Претседателот Црвенковски не ги потпиша во Варшава трите конвенции на Советот за Европа кои се однесуваат на борбата против тероризмот, борбата против финансирањето на организираниот криминал,

ПО БУЧКО, БРАНКО У СЕ СВРТЕ И НА ИЛИНКА

Претседателот Црвенковски не ги потпиша во Варшава трите конвенции на Советот за Европа кои се однесуваат на борбата против тероризмот, борбата против финансирањето на организираниот криминал, и против тр

Претседателот Бранко Црвенковски не ги потпиша во Варшава трите конвенции на Советот за Европа кои се однесуваат на борбата против тероризмот, борбата против финансирањето на организираниот криминал, и против трговијата со луѓе. Како што истакна самиот Црвенковски во својот говор пред учесниците на дводневниот самит на шефовите на држави и влади на земјите членки на Советот на Европа во Варшава, македонската Влада прво треба да се исконсултира со соодветните институции, па после може да го стави својот потпис на конвенциите што беа во фокусот на самитот.

“Меѓународниот тероризам, криминалот, корупцијата и трговијата со луѓе се едни од најактуелните проблеми на денешнината. Советот на Европа ги адресира тие проблеми и преку новите правни инструменти кои се отворени за потпишување на овој самит. Владата на Република Македонија ќе ги изврши потребните консултации со надлежните институции за да се донесе одлука за нашето пристапување кон овие значајни правни инструменти на Советот на Европа”, рече во својот говор Црвенковски. Според агенциските вести, овие конвенции завчера, на првиот ден на самитот, биле потпишани од 21 земја членка на Советот. Конвенциите, пак, беа усвоени од Комитетот на министри на СЕ на 3 мај.

Од кабинетот на Претседателот вчера се оправдаа дека тој не ги потпишал конвенциите зашто Владата и, конкретно, Министерството за надворешни работи не стигнале да се исконсултираат околу текстовите за да може тој, по добиената информација од нив, да го стави својот потпис. Тврдат и дека тоа, сепак, не било ништо страшно, оти Македонија учествуваше на самитот и Претседателот вербално ги поддржа иницијативите на Советот на Европа. Но, додаваат и дека претседателот Црвенковски бил изненаден што МНР не успеало навреме да си ја заврши работата, а башка и претставникот од Министерството што бил во делегацијата во Варшава, исто така, немал никаков став околу конвенциите. Во кабинетот велат дека побарале од Министерството пред самитот да ги завршат консултациите околу повелбите, и дека за тоа имале доволно време, ама оти не знаат зошто тоа не било направено.

И во Владата топката ја префрлија во МНР, кое требало да ги подготви текстовите на декларациите.

Од МНР, пак, вчера добивме одговор дека временски било невозможно да се заврши се околу конвенциите. Од таму објаснуваат дека Комитетот на министри на Советот на Европа ги усвоил конвенциите на 3 мај, и дека во рокот од 14 дена до самитот во Варшава било практично невозможно да се изведе постапката на преведување на текстовите, нивно разгледување и консултирање со соодветните институции и министерства во чиј делокруг спаѓаат тематиките на кои се однесуваат конвенциите. Во МНР кажуваа дека, согласно домашната законска регулатива, постои обврска меѓународните договори пред склучување да се разгледаат, и да се произнесат министерствата зошто да се прифати или не одредена конвенција.

Тие не останаа покуси на обвинувањето од кабинетот на Претседателот, па вчера неофицијално кажуваа дека “некои од луѓето во кабинетот на Претседателот погрешно го информираат и него и јавноста дека задачите, наводно, не биле завршени”. Како одговор на неподготвеноста, во МНР кажуваат дека по Уставот Претседателот има право да склучува меѓународни договори, а по Законот за ратификација и склучување на меѓународни договори тој може да склучи ваков договор и без постапката на консултации во Владата, ако се смета дека се работи за значајни теми кои и одат во прилог на државата. Па затоа, тврдат во МНР, ако Црвенковски сакал да ги потпише конвенциите, можел да го стори тоа. Во МНР се правдаат и дека трите конвенции уште не ги потпишале голем број од членките, а не само Македонија.

Префрлувањата меѓу кабинетот и Владата во последно време зачестија.

Кабинетот, МНР и Владата се натегаа околу тоа кој бил поканет, а кој требало да оди на 60-годишнината од ослободувањето на Аушвиц каде што на крајот замина заменик-министерот за надворешни работи.

Илинка Митрева, која минативе 10 дена (практично од усвојувањата на конвенциите во Советот на Европа) беше на турнеја по Австралија, пред иселениците на еден собир во Сиднеј го поддржа премиерот Бучковски за најавените визи од Косово, за кои рече дека не се визи туку повисок вид на контрола, за разлика од ставот на Црвенковски околу тоа прашање.