Голем број пациенти во Британија ќе бидат преместени во хотели за да се намали притисокот врз Националната здравствена служба (NHS).

За време на пилот програмата, која ќе трае три месеци, до 15 пациенти ќе добијат нега во хотел во центарот на Норвич, соопшти НХС.

Пилот програмата, која треба да започне за неколку дена, е наменета за пациенти кои можат да ја напуштат болницата, но имаат потреба од дополнителна нега пред да се вратат дома.

„ Оваа мерка ќе помогне да се забрза протокот на пациенти низ локалните болници за да можеме да имаме повеќе кревети за оние на кои им е најпотребно“, рече Кет Бајфорд, главна медицинска сестра на Групата за клиничко пуштање во работа (CCG).

„ Персоналот на НХС работи неуморно за да се осигура дека луѓето ќе ја добијат потребната медицинска нега што е можно побрзо. Оваа иновативна пилот-програма ќе обезбеди краткорочна и безбедна средина за оние кои се подготвени да ја напуштат болницата, но сепак им треба медицинска поддршка “, додаде таа.

Проширувањето на економската соработка со Русија во области како што се обновливите извори на енергија може да помогне во намалувањето на тензиите околу Украина, изјави германскиот министер за економија Роберт Хабек во интервју за домашните медиуми.

„Треба да разгледаме и нови области на бизнисот кои можат да им помогнат на двете страни да излезат од позицијата на конфликт“, рече министерот и вицеканцелар во интервју за неделникот „Шпигел“.

Коментирајќи ја можноста за исклучување на Русија од меѓународниот платен систем „Свифт“, Хабек рече дека општото набројување на санкциите нема смисла.

Тоа е крајната економска санкција, истакна тој, сепак, нагласувајќи дека неговата цел е да ги намали тензиите.

Водечките руски и американски дипломати треба да се сретнат во петок во Швајцарија за повторно да разговараат за зголемените тензии околу Украина, откако минатонеделните состаноци не дадоа резултат.

Германската министерка за надворешни работи Аналена Баербок во четвртокот ја повика Русија да ја прекине својата политика на ескалација на тензиите, предупредувајќи дека ќе се соочи со серија санкции во случај на агресивни потези.

Германија е подготвена да ги брани своите основни вредности во сегашниот ќор-сокак, дури и ако треба да плати висока економска цена, рече Баербок ден претходно во Москва.

Унгарскиот премиер Виктор Орбан денеска изјави дека Брисел не успева да придонесе во напорите за сузбивање на илегалната миграција.

Тој рече дека Унгарија во моментов работи на заштита на цела Европа.

„ Навистина, тоа е напад врз Унгарија“, изјави Орбан за унгарското радио Кошут, а пренесува унгарската агенција МТИ.

Унгарскиот премиер изјави дека само минатата година биле уапсени 122.000 лица кои илегално влегле во земјата, наспроти 45.000 една година претходно, што според него покажува дека бројот на нелегални влегувања во земјата се зголемува.

„ Проблемот со илегалната миграција е далеку од решен. Напротив, тој ќе биде со нас во следните неколку години“, предупреди Орбан.

Тој додаде дека мора да се зајакне граничната контрола и да се ангажираат нови сили.

„ Потребни ни се што повеќе војници само за гранична контрола“, рече унгарскиот премиер.

Тој нагласи дека Унгарците биле задолжени за тврдината, заштитувајќи ги границите на цела Европа, но дека Брисел не помага во овие напори, туку напротив ни пука во грб“ порача Орбан.