Свет
Хирург издал лажно уверение за наплата на милионска отштета
Хирургот на двајца скопјани им издал уверенија дека во сообраќајка се здобиле со наводно тешки телесни повреди со цел да добијат отштета
Кривична пријава за лекар од Градската општа болница во Скопје
Хирургот на двајца скопјани им издал уверенија дека во сообраќајка се здобиле со наводно тешки телесни повреди со цел да добијат отштета
ГОРАН АДАМОВСКИ
Министерството за внатрешни работи го осомничи 44-годишниот Ѕ. Н., хирург во Градската општа болница во Скопје, дека издал лажно лекарско уверение со цел да се извлече голема финансиска отштета од осигурителна компанија. Имено, пред да биде запознаено Обвинителството и истражниот судија, како што беше соопштено на новинарите, хирургот на двајца скопјани им издал уверенија дека се здобиле со тешки телесни повреди, и тоа скршеници на ребро во сообраќајна несреќа што ја доживеале минатата година, иако станувало збор за лесни повреди. Триесет и четиригодишниот Т.Ј. и дваесет и шестгодишната Ѓ.М. на 27 август минатата година во близина на Охрид направиле сообраќајка, по што биле префрлени во Медицинскиот центар во Охрид. Оттаму биле донесени во Градската болница во Скопје, каде што биле примени од сега осомничениот лекар. Тој им направил рендгенски преглед на пациентите, при што јасно било дека не станува збор за скршеници. Но, пациентите се спогодиле со хирургот, па набргу им бил издаден документ според кој Т.Ј. и Ѓ.М. имале скршеници на осмото ребро. Со таквото уверение осигурителната компанија АД “Вардар осигурувањееи (каде што биле осигурани) требало да им исплати 984.000 денари или по 492.000 денари на секого. Но, во компанијата се посомневале и побарале помош од полицијата, по што се утврдила вистината.
Против хирургот Ѕ.Н. е поднесена кривична пријава за сторено дело издавање лажно лекарско уверение, а Ј.Т. и Ѓ.М. добија кривични пријави за измама.
Вчера не успеавме да стапиме во контакт со осомничениот доктор, за да ја слушнеме неговата вистина.
Изминатата година во државава беа откриени седум случаи на корумпирани лекари. Досега ниту еден случај нема судска разрешница.
Битолската полиција го осомничи лекарот М.Н. (49) од Одделението за пневмофтизиологија при Медицинскиот центар од Битола за примање поткуп. Тој се товареше дека примил 400 американски долари и 100 евра од извесен битолчанец како противуслуга за издавање документ, со што би “потврдилли дека неговиот клиент е целосно неспособен за отслужување на воениот рок.
Истражен судија од Основниот суд Скопје 1 е ангажиран во расветлувањето на случајот што го откри полицијата во Клиничкиот центар во Скопје во Одделот за урологија. Во кривичната пријава стои дека лекарот-хирург Д.П. (38) од пациентка од Кавадарци добил 200 евра за хируршка интервенција и уште 100 евра за сместување во Клиниката. Според официјалната информација во врска со случајот, осомничениот бил фатен на дело.
Хирургот К.М. од Охрид, специјалист за уво, нос и грло, оперирал “со подобар квалитетти за 50 или 200 евра. Во јануари минатата година, В.А., хирург од Куманово, побарал од пациент 200 евра за операција. Пациентот го пријавил случајот во полиција, по што хирургот бил фатен со обележаните евра. Еден месец подоцна, Ѓ.Ѓ., хирург од Воената болница во Скопје, побарал 200 евра од пациент, но бил откриен според истото сценарио. Поткупот е гаранција дека во лекарската постапка ќе биде внесен подобар квалитет и посебна ангажираност.
По откривањето, следуваат полициски кривични пријави за извршено кривично дело поткуп. Истовремено, следува суспензија до расветлување на случајот. Меѓу поднесената кривична пријава и судската истрага за случајот по барање на основниот јавен обвинител настанува долг период на прибирање цврсти докази. Во три од седумте откриени случаи на поткуп биле отфрлени сомневањата и предметот бил вратен на дообработка од полицијата. За преостанатите случаи се води судска постапка. Во ниту еден случај поткупувачот не е осомничен за соучество во извршено кривично дело. Според правното толкување, тој што дава поткуп се ослободува од одговорност ако соработува со истражните органи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Иран ги започна воените вежби порано од планираното: „Бевме предупредени за израелски напад“
Ирански функционер изјави дека „пријателска земја“ го предупредила Техеран за можен израелски напад врз неговите нуклеарни постројки, а иранските државни медиуми објавија дека иранската војска започнала вежби порано од планираното за да се фокусира на „непријателските движења“, објави Ројтерс.
Одговорот на Иран на секој израелски напад ќе биде „посилен и поразорен“ од претходно, изјави командантот на Револуционерната гарда, Хосеин Салами, за иранските државни медиуми.
