Свет
Војо Михајловски не прифаќа службен бранител
![](https://makfax.com.mk/wp-content/uploads/2016/11/84ecf311-70b5-4927-b9ad-012708efc02e-3026.jpeg)
Не прифаќам во никој случај да ме брани адвокат по службена должност. Си имам адвокат и сакам тој да ме брани – рече на вчерашното судење обвинетиот Војо Михајловски.
Не прифаќам во никој случај да ме брани адвокат по службена должност. Си имам адвокат и сакам тој да ме брани – рече на вчерашното судење обвинетиот Војо Михајловски.
Поранешниот директор на Фондот за здравство се товари за злоупотреби на функцијата додека директорувал, побара судењето да биде одложено додека трае боледувањето на неговиот бранител, Саво Коцарев.
На претходното рочиште, судскиот совет на Михајловски му одредил службен адвокат, зошто неговите бранители не доаѓаа на рочиштата и бараа одложување на процесот.
Судијката Гордана Спировска го одби барањето за одложување и одлучи судењето да почне од почеток. Михајловски во новиот процес ќе го брани адвокатката Лилјана
Буловска. Судијката побара од обвинетите да ги потврдат или да ги дополнат изјавите што веќе ги дале пред судот.
Претставник на Фондот од Војо Михајловски побара да биде исплатена отштета од околу 230 милиони денари, колку што била разликата меѓу пазарната и прикажаната цена на набавките додека тој директорувал, како и за платени, но неиспорачани материјали за здравството.
Михајловски остана на ставот дека се брани со молчење, а молчеа и браќата Љупчо и Ѕвонко Трпковски, обвинети дека спорните малверзации се одвивале преку нивните фирми „Атлантик комерц“ и „Атлантик Ѕвонко“. Ѕвонко Трпковски побара од судот да му биде доставено обвинението, зашто, како што рече, не го добил и не знае за што е обвинет.
И. А.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Легендарниот рокер Бора Чорба погребан со хитот “Погледај дом свој анџеле“
![](https://makfax.com.mk/wp-content/uploads/2024/08/bora-corba.jpg)
Легендарниот рокер, фронтмен на групата „Рибља чорба“, Бора Ѓорѓевиќ (72) денес е погребан. Семејството, колегите, но и бројни пријатели и обожаватели се собраа на Градските гробишта во Чачак за да го кажат последното збогум и да се простат од него.
Хорот на гимназијата од Чачак по црковниот обред го испеа најголемиот хит на Бора „Погледај дом свој анџеле“, а овој момент расплака многумина и тоа беше најтажната сцена од гробиштата.
Рокерот Бора Ѓорѓевиќ (72) почина во средата на 4 септември во Љубљана по тешко боледување.Легендарниот рокер ќе почива во родниот Чачак, што му беше и последна желба.
Роден е на 1 ноември 1952 година.
Свет
Вселенското летало Старлајнер на Боинг слета без екипаж
![](https://makfax.com.mk/wp-content/uploads/2024/09/NASA.jpg)
Вселенското летало Старлајнер на Боинг слета без екипаж во пустината во Ново Мексико, со што заврши тримесечната пробна мисија отежната од технички проблеми.
Вселенското летало доцна синоќа самостојно го почна своето шестчасовно патување до Земјата, а астронаутите Буч Вилмор и Сани Вилијамс, првиот екипаж што леташе со Старлајнер, останаа на Меѓународната вселенска станица (МВС).
Беше одлучено Вилмор и Вилијамс да останат на МВЦ до февруари 2025 година, бидејќи Старлајнер се врати на Земјата користејќи маневри премногу опасни за екипажот.
Леталото повторно влезе во атмосферата на Земјата околу 5 часот утрово по средноевропско време, со орбитална брзина од приближно 27.400 километри на час.
Вилмор и Вилијамс ќе продолжат да спроведуваат научни експерименти додека се во вселената, а се очекува да се вратат на Земјата во февруари 2025 година со вселенско летало на компанијата СпејкИкс.
Свет
Регистриран прв случај на детска парализа во Пакистан по 16 години
![](https://makfax.com.mk/wp-content/uploads/2020/06/pakistan.png)
Пакистан планира итна акција за вакцинација следната недела, откако беше пријавен првиот случај на детска парализа во главниот град во последните 16 години, во услови на пораст на болеста во другите делови на земјата, соопштија денеска властите.
Повеќе од 33 милиони деца на возраст под 5 години ќе бидат вакцинирани од врата до врата почнувајќи од понеделник, рече шефот за полио Ајеша Раза, затоа што вкупниот број на нови случаи годинава се искачи на 17.
Ширењето на вирусот во регионот кој претходно беше прогласен за област без детска парализа претставува нов предизвик за програмата за искоренување финансирана заеднички од ОН и Фондацијата Гејтс, пренесува ДПА.
Случаите со детска парализа во Пакистан го достигнаа врвот од 147 болни во 2019 година, но се намалија на само шест минатата година.