американската телевизиска мрежа ABC, може да значи дека кабинетот на претседателот на САД може да остане без претставник на Латино заедницата.
Салазар, е претставник на петтата генерација на неговото семејство од Колорадо и поранешен сенатор, и планира да се врати во матичната држава. Тој беше еден од двајцата Латиноамериканци во администрацијата на претседателот Обама, покрај министерката за труд Хилда Солис која поднесе оставката на нејзината функција минатата седмица. По заминувањето на Салазар на крајот на март, Латиноамериканците нема повеќе да бидат застапени во кабинетот на Обама, освен ако тој во меѓувреме не назначи некој од оваа сé повлијателна етничка заедница во САД./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Факели и емоции: „Цесарица“ одекнуваше на фериботот кон Корчула

Три и пол часа по тргнувањето од Сплит, атмосферата на фериботот кон Корчула не стивнуваше. Следеа хитовите на Оливер, а кога бендот ја отпеа „Цесарица“, беа запалени и факели, објави Индекс.хр.
Погледнете ја атмосферата и запалените факели за време на настапот со „Цесарица“:
Регион
Грција бара помош за справување со големите пожари

За активните пожари на неколку различни локации низ целата земја, Грција побара помош од Европскиот механизам за цивилна заштита, со цел да се испратат шест авиони.
Од попладнево, грчките пожарникари водат битка во источниот дел на областа Атика, поширокиот регион на Атина, во северна Грција, на островите Евија и Китира, како и во јужниот дел на Пелопонез, од бројот 112 за итни случаи беа испратени низа пораки за превентивна евакуација до жителите на зафатените области.
Портпаролот на противпожарната служба информираше дека во сите пожари интервенираат голем број пожарникари заедно со копнени и воздушни средства, но и дека во деловите каде што се пожарите е пријавена штета, чија процена ќе се направи кога ќе заврши гаснењето.
– Сите пожари што избувнуваат овие денови, а особено денеска, брзо се шират, стануваат опасни, а се очекува овие услови да преовладуваат и во наредните денови. Поради оваа причина, нашата земја побара помош од Европскиот механизам за цивилна заштита, со цел да ни обезбеди шест авиони, рече Василис Ватракојанис.
Свет
Поради гладување 90.000 жени и деца итно имаат потреба од медицинска интервенција во Газа

Секој трет жител на Појасот Газа со денови не добива храна, предупреди Светската програма за храна (WFP) на Обединетите нации. Во последното соопштение се наведува дека 90.000 жени и деца итно имаат потреба од медицинска интервенција поради тешка неухранетост.
Според Министерството за здравство во Газа, само вчера починале уште девет лица од глад, со што бројот на жртви од неухранетост од почетокот на конфликтот достигна 122.
Израел, кој го контролира влезот на сите залихи во Газа, повторува дека не постои блокада и ја обвинува Хамас за лошата распределба на ресурсите.
Меѓународната заедница, вклучувајќи ги Германија, Франција и Велика Британија, побара итно олеснување на влезот на помошта, а генералниот секретар на ОН Антонио Гутереш остро ја осуди „рамнодушноста и недостигот на човечност“ во глобалниот одговор на кризата.