🚨🇺🇸🇮🇱🇮🇷💥Iran starts military exercises across the country with the code name 'Ya Ali ibn Abi Talib'.
💥💥💥 pic.twitter.com/r6jDkAi8dG
— Defense Intelligence (@DI313_) June 12, 2025
Иран испука повеќе ракети кон Израел минатата година откако израелските сили го бомбардираа иранскиот конзулат во Дамаск. Израел одговори со лансирање ракети кон Иран и Сирија, што се првите такви директни напади меѓу регионалните сили.
Иранскиот претседател Масуд Пешмерга исто така се огласи денес, велејќи дека нуклеарните постројки на Иран ќе бидат обновени доколку бидат уништени, објавија иранските државни медиуми.
Одборот на гувернери на Меѓународната агенција за атомска енергија (МААЕ) во четврток објави дека Иран не ги почитува своите обврски за неширење на нуклеарно оружје за прв пат по речиси 20 години, за што би можел да биде пријавен до Советот за безбедност на ОН.
Службеник на МААЕ изјави дека Иран одговорил на МААЕ дека планира да отвори трета постројка за збогатување на ураниум.
Израелското Министерство за надворешни работи последователно оцени дека постапките на Иран го поткопуваат Договорот за неширење на нуклеарно оружје и претставуваат непосредна закана за регионалната и меѓународната безбедност и стабилност.
Иран е потписник на Договорот. Израел не е потписник, но се верува дека поседува нуклеарен арсенал.
Свет
(Видео) Објавени се нови снимки од падот на Боингот во Индија
Авион на „Ер Индија“ што леташе за Лондон со 242 патници се урна кратко по полетувањето во близина на аеродромот Ахмедабад. Патничкиот авион се урна во областа Меганинагар. Според последните информации, повеќе од 290 лица загинаа.
Шефот на градската полиција изјави дека е пронајден еден преживеан патник. Тој е британско-индискиот државјанин Вишвас Кумар Рамеш.
Дел од авионот се урна во хостел каде што живеат лекари. Федерацијата на медицински здруженија на сите Индија (FAIMA) објави дека помеѓу 50 и 60 студенти по медицина се однесени во болница. Густи облаци од чад се издигаа од местото на несреќата и беа видливи од голема далечина. Итните служби, вклучувајќи ги и пожарникарите, веднаш беа испратени на местото на несреќата и во тек е спасувачка операција.
New CCTV footage emerges of the Air India 787 as it took off from Ahmedabad. It also appears to show smoke (or dust) as the aircraft lifted off from the runway. pic.twitter.com/8ytjZCDOP1
— Breaking Aviation News & Videos (@aviationbrk) June 12, 2025
Се појавија нови снимки од безбедносните камери на кои се гледа како авионот на Ер Индија, кој летал кон аеродромот Гетвик во Лондон, се урива и се запалува само неколку секунди по полетувањето.
Снимката го прикажува авионот како полетува од аеродромот Ахмедабад. Само неколку секунди подоцна, почнува да губи висина, со спуштена опрема за слетување. Набрзо по ударот следува силна експлозија.
Европа
Украина и Русија ја спроведоа третата размена на затвореници оваа недела
Украина и Русија спроведоа уште една размена на затвореници, трета оваа недела, потврдија денес двете страни.
Украинскиот претседател Володимир Зеленски изјави дека неколку „сериозно ранети и сериозно болни војници“ се вратиле дома. „На сите им е потребен третман и дефинитивно ќе им биде пружена потребната помош“, напиша Зеленски на Телеграм.
Руското Министерство за одбрана, исто така, ја потврди размената, која следува по договорот постигнат во Истанбул претходно овој месец.
Според штабот на украинските воени заробеници, некои од вратените војници биле држени повеќе од три години откако пружиле отпор во југоисточниот пристанишен град Мариупол. Останатите биле помлади од 25 години или се водат како исчезнати.
Руското Министерство за одбрана соопшти дека предавањето се случило на белоруско-украинската граница и дека ослободените руски војници биле транспортирани во Русија.
Размената беше договорена за време на директните разговори меѓу Киев и Москва во Истанбул на 2 јуни, каде што секоја страна се согласила да ослободи 1.200 затвореници.
Тоа беше единственото конкретно поместување во мировните преговори. Украина се спротивставува на целосна руска инвазија повеќе од три години.
(Видео) „Имаше тела насекаде околу мене, бев преплашен, станав и почнав да трчам“: британски државјанин го преживеа падот на авионот на Ер Индија
Британски државјанин кој ја преживеал падот на авионот во Ахмедабад го опишал моментот кога се случил. Според NDTV, шефот на...
(Видео) Костадиновска-Стојчевска до Љутков: Се знае ли кој е државен секретар во Министерството за култура?
