Свет
Порно-страница од Лос Анџелес врбува малолетници од Македонија
Ако имате повеќе од 14 години, без разлика на полот, Вие сте подготвени за секс и затоа можете слободно да се пријавите за упис во нашата секс-академија”, е скандалозниот повик на извесна светска секс-академија, која врбува девојчиња и момчиња од Македонија.
Ако имате повеќе од 14 години, без разлика на полот, Вие сте подготвени за секс и затоа можете слободно да се пријавите за упис во нашата секс-академија”, е скандалозниот повик на извесна светска секс-академија, која врбува девојчиња и момчиња од Македонија.
Регрутирањето се врши преку интернет-страницата на македонски јазик www.theworldsexacademy.com, на која може да се видат фотографии со разголени момчиња и девојчиња.
Сопствениците на порно-страницата своите вистински намери ги затскриваат зад оглас објавен на македонската веб-страница www.oglasi.com.mk, во кој се бараат “атрактивни девојки, од 18-38 години, за работа во нудистички кампови во Бугарија, Грција и во Србија и Црна Гора како: собарки, шанкерки, келнерки, домаќинки, фризерки, масерки, чувари (спасувачки на плажа)”. На заинтересираните им се нуди плата од 150 до 1.500 евра.
Потрагата на “Дневник” покажа дека, и покрај тоа што е на македонски јазик, порно-страницата се прави и одржува во САД, поточно во Лос Анџелес. Од веб-страницата може да се дознае дека “работодавците” всушност нудат сосема поинакви услуги. Тие ги врбуваат малолетните девојки и момчиња за да ги научат на “тајните на сексот според светски стандарди”. На успешните им ветуваат и секс-диплома. Посетата на страницата ни овозможи да дознаеме повеќе за “академијата” и за начинот на кој се регрутираат кандидатите.
Сопствениците на страницата се под псевдоними, а со таканаречената управа на академија може да се стапи во контакт само преку Интернет.
Во линкот “историја на академијата” се вели дека таа била основана во 1989 година, во Сплит. Основачи биле извесен Марио, 44-годишен Хрват, кој бил и идеен творец, неговата 29-годишна сопруга, по потекло од Словенија, заедно со Македонец, Србинка, Бугарка и Гркинка. “Уписот” се врши преку електронска пошта и со испраќање фотографии. Идентитетот и предиспозициите на кандидатите се проверува, по што, ако се утврди дека станува збор за вистински заинтересирани “студенти по секс”, се контактира со нив. Тоа може да значи дека меѓународната група соработува со луѓе од Македонија.
Посетителите на страницата што се зачленети добиваат пристап до рубриката “Македонски жешки девојки”, во која имало повеќе од 16.000 илустрации со највисок квалитет. Цената за првиот семестар била 50 евра.
“Управата на светската секс-академија” измислила и свои десет правила, на кои мора да се придржуваат регрутите за да дојдат до “диплома”. Главните две се дека во академијата доброволно може да се зачленуваат поединци, двојки, тројки и поголеми групи за да ги изучуваат “секс-тајните од познати светски секс-учители” и дека “годините апсолутно не се важни”. “Академијата” го вовела и таканаречениот кредит-трансфер систем, според кој, “многу лесно, по бројот на поминатите лекции, се знае кој(а) ученик(чка) до каде стигнал(а) со обуката”.
Според другите правила, кандидатите, за кои е задолжителен приемниот испит, не треба да имаат никакви предрасуди за сексот. Ги делат на две категории: со и без сексуално искуство. Образовниот процес, како и низ легалните институции, почнувал од основно училиште, во кое ќе се стекнеле со основно секс-образование. Класот бил составен од три девојки (или жени) и еден маж. Веднаш по завршување на “основното”, секој ученик може да работи на формирањето на сопствен клас, а потоа и да формира свое секс-училиште. За “поамбициозните” следува секс-факултетот, а врв на едукацијата е светската секс-академија. За да им се “олесни” приемниот испит на кандидатите на веб-страницата е понудена “скрипта” од приемни лекции и пози.
Посебен куриозитет е понудата на секс со помош на хипнотизер за најмалку вештите. Обуката е будно следена преку најразлични семинари, средби и полагања и под комплетен надзор на главниот учител во Академијата – Карло. Главни учители се извесен инструктор Милф и “искусната Аманда”. За евентуалните проблеми и сугестии, на располагање на регрутите им е основачот Марио од Хрватска.
