Свет
Народниот правобранител бара да се разрешат тројца судии

Иџет Мемети, народен правобранител, вчера посочи тројца судии од штипскиот Основен суд дека несовесно ја вршеле работата и ги одолжувале судските процеси.
Иџет Мемети, народен правобранител, вчера посочи тројца судии од штипскиот Основен суд дека несовесно ја вршеле работата и ги одолжувале судските процеси. Тој вчера предложил Републичкиот судски совет (РСС) да поведе постапка за одговорност и да ги разреши судиите Павел Василев, Ленче Манева и Добре Илиевски.
Според Мемети, штипскиот судија Павел Василев повеќе од 5 години развлекувал судски случај. Граѓанин од Струмица што бил учесник во постапката се обратил до народниот правобранител. По неговата интервенција, на судијата му бил одземен случајот. Во вториот случај што го посочи Мемети, имало конфликт на интереси, кој судијата не го пријавил.
– Граѓанин од Штип ни пријави дека судијката Ленче Манева две години не закажала ниту едно рочиште за неговиот предмет. Предметот и бил одземен и му бил доделен на судијата Добре Илиевски. Овој судија, пак, бил во роднинска врска со спротивната странка во предметот и затоа бил должен да го пријави тоа. Илиевски една година не постапувал по предметот – посочи Мемети.
По интервенцијата на народниот правобранител, овој предмет минатиот месец му бил доделен на трет судија.
– Со ваков начин на работа се потврдуваат констатациите дека граѓаните тешко ги остваруваат своите права. Токму за ваков случај, Македонија загуби спор во судот во Стразбур и плати отштета од 77.000 евра – рече Мемети.
Тој најави дека во иднина во народното правобранителство нема да се работи канцелариски, туку на терен, и за сите случаи каде што судиите несовесно ја вршеле функцијата, тој ќе ја информира јавноста.
– Нема да дозволам да добивам одговори од претседатели на судови како оној што го добив пред извесно време. Кога испратив барање до еден претседател на суд, тој ми одговори дека нема време да одговора на барањата, затоа што бил презафатен. Тоа нема да се случи повторно – рече Мемети.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Во Албанија активни се 14 пожари, горат големи површини

Албанскиот министер за одбрана Пиро Венгу потврди дека во земјата 14 пожари се уште се активни и зафаќаат големи површини.
Во објава на социјалните мрежи, наведува дека во гаснењето на неколкуте големи пожар на југот на земјата, освен противпожарни единици, армиски, полициски сили и доброволци, вклучени се и хрватски и шведски авион „Канадер“.
Венгу додава дека се очекува пристигнување на два хеликоптери од воздухопловните сили на Обединетите Арапски Емирати, уште еден „Канадер“ од Грција и два хеликоптери од европскиот механизам од Чешка и Словачка.
Свет
Израелското преземање на Газа би предизвикало катастрофа, предупредува Советот за безбедност на ОН

Спроведувањето на израелскиот план за преземање контрола врз градот Газа на истоимената палестинска територија, каде што Израел војува речиси две години, се заканува да предизвика нова катастрофа што би се почувствувала во целиот регион, предупреди денеска високиот функционер на ОН Мирослав Јенча.
Јенча, заменик-генерален секретар на ОН за Европа, Централна Азија и Америка, на вонредната седница на Советот за безбедност на ОН во врска со овој план изјави дека во Појасот Газа се одвива хуманитарна катастрофа од големи размери.
Тој рече дека преземањето контрола врз градот Газа може да предизвика нова катастрофа во целиот Појас, предизвикувајќи понатамошно присилно внатрешно раселување и убивање цивили.
Израелскиот план беше остро осуден од претставникот на Словенија во Советот за безбедност и поранешниот министер за надворешни работи, Самуел Жбогар.
Во говорот во име на Данска, Грција, Франција и Словенија, тој рече дека секој обид за анексија, проширување на воените операции и кршење на меѓународното право дополнително ќе ги изложи на опасност сите цивили во Газа, вклучувајќи ги и преостанатите Израелци, заложници на милитантното исламистичко движење Хамас.
Свет
Силен земјотрес регистриран во западниот дел од Турција

Земјотрес со магнитуда од 6,1 степени е регистриран денеска во западна Турција во регионот Баликесир, соопшти Агенцијата за управување со катастрофи и вонредни состојби при Министерството за внатрешни работи на Република Турција (АФАД).
Земјотресот е почувствуван и во Истанбул и низ целиот регион на Мармара и Егејот.
Епицентарот на земјотресот бил на длабочина од 11 километри, на 52 километри од градот Баликесир.