Пратеничката на СДСМ, Бисера Костадиновска-Стојчевска, на денешната собраниска седница посветена на пратенички прашања, упати прашање до министерот за култура и...
Арсовска: Висар Ганиу фатен со криминално легализирање дивоградби со фалсификат, документи се доставени до обвинителство
„Висар Ганиу фатен со криминално легализирање дивоградби со фалсификат, за што документи се доставени до обвинителство и има изјави кои...
Зеленски: Трамп го препознава вистинското лице на Путин, тој гледа дека не е искрен
Украинскиот претседател Володимир Зеленски во интервју за германскиот „Билд“ изјави дека рускиот претседател Владимир Путин ги користи преговорите со Украина...
Пожарот во Вардариште е во голема мера изгаснат, полека се враќа протокот на струјата
Пожарот во Вардариште е во голема мера изгаснат, но БППЗ Скопје во моментот се уште вршат догаснување, извести Центарот за...
(Фото) „Боингот“ се урна врз мотел за доктори, делови од авионот останаа во зградата
Патничкиот авион Боинг 787-8 Дримлајнер, управуван од „Ер Индија“, кој полета од Ахмедабад до Лондон утрово, се урна неколку минути...
(Видео) Луѓето трчаат да ги спасат преживеаните: детали по падот на авионот во Индија
Авион на Ер Индија со 232 патници и 10 членови на екипажот се урна во Ахмедабад, Гуџарат, како што потврди...
Игуменот Георгиј избран за нов митрополит на Дебарско – кичевската епархија
Игуменот Георгиј (Ѓорѓевски) е избран за нов духовен водач на Дебарско-кичевската епархија Тој е назначен на местото на упокоениот митрополит...
Бројот на гости и ноќевања расте со историски 20% во однос на лани, целта ни е да стигнеме до четири милиони ноќевања, вели Мицкоски
Премиерот Христијан Мицкоски утрово при посетата на Машинскиот факултет историски успех го нарече зголемениот број регистрирани ноќевања и туристи во...
Картел во фармацевтскиот бизнис – две веледрогерии го оштетиле буџетот за 1,1 милион евра
Вишиот управен суд со пресуда го потврди решението на Комисијата за заштита на конкуренцијата со кое утврди дека две големи...
Трајко Славески со платa од 3.000 евра им порачува на граѓаните да работат по три работи, тоа е лицемерие на човек кој цел живот е во фотелји, велат од СДСМ
Новиот гувернер на Народната банка, Трајко Славески, според СДСМ, уште на почетокот го покажал својот вистински лик, надмен, без допир...
Филипче со денови молчи за бугарската фирма, Обвинителството да поведе постапка, бара ВМРО-ДПМНЕ
Филипче со денови молчи за бугарската фирма Пауер Ај 8, која е во негова 100% сопственост, а ја основал на...
Германскиот министер за одбрана: Правиме сè што можеме за да ѝ помогнеме на Украина да се одбрани
Германскиот министер за одбрана, Борис Писториус, пристигна во Киев за да разговара за воената поддршка за Украина во нејзината војна...
За три дена, 109 повредени од Кочани доставиле барања и предлози на телефонската линија на Владата
109 граѓани за три дена од пуштање на телефонската линија за повредените лица и нивните семејства, која е во директна...
Вучиќ е единствениот кој не ја потпиша декларацијата за поддршка на Украина
Претседателот на Србија, Александар Вучиќ, ги опиша денешните состаноци во Одеса на самитот „Украина-Југоисточна Европа“ како многу успешни, но тој...
Меџити во Украина: Силно ја осудуваме руската агресија и бараме итно запирање на војната
Првиот вицепремиер и министер за животна средина и просторно планирање на Република Северна Македонија, Изет Меџити, денес учествуваше на Самитот...
Битолчанка сакала да ги убие своите баба и дедо, ги избодела со нож
Полицијата приведе жена од Битола која со нож ги избодела своите баба и дедо. „По овластување на јавен обвинител од...
Паушалите во сметките за струја ќе станат минато, Министерството за енергетика почна серија брифинзи за новиот закон
До 2031 година 80 отсто од граѓаните треба да имаат смарт броила, а првите веќе се очекува да бидат инсталирани...
Македонската дипломатија нема да биде ничија партиска сопственост, одговори МНР по прозивките од СДСМ
Македонската дипломатија не е, и нема да биде ничија партиска сопственост. По години на политичка злоупотреба, ја враќаме дипломатијата на...
Побаран доживотен затвор за убијците на Вања и Панче: Двете дела се убиства на свиреп начин за кои е предвидена најтешка казна
Обвинителките Ана Стојковиќ-Димитровска и Жаклина Крстевска во завршните зборови на денешното судење за убиствата на 14-годишната Вања Ѓорчевска и 74-годишниот...