(Р.Д.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Шефот на НАТО: Кина сака добри односи со Западот и и помага на Русија, не може да ги има и двете
Кина мора да престане да ја поддржува руската војна во Украина ако сака да ужива во добри односи со Западот, изјави денеска генералниот секретар на НАТО Јенс Столтенберг, предупредувајќи го Пекинг со невообичаено остри зборови дека не може да ги има и двете. За време на посетата на Берлин, шефот на западната воена алијанса рече дека помошта на Пекинг е од витално значење за воените напори на Москва бидејќи ја зајакнува воената економија на Русија со споделување на врвна технологија, како што се полупроводниците.
„Минатата година Русија увезе 90 отсто од својата микроелектроника од Кина, која се користи за производство на проектили, тенкови и авиони. Кина исто така работи на Русија да и обезбеди подобрени сателитски способности“, рече Столтенберг. „Кина вели дека сака добри односи со Западот. Во исто време, Пекинг продолжува да го поттикнува најголемиот вооружен конфликт во Европа од Втората светска војна. Не може да ги има и двете“, предупреди тој.
Столтенберг ги предупреди западните сојузници да не станат зависни од Кина како што беа од Русија. „Во минатото направивме грешка што станавме зависни од руската нафта и гас. Не смееме да ја повториме таа грешка со Кина и да зависиме од нејзините пари, суровини и технологии. Зависноста не прави ранливи“, додаде тој.
Кина ги зајакна трговските и воените врски со Русија во последниве години, бидејќи САД и нивните сојузници воведоа санкции и на двете, но особено на Москва, поради нејзината инвазија на Украина. Рускиот претседател Владимир Путин изјави во четвртокот дека планира да отпатува за Кина во мај, но не прецизираше точно кога.
Свет
САД градат привремено пристаниште во близина на Газа за испраќање хуманитарна помош
Соединетите Држави почнаа да градат пристаниште во Газа, соопшти денеска Пентагон, проект кој треба да ја олесни испораката на хуманитарна помош на палестинската територија. Пристаништето треба да профункционира на почетокот на мај.
Во март, претседателот Џо Бајден објави дека американската војска ќе изгради привремено пристаниште на медитеранскиот брег на Газа за да добива хуманитарна помош по море.
Изградбата е дел од напорите да се спречи гладувањето во палестинската енклава, која веќе пет месеци се наоѓа во средината на израелската воена кампања против Хамас, која го опустоши Појас Газа и ги потопи нејзините 2,3 милиони луѓе во хуманитарна катастрофа.
„Можам да потврдам дека американските воени бродови, вклучително и УСНС Бенавидез, почнаа да градат привремено пристаниште…“ изјави за новинарите портпаролот на Пентагон, Патрик Рајдер.
ОН предупредија дека Газа е во опасност од глад и се пожалија на „огромни пречки“ при добивањето помош и нејзино дистрибуирање низ енклавата.
Агенциите за помош и администрацијата на Бајден го молеа Израел да ја олесни испораката на помош во Газа и да им дозволи на нивните конвои безбедно поминување на територијата.
Рајдер рече дека Пентагон следи некој вид минофрлачки напад во Газа што предизвика минимална штета во близина на областа каде што се гради пристаништето, но додаде дека американските сили сè уште не почнале да преместуваат ништо во областа и дека нема американски сили на теренот.
Свет
(Видео) Големи поплави во Танзанија, загинаа 155 луѓе
Во поплавите во Танзанија загинаа 155 луѓе, а најмалку 236 се повредени, изјави денеска премиерот Касим Мајалива. Во поплавите оштетени се повеќе од 10.000 куќи.
Премиерот додаде дека обилните дождови предизвикани од Ел Нино и придружени со силен ветер доведоа до поплави и лизгање на земјиштето во различни делови на земјата.
„Многу луѓе загинаа. Имаше штета на посевите, куќите, инфраструктурата како патишта, мостови и железници“, рече Мајалива.
Поплави ја погодија и Кенија, која се граничи со Танзанија на истокот на Африка, при што загинаа повеќе од 30 луѓе, пишува Си-ен-ен.
Во Кенија врне силен дожд од средината на март, а врнежите се интензивираа минатата недела. Кенискиот Црвен крст изврши повеќе од 188 спасувачки операции од март. Властите вчера затворија некои патишта во главниот град на Кенија, а неколку населби беа поплавени.
Ковачевски: Ќе продолжиме да се бориме за секој граѓанин и за европската иднина на Македонија
„Вчера граѓаните нѝ пратија силна порака и ние таа порака ја слушнавме. Но, се лажат сите кои мислат дека ќе...
Јакимовски до Муцунски: Прв излегов и го признав поразот, а тие во алкохолизирана состојба едвај го прочитаа тоа што го напишале
„Колегата Тимчо Муцунски се подбивал со мојот резултат на овие претседателски избори, притоа обидувајќи се малку да биде вицкаст. Иако...
Мицкоски до СДСМ и Ковачевски: Нека не ве чуди што ве снајде вчера
Мириса на промени, бранот започна и нема запирање. Она што го говорев кога дојдов тука пред некоја недела, стана вистина....
Позитивна оценка за првиот круг од претседателските избори, забелешки за острата и негативна реторика од страна на ОБСЕ/ОДИХР
Првиот круг од претседателските избори беше конкурентен и гласачите можеа да направат информиран избор. Меѓународната набљудувачка мисија на ОБСЕ/ОДИХР во...
Во прв круг за претседател е избран само Киро Глигоров со освоени 715.087 гласа, Силјановска-Давкова и Пендаровски вторпат одат во втор круг
По вчерашниот прв круг од седмите претседателски избори, Киро Глигоров остана единствениот претседател избран во прв круг од осамостојувањето до...
Маж од Радовиш со месеци сексуално вознемирувал малолетно девојче
Радовишанец со месеци силувал малолетничка Вчера, во Полициската станица Радовиш било пријавено дека 45-годишен жител на Радовиш во периодот од...
Таткото на Вања ќе оди во куќен притвор, Врховниот суд му ја уважи жалбата
Врховниот суд ја уважи жалбата на таткото на убиената Вања Ѓорчевска. Со тоа укинат му е притворот и определени се...
Ангелов за ДУИ: Со пушка дојдоа на власт, со пенкало да ги отераме на буништето на историјата
Колку и да е убедлива, победата нема да биде комплетна доколку ДУИ не биде срушена од власт, вели претседателот на...
Стевчо собра повеќе потписи од гласови – поразот на Јакимовски главна тема на социјалните мрежи
Кандидатот за претседател на ГРОМ и актуелен градоначалник на скопската општина Карпош, Стевчо Јакимовски, на вчерашниот прв круг од претседателските...
Почина менаџерот Велибор Џаровски-Џаро
На 75 години денеска почина менаџерот Велибор Џаровски-Џаро по кусо боледување, потврди семејството. Тој важи за еден од најпознатите менаџери на...
Пендаровски победи во три општини, а Таварари и Димитриевски само во општините во кои се градоначалници
Кандидатите за претседател Гордана Силјановска-Давкова и Бујар Османи освоија најмногу гласови на претседателските избори по број на општини. Според податоците...
ВМРО-ДПМНЕ: Народот избра промени, да излеземе уште помасовно на 8 мај
Огромната поддршка обврзува за промени и брзи резултати, да излеземе уште помасовно на 8-ми мај, а потоа следува економска трансформација...
Силјановска убедливо пред Пендаровски во првиот круг со 40 наспроти 19,93 отсто од гласовите
Кандидатката за претседател поддржана од ВМРО-ДПМНЕ и коалицијата, Гордана Силјановска, со убедливо водство влегува во вториот круг од претседателските избори,...
Димитриевски до Пендаровски: Разликата е огромна, откажете се од оваа битка и оставете нè да победиме во вториот круг
Денеска, ЗНАМ заедно со сите свои пддржувачи ја испишува новата политичка историја на македонската политичка сцена, рече вечерва претседателскиот кандидат...
Нема да се откажеме и нема да ги наведнеме главите, порача Ковачевски
Денеска е тежок удар за европската перспектива на Македонија, но не е доцна да се смени правецот, откажувањето не е...
(Видео) Мицкоски: Цунамито се крена, на 8 мај ќе ги потопи целосно, победуваме со над 170.000 разлика
Денеска народот во Македонија покажа дека си ја сака Македонија и дека секој оној кој го потценува народот прваи голема...
Пендаровски: Резултатите не се такви какви што ги очекувавме, но нема предавање, утре е нов ден
Резултатите не се такви какви што ги очекувавме истакна вечерва на прес-конференција кандидатот за претседател поддржан од СДСМ, Стево Пендаровски....
Силјановска за убедливото водство: Напати се срамам, зарем е можно толку многу луѓе вака да реагираат
Претседателскиот кандидат Гордана Силјановска Давкова по завршување на првиот круг гласање од изборот за претседател на државата рече дека денешниот...
Јакимовски призна пораз, ѝ честиташе водство на Сиљановска и ѝ посака среќа во вториот круг
Лидерот на ГРОМ и претседателски кандидат, Стевчо Јакимовски, вечерва призна пораз и ѝ честиташе водство на Гордана Сиљановска-Давкова. Со оглед...
Таравари: Земјотресот почна, се надевам дека на 8 мај ќе дојде промената ДУИ да биде опозиција
Масовниот одѕив на гласачите на овие претседателски избори за Арбен Таравари, претседателски кандидат на коалицијата ВЛЕН, е показател дека промените...
